ريوق النفاس +غداء النفاس + عشاااء النفاااس والطريقة خطوة بخطوة بالصور . . .

الريوق:

الزنجبيل با الزعفران والحليب



نحتاج زنجبيل طازج

خيوط زعفران

وسكر على حسب الرغبه



والحليب يكون على جنب على حسب الرغبه

الطريقه نقشر الزنجبيل او لا لتس الحريه ونقطعه مكعبات صغيره

للحصول على شراب صافي وطعم خفيف او مجروش للحصول على شراب شائب نوعا ما

واكثر حراره ,, نحط الزنجبيل و خيوط الزعفران والسكر في الابريق ونزيد عليها الماء المغلي



الحليب با الهيل والزعفران


المقادير

حليب شاي

ملعقه متوسطه هيل

سكر حسب الرغبه

خيوط زعفران

كوبا ونص ماء

تغلى المقادير با استثناء السكر وتترك على نار هاديه

مدة خمس دقائق وعليكم با العافيه



الحليب با الفلفل الاسود والحلوه


حليب ابيض المراعي او اي نوع

ملعقه صغيره فلفل اسود حب

وملعقه صغيره حلوه

تغلى المقادير على نار هاديه ومايحتاج يفور الحليب ونصفيه عند التقديم

ونرش فلفل اسود على الوجه وها الحليب بدون سكر واستمتعوا با احلا حليب منشط للدوره الدمويه

ومدر للبووول ومهدئ للاعصاب


--------------------------------------------------------------------------------


شاي اعشاب

المكونات

نعناع

حبق (( ريحان )) مجفف او اخضر

زعتر بري مجفف او اخضر

مغلف واحد شاي

وانصح با استخدام شاي (( بنتليز ))

توضع المكونات في الابريق او الزمزميه ويصب عليها ماء مغلي

ويكون السكر جانبي وما ينحط في الزمزميه مع المكونات

مشروب صحي ومدفي ويساعد على تدفق الدم وتهدئة الاعصااااب ..



عصيدة التمر مع الصور


ومكوناتها الأساسية ( تمر وطحين وكمية التمر تكون أكثر من الطحين )


والمقادير والطريقة معاً :
كيس صغير تمر منزوع النوى أخلطه في الخلاط مع 1ك من الماء حتى ينعم

أضع الخليط في قدر على النار وأحرك وأبدأ باضافة الطحين بالتدريج ( حتى أحصل على القوام المناسب )

مع الاستمرار في التحريك لحد مايصير الخليط لاهو خفيف مره ولاثقيل مره ( لأنها رح تثقل بعد ماتجهز وتبرد )

وأترك العصيده على النار حتى تستوي لمده لاتقل عن 45 دقيقة على نار هاديه
نضع على الوجه السمن ويرش بالفلفل الأسود والقرفه

--------------------------------------------------------------------------------

الش***يه:


المقادير :
- 1 باكيت ش***يه ( نصف كيلو ) - 3 ملاعق كبيرة من السكر - 2 ملعقة طعام **ده أو سمن
- 3 بيضات -ربع ملعقة شاي هيل ناعم -ربع ملعقة شاي زعفران
طريقة التحضير : -
-تحمر على النار مع قليل من ال**ده حتى تصبح ذهبية اللون

تسلق ا ( الش***ية ) في ماء مغلي .
- تصب في مصفاة للتخلص من ماء السلق وتشطف بالماء البارد .
- تقلب مع ال**د أو السمن المقدوح في وعاء مناسب مع إضافة السكر والهيل والزعفران حتى يختلط الجميع .


---

المراصيع
المقادير

(( 1 ))



بصلتين متوسطه + طماطه متوسطه + فليفله صغيره

بيضتين + ملعقه صغيره من ( فلفل اسود + كمون + كركم +ك**ره )

ملح على حسب الذوق .. توضع في الخلاط لمن تصير صلصه رايبه

ويكون البصل فيها نوعا ما باين بس مو لدرجه مزعجه

(( 2 ))




كاس ماء + ثلاث ارباع الى نص كاس زيت + ملعقه كبيره حبة البركه (( السويده ))

