الرجاء الرد للاهمية

بنات انا هاذي اول مره اشارك في منتدي ابي اسال عن اسم طبيبة تسوي عمليات تضييق للمهبل في الكويت واشكثر تكلف لو سمحتوا للاهمية ترا زوجي وايد متملل مني وماسك هالشي علي حجة علشان يخوني الجاء الرد السريع واهي بنج عام :

ان شاء الله البنات يفيدونج
وتم نقل الموضوع للقسم المناسب >> نساء و حمل وولاده <<

شوفي انتي لج اطفال يعني ولدتي من قبل

الله يعينج يارب ويهديه والله ما عندي فكرة بس ان شاء الله البنات ما يقصرون

انا اي والله عندي اولاد الله يخليهم لي بس انا ولادتي قيصريه يعني ولله الحمد ماتاثرت
بس مرت حماي راحت للهادي بولادتها الثانيه عند دكتور سوا لها بس بعد الولاده اما يعني اذا مافي ولاده ماسمعت احد من جماعتنا سوا
ويقولج مايرد اللحم مكانه الا اذا ولدتي وانفستي مره ثانيه يعني انتي حاولي تحملين واولدي بخاص ووقولي لهم ابي تجميل او تضيق وتنفسي عدل وان شاء الله تردين تمام التمام
وسمعت رفايجي بعد يمدحون الدكتوره عاليه الفضلي والكل اهني بالمنتدى يمدحها روحي لها وان شاء الله تلقين حل لمشكلتج

شكرا ما قصرتي

شكرا اخواتي علي تفاعلكم معي الله يبارك فيكم

امبلا يصير تسوينها من غير ولاده روحي للدكتور احمد الشاذلي بمستشفى السلام وايد يمدحونه بالتضييق