شنو اعطي حق جيراني نقصه هالسنه ؟؟

شلونكم بنات شخباركم ويا هالحر ؟
انا صار لي 5 سنين ساكنه بيتي ومتعوده كل سنه 3 يوم برمضان اوزع طبق عليهم كلهم وهم ما شالله 8 بيوت وهالسنه محتاره شنو اطبخ لهم و اوزع كل سنه كنت اغير مره جريش ومره كرات الكاكاو باعواد الاسنان ومره كيكه الفيمتو ومره حلوه نشا فساعدوني وعطوني افكاركم الحلوه حق توزيعات هالسنه ؟ يلا ساعدوني بليييز

عندي لج اكله سهله وحلوه تاخذين توست ترقينه وتحشينه بدياي شاورما امريكانا وتلفينرول وتصفينه بالبايركس بعدين بجدر على النار تحطينه علبه كريمه حمرا وجبن كلاس صغير وتحركينه عالنار لين يسخن وتصبينه فوق التوست بالفرن يتحمش من تحت واشوي من فوق

هلااختي صي مشكوره وايد على هالطبخه وشكلها وايد سهله واهم شي انها ما تكلف خخخخ تدرين ما شالله 8 بيوت مشكوره مره ثانيه حبيبتي :teeth_smile:

عندج اللقمات او كريم كرمل و عصيده و هريس و مهلبيه و قطايف و كاستر
خبيص وعش سرايا وجلي

هاي قلبو في طريقه سهله ولذيذه

اخذي توست وشيلي الاطراف

بعدين فرديه قصي كل توسته نصين

حطي جبن او قشطه الي تحبين على ذوقج الحلو ياحلو

بعدها لفيهم (رول) ودهنيهم بالبيض شوي واقليهم لمن يحمرون حطي عليهم شوية شيره


وهني وعافيه :wink_smile:

وليش كلهم بنفس اليوم
كل يوم بيت
احلا وتصير طول رمضان وبعد من نفس فطوركم
يعني اذا مسويه مثلا رول الزعتر دزي مع حلو وشوي طبق رئيسي
يعني انا جذي اسوي

مشكورين كلكم يا قلبي وما قصرتوا وام سعود انا اوديه 3 يوم عشان اسبقهم واكتب على غطا القصدير مبارك عليكم الشهر يعني ابارك لهم بطريقه غير مباشره هههههههه واكيد اول يءوم بيت العم وثاني يوم عند الاهل والثالث الكل موجود في بيته

انا اقول اشتري حلويات خاصه برمضان مثل الزلابيه واللقيمات وحطيهم بمطبقيه ولفيها بتور واكتبي عليها مبارك عليكم الشهر
بتطلع حلوه

وكل عام وانتو بالف خير وان شالله عاده ما تنقطع يالغاليه

هلا والله نم نم تصدقين فكرتج وايد حلوه وغريبه صج انها بسيطه بس حلوه وايد شكلي بنفذها ومشكووووره وايد وايد :wink_smile:

طاف موضوعج وماحبيت اطلع الا اعلق واقولج هههههههههههههههه كل عام وانتى بخير

حبيبتي والله لو ان الموضوع طاف لكن كافي مرورج الحلو يا حلوه وكل عام وانتي بخير وصحه وسلانه واسفه على التاخير من زمان مو ماره على الموضوع