و 3 كاسات طحين اسمر ,,

نخلطها مع خلطة البصل في باديه لها غطاء وراح يكون معنا خليط مقارب لخليط البان كيك



نتركه يرتاح نص ساعه او اذا كنا مطولين نحطه في الثلاجه
نجهز العده انا استخدم مغرفه صغيره عشان الاحجام تكون متساويه
نحط التاوه على النار ونبداء نصب الخليط



لمن يحمر نقلبه على الوجه الثاني

وهذا شكله



ونصف المراصيع ونرش سكر وسمن وعسل

غدا النفاس بالصور000



المرقوق:
المقادير :
1- كأس دقيق.يضاف له ملح وتعجن حتى تصبح متماسكه اى نستطيع مدها.
2- كيلو لحم
3- بصل مقطع صغير
4- حبه كوسه - بطاط - فاصوليا - جزر - حمص حب - قرع.
5- طماطم يقطع صغير
6- ملح و( كمون- لومي اسود- فلفل- قرفه- بهارات مخلوطه)

الطريقه:يحمس البصل بالزيت ثم يضاف الطماطم ويقلب جيدا ثم يضاف البهارات والملح ثم اللحم. يقلب ثم يضاف
قليل من الماءويغطى مده ربع ساعه ثم يضاف جميع الخضار الى ان نجهز رقايق العجين نفردها رقيقه جداوتقطع مربعات يعنى 5سم الطول والعرض ثم تسقط فى القدر وتكون الحراره شديده ثم توطى تدريجيا الى ان تكون اقل حراره عندك وتترك مده ساعه.



والقبوط هو عباره عن عجينة من دقيق البر تعجن بالماء والملح
وتحشى بالبصل ويصير بعد نسويها بدون حشو البصل بس عجينه خاليه
وتطبخ في مرق الدجاج
بس هي طبخه شوي يبيلها صبر وواسعة صدر وبال طويل
والحين بقول لكم المقادير بعدين اذكر لكم الطريقه مع الصور
دجاجة وحده مقطعه 8 قطع منزوعة الجلد
حبتين طماطم مقطعه
بصله مفرومه
ثلاث فصوص ثوم
البهارات
بزار وفلفل اسود وملح وكركم كمون وك**ره ناشفين مطحونين
....
مقادير الحشوه
2 بصل مفرومين
ك**ره مفرومه
البهارات المطلوبه للحشو
بزار نص ملعقة صغيره
نص ملعقة صغيره فلفل اسود
شوي كركم
ملعقتين صغار ليمون اسود اللي طحناه
.....
مقادير العجينه
4 كوب دقيق بر منخول
شوي ماء
نص ملعقة صغيره ملح
نص فنيال زيت
ماشاء الله تبارك الرحمن
ونطلع اللب اللي فيه وبعدين نطحنه ادري بتقولون لي
سالفه طويله عريضه بس ماكو مشكله اللي ماله خلق ينتف الليمون
يروح لحرمته ويقولها كم كلمه حلوه ويعطيها الليمون تنتفه له وتطحنه
وهي جالسه قدام التلفزيون تطالع مسلسلها
المووووهم
انا افضل اعمل هالشكل يكون احلى وانظف
بس انتوا بكيفكم اذا تحبون تستعملون ليمون مطحون جاهز
وانا هنا استعملت الليمون الابيض اللي يجي شوي فاتح مو اسود



بعدين نعجن العجينه بالماء والملح واخر شي بعد مانخلص نحط عليها الزيت ونتبدي نعجن مره اخرى وخلاص نغطيها ترتاح لين يحين موعد حشيها



احين نحمس البصل في الزيت مع الثوم والبهارات
بزا وفلفل اسود وملح وكركم كمون وك**ره ناشفين مطحونين



بعدين نحط صلصة الطماطم علبة كامله ونحرك ثلاث دقايق لين تصير شكلها كذا وبعدين نضيف الطماطم
ونضيف الدجاج ونقلب وكذا شكله يصير ونخليه شوي عالنار على مايصخن الماء للمرق



نضيف الماء ونحرك شوي
نسكر القدر هالشكل ونخليه على نار وسط لين نص ساعه فقط او اربعين دقيقه بكفيكم
والحين نسوي حشوة البصل نحط البصل وفصين ثوم مطحونين والبهارات المذكوره للحشوه
نضيف الك**ره ونحرك



