→

اليوم غدانا مقلوبه (بالصور)

المطبخ الكويتي والخليجي · 6,897 مشاهدة

📦 أرشيف هذا الموضوع محفوظ من المنتدى القديم (2011/02/12) — للقراءة فقط. المعلومات قد تكون قديمة.

اليوم غدانا مقلوبه (بالصور)

بقلم ام جروح · 2011/02/12 · 65 رد

ام

ام جروح 2011/02/12 · #1

قوه شلونكم ان شالله جوعانين هههههاليوم مسويه لكم مقلوبه وحبيت تشوفونها نبدأ بالمقادير .انا سويت اليوم دجاجه وحده
وطبعا المقادير الي يكفيكم وخضره بجميع انواعها
بطاط_كوسا _بيدجان _قرع _فليفله حلوه _جزر _بصل _طماط _زهره بس ماعندي اليوم وماحطيت كلهم ينقصصون بشكل دائري وينقلون ماعدا الطمام مثل جذي

[/SIZ

وقبل القلي تقصي بصل وثوم وتحطينهم بالجدر مع شوية زيت وعليهم الدجاج والبهارات (فلفل احمر واسود بهارات دجاج كمون دارسين هيل حب مسمار )وتحمسينهم

E][/C

وتصبين عليهم ماي لين نص الجدر وتحطين مكعبين ماجي وملح وانتبهي للملح
سكري جدرج وابدي بالقلي _
ونقعي عيشج وغسليه

وهذا الدجاج يطبخ

_وبعدالقلي _______راح يطلعون بهالشكل بس راح تشوفون الدجاج بالصوره لان على ماتقلون يكون الدجاج خالص تطلعينه وتقلينه

ام

ام جروح 2011/02/12 · #2

لاتردون بليز ماخلصت بس ياريت الي تعرف تصغرلي الصور

ام

ام جروح 2011/02/12 · #3

وبعدين ياطويلين العمر تشخلين العيش وتحطينه على مرق الدجاج وماتخلينه يستوي حيل عشان تشخلينه مره ثانيه يعني لاتخلينه حب ولا ناشف كلش وتروحين بعدها ياطويلة العمر وتخلطين 2 معجون طمام و4 قفاش كتشب وقفشتين دبس رمان وشوية بهارات ومع مرق دجاج شويه

وتردين للجدر وتصفين الخضره المقليه والطمام بالتدريج وبعدهم الدجاج بالمقلوب بهالشكل

ال

الخمــــريهـ 2011/02/12 · #4

تسلم ايـــــدج ,
عاااد صج تشوّقت اني آكل بهالليــل.:rolleyes:.
..هني وعااافيه عليكم..

ام

ام جروح 2011/02/13 · #5

الله يعافيج بس بليز ولدي يبجي وماكملت الموضوع ولا سنعته نطروني شويه اوريكم الخطوتين الباقين والشكل النهائي

ام

ام سكن 2011/02/13 · #6

لا يوقف
لاايوقف

كملي فديتج شكلها جناااااان

ال

الخمــــريهـ 2011/02/13 · #7

أم جروح..شوّقتينا وعلّقتينا!!
شسوي يختج حدي يووووعااانه.
.ههههههه
سلامة جروح,,

ام

ام جروح 2011/02/13 · #8

الي عنده عيال تقدر تسوي شي الله يهديهم :mad:
الحين نصب الخلطه الحمرا ع الدجاج الي بالجدر

[/

ونشخل العيش وهو يعني باجيله شوي ويستوي ونحطه فوقه الدجاج بالعدال على اساس ماينعجن العيش وانتي تشوفين اذا تحسين محتاج ماي زيديه من مرق الدجاج واذا لا خليه ينشف على البخار

COLOR]