📦 أرشيف
هذا الموضوع محفوظ من المنتدى القديم (2009/09/21) — للقراءة فقط.
المعلومات قد تكون قديمة.
في احد من معرفكم صارله انفلزنزا الخنازير؟؟
بقلم pinkish · 2009/09/21 ·
15 رد
pi
pinkish
2009/09/21 · #1
السلام عليكم
اشلونكم بناااات وعيدكم مبارك :smile:
في موضوع وايد شاغلني هاليومين واهوا هل في وحده منكم صار لاحد من اهلها او معارفها انفلونزا الخنازير الله يكافيكم شرها؟؟ واشلون تعالج وشنو صار ؟؟
تعرفون انه فتره العيد الناس كلهم بالسوووق وتجمعات وزواره وعزااايم واكيد امراااض .. وكلنا عرفنا شنو اعراض هالمرض بس اكيد في شي يميز المريض بهالمرض عن غيره
ياليت اللي تعرف شي تقوله علشان ناخذ حذرنا والله يبعد عنه المرض وكل شر يارب
والله يحفظكم ويحفظ ديرتنا من كل بلاء
ال
الاميره بشاير
2009/09/21 · #2
ولد جيرانا صغير معاق يا حياتي عسى الله يشافيه ان شاء الله
أم
أم عبدالله
2009/09/21 · #3
هلا أختي إهي انفلونزا وحرارة هذا اللي قريت عنه
ويصير مشاكل في الجهاز التنفسي
ربي يكافيكم ويكافينا شر هالامراض اللي قاعدة تصير بهالعالم من أخس وأحقر وأقذر المخلوقات
pi
pinkish
2009/09/22 · #4
مشكورين عالرد والله يشفي ولد جيرانكم ياالاميره بشاير
ال
الاميره بشاير
2009/09/22 · #5
اللهم امين يارب العاااالمين ,,
ال
القعابيه
2009/09/22 · #6
احنا ثلاث بيوت من عايلتنا صارت فيهم والسبب انهم يدرسون بالبحرين ونتقلهم المرض من اهناك اما علاجه جدا سهل اهو فعلا يحجزون المريض خمس ايام بالمستشفى للعلاج لانك المرض ماهو خطير الا للي ماعندهم مناعه مثل اللي فيهم ايدز والي زارعين نخاع ومرضى القلب بعد يتأذون اما الناس العادين ماراح يتعبهم وايد صح ان اول يوم يطيح طيحه بسبت ارتفاع الحراره ويبدا يرجع وانتو بكرامه وويه يقلب اصفر لكن هذي اعراض الحراره وطبيعي اي انسان بيروح المستشفى منها ولازم حتى المخالطين للمريض حتى لو مافيهم شي يتعالجون بحبوب عشر ايام بس بدون حجز لاني اشتغل بمختبر ماقصرو من تحذيرات من الحذر ان يصير فينا المرض ينتقل عبر الايد يعني لازم من تلمسين شي برا البيت ماتقربين ايدج يم ويهج ابدا وكثر ماتحصلج فرص اتغسلين ويهج وايدج وتنشفينهم عدل افضل اما الهوا نادر ماتنتقل انا لزق مريض بويهي واهو يتكلم وتوه مكتشفين فيه الانفلونزا ولا صار فيني شي وسوري عالاطاله:)
pi
pinkish
2009/09/22 · #7
اختي القعابيه الله يشافي مرضاكم انشاءالله ويحفطكم
والله طمنتيني اشوه الحمدلله يعني في علاج وممكن الواحد يتعالج من هالمرض والله قاعده احاتي اخاف على عيالي لايصير لهم شي عاد اليهال الانفلونزا العاديه مايتحملونها اشلون عاد انفلونزا الخنازير
اط
اطيـــــاف
2009/09/22 · #8
لاتخافين توكلي على الله ومايصير الا الخير انشاء الله
وهذا المرض اللي اكثر عرضه له هم مرضه السكر’’’الربو’’’’ الحوامل وخطر شي الحوامل ؟؟وحده جاهاالمرض وهي حامل توفت الله يرحمها اعتقد عشان مايقدرون يعطونها علاج عشان الجنين
اما اي مريض يقدر يتعالج ؟؟؟بأذن الله
والله يحفضنا وأياكم
pi
pinkish
2009/09/22 · #9
الله يرحمها حرام مسكينه :(
الحمدلله ماعندنا احد بالعايله فيه هالامراض .. الله يشافي مرضانا ومرضاكم يارب ويحفظنا من هالبلاء يارب
ال
القعابيه
2009/09/22 · #10
اختي اللي تتكلم عن الحامل اللي توفو بالكويت خمس حالات ومرو كلهم عندنا بالمستشفى الاول كان بالعنايه المركزه وفيه القلب والكلى وحده تعبان ودشله وحده من معارفه فيها انفلونزا خنازير وطبعا اهو مايستحمل كلش فمات الله يرحمه والثانيه بنوته صغيره توها زارعه نخاع وفيها لوكيميا واساسا ممنوعه من التعرض للشمس وممنوعه من اي جرثومه لان جسمها مافيه كلش اجسام مضاده ادافع اما الحامل كانت اساسا مريض وكانو الدكتاره خايفين من حملها لانها ماعندها مناعه ويت الانفلونزا وزادتها وماتت وبنتها ولدوها وعاشت ايام وتوفت الله يرحهم فكل الحالات اساسا تعبانين وليما الحين اشوف ناس اييون اليهال اللي ماعندهم مناعه ويخلونهم يخالطون الناس بس انا كثر مااقدر انبهم يعني بنت عمرها سبع سنوات وفيها داون وفيها لوكيميا والبنيه مشاء الله عليها اجتماعيه ودش القلب من مرحها اتييبها بجينز وبلوزه وتخليها تصعد بطاولات المختبر والتسلم على الموجودين ومو لابسه كمام وتمسك اغراضنا لازم الناس اللي عندهم هالحالات مايتساهلون لان عيالهم بيضيعون من جيسهم/COLOR]
pi
pinkish
2009/09/22 · #11
اختي القعابيه الله يعينج والله على شغلج انتي معرضه كل يوم حق الامراض بس الله الحافظ انشاءالله
ومشكوووره على المعلومات والنصايح المفيده :smile:
sh
shshooda
2009/09/29 · #12
طمنتينا الله يطمنك دنيا واخره قولى امين
pi
pinkish
2009/09/29 · #13
أأأأأأأأأأأمييييييييين مشكووووره على مرورج حبوبه
وشكرا لكل وحده شاركتنا بمعلوماتها :smile:
ما
مارلين
2009/10/19 · #14
يادافع البلى سمعنا وسلمنا يارب احفضنا واحفظ المسلمين
pi
pinkish
2009/10/20 · #15
آآآآآآآآآآآآآآآآآآمين
عاد والله بره الكويت الوضع طبيعي كل ما اسال اي احد من برا اشلون انفلونزا الخنازين عندكم يقولون عادي الدوا باي صيديله تلقينه واحنا لي الحين ننطر :emoticon_U:
me
mesteka
2009/11/04 · #16
ambaaaaaaaaaaaaaaih ana walla 7ady 5aaaayfa
كنتي عضوة بالمنتدى القديم؟
استرجعي حسابچ وشوفي مشاركاتچ ومحتواچ من ٢٠٠٩.
استرجعي حسابچ
مواضيع من نفس القسم