📦 أرشيف
هذا الموضوع محفوظ من المنتدى القديم (2009/10/26) — للقراءة فقط.
المعلومات قد تكون قديمة.
منو رح تولد بالشتاء؟؟؟؟او ولدت من قبل بالشتى؟؟؟
بقلم omreem · 2009/10/26 ·
22 رد
om
omreem
2009/10/26 · #1
شلونكم بنات (امي قالتلي انة بالشتاء انسبح البيبي مرة بالاسبوع )وبعدين شلون نمشي بالبرد بالشتى بالتاسع ؟ وشلون ولادة الشتى الي عندها خبرة تقولنا لان انا بجر وبنص الثامن؟؟؟؟:teeth_smile:
بي
بيبي سبايس
2009/10/27 · #2
هلا فيج حبيبتي والله يسهل عليج
بالنسبة لولادة الشتى وااااايد حلوة انا جربتها وكنت امشي عالبحر بعز البرد بس ديري بالج بالنفاس تدفي عدل ولبسي ملابس داخلية واااايد عشان لا يدشج هوا وديري بالج عالياهل ومو تضقليله الملابس على بو ان برد وبالنسبة لسباحته سبحيه مرة بالاسبوع جدام الدفاية او اذا كنتي خايفة يحوشه برد كل يوم ييبي فوطة فيها ماي دافي ومسحي جسمه وويهه
الله يكتبلج اللي فيه الخير
مت
متخصصة في التان الطبيعي
2009/10/27 · #3
بالتوفيق يالغالية
om
omreem
2009/10/27 · #4
ثانكس على المرور
دل
دلوعه99
2009/11/06 · #5
الله يعينا على ولاده الشتا انا بعد انا بولد في شتاء ومجربه ولاده الشتاء في بنتي قبل 10 سنواااااااات حلوة ولا حلوة يعني لازم تدفين زين وتدفين اللبيبي ولا يصلح الاستحماام يوميا من شان ما ناخذ برد والمشي بعد على البحر او اي مكان ماتتحملين البروده اله يعينا وسهل علينا ولادتنا يارررررب
om
omreem
2009/11/07 · #6
امين ومشكورة حبوبة
ال
الشيهانه الحره
2009/11/11 · #7
هلا حبيبتي انا ولادتي بالبجر كانت بالشتا والحمدالله جو طبيعي مو مثل الصيف مره حراره عاليه ومره رطوبه وكله امراض
عـ
عـــضوه
2009/11/12 · #8
مرحباااا
بنسبة ولادة الشتاء موحلوه برد وتخافين علي البيبي من البرد بس لاتخلين البيبي عند الدفايه واجد حتي لايصفقه البرد لمى تطفينها
om
om-dodo
2009/11/12 · #9
بالعكس هم انا بجر وولادتي بالشتا بس اسمع حريم اول يقولون احلى شي عروس الصيف ونفاست الشتا لان الوالد ماتنغث من الحر وبروحها هي مالها خلق نفسها بس اهم شي تدفي واالله يكتب اللي فيه الخير ويسهل اموري واموووووورج :teeth_smile:
طو
طوارقية
2009/11/18 · #10
حبيبتي أحلى شي ولادة الشتا انا ثلاثة من عيالى بالشتا ان بغيت اكل ودوا اريح لج انت والبيبي يتسبح وينام احسن من ولادة الصيف لادوا لا اكل مثل الناس وانا الحين حامل ولادتي شهر يناير والله يسهل على كل حامل
q8
q8-3soola
2009/11/19 · #11
الله يهون عليكم يااااارب
وتولدوون بالسلااامه وتفروحون ببيبياتكم كلياتكن ههههههه
وولاده الشتا تهبل كل من جربها يمدحها انا باخر نفاسه لي بالصيف تلوع الجبد حر مووت
والنفاس اصلا تحس بالحروره .