نحشيها هالشكل



بعدين نكورها كور صغيره واهم شي ندهن شوي اليد بالزيت وحنا نكور ونرش الصينيه بطحين شوي عشان لما نحط الكور ماتتلصق



وبعد مايستوي الدجاج نشيل الدجاج على جنب وننزل الكور في المرق
ونغطي القدر ونخليه يستوي مدة خمسين دقيقه فقط وبعد مايستوي العجين نرجع الدجاج للقدر
وهذا شكله بعد ماستوى



تفضلوا بالهناء والشفاء ان شاء الله

و أخيرا عشاء النفاس000

الدجاج المحشي والمحمر

المقادير والطريقة بالصور


نقلي الصنوبر



ونضع فوقه اللحم المفروم ناعم



ثم نضع كوب الارز المنقوع بالماء الساخن ( وليس المغلي ) ونضع فوقه الملح والقرفة والقليل من الفلفل الاسود



ونخلطهم سويا

نجهز الدجاج ونغسله جيدا ونصفيه من الماء
ونبدأ بحشوه



ونخيطها



ونربط الارجل ونكتفهانضع اعواد صغيره

ضعيها في الماء المغلي ( يجب ان تكون على الظهر حتى لايتعرض الصدر للتفتت والماء تكون يادوب اقل قليلا من الدجاج )
وضعي فوقها بصلة مقطعة وورق غار

وبعد ان تغلي نضع حبتين ماجي وملح و نغطي القدر ونخفف النار لمدة نصف ساعة فقط



بعد نصف الساعة ضعيهم في صينية

وتبليهم بالزيت والملح والفلفل الاسود او كما ترغبين وضعي كوب كبير من مرق الدجاج في الصينية وضعيهم في الفرن الحار مدة ساعة
بعدها حمريها بالفرن



وسلامتكم
جميع الاكلات السابقه تقدرين تضفين لهم حبه سوده وسويده اواي ادويه للنفاس
تقدرين تضيفين لهم سلطات
بنات المواضيع ناقلتها من منتديات قد شعر راسي
واللي عندها شي تضيفه لا تقصر عشان البنات يستفيدون

وينكم يالحوامل ؟؟؟؟؟؟؟؟؟؟؟؟؟؟؟؟؟

يا حلالالاته من ريووووق والله


تسلمين يا قلبي

عساج عالقوه يا قلبي والله شغل عدل


والله يهون على كل حامل

مشكورة وما قصرتي . . .

مشكوره على الموضوع الشيق

مشكوره على الموضوع الشيق

الله يسهل عليج
وعوااااااااااااااااااااااافي عليكم

يعافيكم ومروركم الاحلى

عاد انا القبوط والمرقوق ما اقاومه واكله باي وقت

يسلموووووووووووووووووووو

روعة روعة روعة

ريوق _ وغدا _ وعشا


يعطيج العافية انا اذا ولدت بتنفس عندج

بس انا مو حامل لمه احمل واولد ايييج

الله يعطيج العااااافيه يا قلبي :)

الله يعطيج العااااافيه يا قلبي :)

عمري الي راح كتبت:وااااااااااااااي كيييييييييييكة تسلم اناملك

بس تدرين لو انا بالانفاس واكل هالاكل شرط اخلص النفاس مراح اقدر ادش من باب الشقة يدخولوني بونش ويسون لي فتحة بالسقف علشان يدخلوني البيت

اكل النفاس دماااااااااااااااااااااار

ههههههههههههههه تدرين عاد انا احب اسمع بأكل النفاس واحب اعرف عنه كل شي بس مااااااااااااااااااااآآآآكله نفاساتي كلها تلوع الجبد كلها آلام وسهر وشقا الله يعينا

يعافيكم عوااااااااااااااااااااااااااافي

عمري الي راح كتبت:روعة روعة روعة

ريوق _ وغدا _ وعشا


يعطيج العافية انا اذا ولدت بتنفس عندج

بس انا مو حامل لمه احمل واولد ايييج

هههههههههه حياج الله بس لا يغرج
ترى انا توني عليميه بهالشغلات قاعده استفيد من مرت اخوي ماشالله عليها لان آخر ولاده لي تنفست بشقتي وتوهقت ماعرف شي عشان جذي بديت اتعلم شوي شوي