كر
كريستاله الحلوه
2009/11/19 · #12
لا تسمعين كلام هذي وهذي والله انا اعيالي ثنين بشتاء وكنت اسبح كل يوم بس عند الدفايه علشان يصير فيهم صحه اصلن اذا تسبحو مره بالاسبوع مايصير عندهم صحه انا اسبحه الصبح او بليل وينام نومه حلوه ويصير اهوه اذا ماتسبح يتملل والحمدالله وربي يقومج باسلامه هذا اهم شي :wink_smile:
ال
الحزن
2009/11/19 · #13
صراااااااااااااااااااحه احلى ولاده بالشتاااااا احلى بمليون مره من الصيف عاااد انتي نفاس وصيف صج صج تجيج ضيقه لكن الشتا واله روووووووعه يروووح اليوم وماتحسين الا الزنجبيل عندج ولا الحليب بالزعفران عندج ونااااااااااااسه وناااااااااسه وانا صراحه كنت اسبح البيبي يوم وترك كنت ادفي الغرفه احط الدفايه لين تحتر الغرفه وابندها بعدين اسبح البيبي ولين خلصت مهدته ولبسته وحطيت كبوسه واحطه بالسرير وبس بس صدقووووووووووووني اللي بتربي بالشتااااااااا هنيالها صراحه لان صج ماراح تتضايق تخبرون ان النفاس بروحه يضيق الصدر بس ولادة الشتا رووووووووووووووووووووووعه والله كنت كله بالخيمه في بيتنا وعز البرد ومطر والله يضيع يووووومج و40 يوووم تخلص بسررررررررررعه والله يقومكم بالسلااااااااااااااااااااااامه :shades_smile:
om
omreem
2009/11/19 · #14
شكرا على المرور ونستوني:angel_smile:
om
om deaj
2009/11/20 · #15
الله يقومكم بالسلامة خوش تجمع
الي تدور على كفرات نفاس راقية
99376732
انا ولدت باول الشتا بصراحة وايد احسن لاني بالصيف احتر وايد والنفاس الزم تدفي عمرها تخيلي تتدفين وصيف>> اموت احسن
والحين اديع من الله حملي يضبط عشان تصير ولادتي بالشتا قولو يارب
om
omreem
2009/11/21 · #16
يارب انشاللة حبيبتي تكون ولادتج بالشتا
ال
الكتكوتة المفترسة
2010/01/10 · #17
ولادة الشتا احسن من الصيف لان التكييف اهوة اللي يمرض
وانتي شايفة انه شتانا هالسنة حدة دافي
وبالنسبة للسبوح فكافي مرة بالاسبوع
اذا بيتكم من النوع البارد اهتمي بالملابس الثقيلة لج وللبيبي بس شغلي دفاية الزيت وضبطيها على اقل درجة لان الدفاية بروحها تمرض
نفاس سعيد ياحياتي
زر
زرقاااء اليمامة
2010/01/11 · #18
ولادت الشتااااااحلوه لج انتي والبيبي الله يعينج
آم
آمـــارا
2010/01/17 · #19
احلى شي ولادة الشتا ... وناسة و نظافة ولا تعرقين
اذا دخلتي التاسع ... عادي امشي على كيفج وقد ما تبين
واذا ولدتي اول 10 ايام لا تسبحين ... بس نظفي نفسج بفوطة مبللولة بماي دااافي و صابون كاااافي
و تنشفي و لبسي عدل .... و شربي اشياء دافيه ... الحليب + الزعتر أو زنجبيل مو طبيعي داااافي
وإكلي عدل ولا احذري يكون بطنج خااالي إكلي لحم و دجاج و سلطات و عصير البرتقال علشان يسهل عملية الخروج .. و تتفادين الإمساك
وبعد ال10 أيام .... تسبحي عدل مدل و تصبني و تنظفي ... و لما تطلعين من الحمام ... تكونين من الأول مدفية الغرفة ... و مجهزة الإستشوار .... و نشفي شعرج عدل
و لفي راسج بشيلة ثقيلة و شربي شي دافي ... شاي أعشاب مثلا ... و نامي
وياويـــــــلج اذا مشيتي على السيراميك و رجولج حااااافية ... يدخل البرد بعظامج و انتي ماتحسين
احذري هالشغلة
لبسي مداس فرو
والبيبي سبحيه مرة بلإسبوع داخل الغرفة دافية و تسكرون الباب و محد يدخل لين البيبي يلبس كل ملابسه
بس لازم تتدفين عدل ... مو قصدي تخنقين روحج بالملابس ... قصدي لبسي بيجاما قطن داخلية
و فوقها دراعة الإستقبال مالتج ... و خليج على بالفراش و الفاية شغالة ... و اذا احتريتي طفيها
مو مشكلة ... بس لا تبالغين بالملابس ولا تفصخين مرة وحدة ... علشان ما تعرقين و مع أقل هبة هوا باردة تصكج الصخونة ... اسم الله عليج
بس صج ولادة الشتا تهبل جربتها مرتين ... احلى ما فيها انج ما تعرقين مثل الصيف ... أنا جربت الصيف شهر 10 آخره بعد .... و بغيت اموت زهقت من هدومي .... و أهلي هوشة معاهم و السبب التكييف أشغله و تجي امي و طفيه ... حراااام خايفة علي ....معاااااااناة ..هذا وانا شهر 10 شلون 6و7و8و9 الله يعينهم مسااااااكين
om
omreem
2010/01/20 · #20
مشكورة حبيبتي
كنتي عضوة بالمنتدى القديم؟
استرجعي حسابچ وشوفي مشاركاتچ ومحتواچ من ٢٠٠٩.
استرجعي حسابچ
مواضيع من نفس القسم