📦 أرشيف
هذا الموضوع محفوظ من المنتدى القديم (2009/05/18) — للقراءة فقط.
المعلومات قد تكون قديمة.
خبيره الاعشاب ضروري ضروري
بقلم جواهر23 · 2009/05/18 ·
10 رد
جو
جواهر23
2009/05/18 · #1
السلام عليكم
الى خبيره الاعشاب مع التحيه..
انا نفاس ولي 14 يوم اول 5 ايام كنت بالمستشفى تعبانه وماقدرت اتنفس عدل يعني كنت كله جوعانه وبعد الخمس ايام امي ماقصرت وياي تسوي لي عصيده الساعه 7 والغدى وحده والعشا 8 بس اكل مو اللي شبعانه يعني بس سديت جوعي انا اخاف من الخراب :( شلون اعرف اني ماخربت حدي خايفه خايفه يقولون اهم شي اول 15 يوم الاولى وانا خلصتهم يعني شلون:(
والخياط بس سبوع ورحت الهادي وشالوه :( انا اقول مايمدي خاط الجرح :( حدي تعبت نفسيا ياليت يابنات وياخبيره الاعشان تفيديني تكفون تكفون انا تعبانه حيل ...
حبيبتى انا لا اعرف كيف اساعدك لكن بدعيلك الله يعافيك وتلاقى اللى يساعدك
جو
جواهر23
2009/05/18 · #3
الله يجزاج خير ماقصرتي
لي
لي حبيب مالي الدنيا علي
2009/05/20 · #4
انا اعرف طريقه يقولون انك من خلالها تعرفين اذا كنتي خربانه ولا لا تروحين الحمام عزج الله وتبولين وفجاه تمسكين نفسج اذا وقف يعني الحمدلله ماحاشج خراب اما اذا قعدتي تخرين يعني في خراب قليل وحتى اذا كان في خراب في بياعة اعشاب اعرفها عندها تحاميل وحده بوحده للحالات هذه ودويات
لي
لي حبيب مالي الدنيا علي
2009/05/20 · #5
تكفون تكفون تكفون يا بنات انا مالي احد ولادتي انشالله اخر الشهر الجاي ابي مساعدتكم ابي وحده تعرف تسوي حسو وقبوط وسوالف نفاس تكفووووووووووووووووووووووووووووووون ابي المساعدة يا بنات المنتدى في ميزان حسناتكم والله
لي
لي حبيب مالي الدنيا علي
2009/05/24 · #6
بنات ابي كروسيه زين للبطن بعد الولاده
ال
الفوانيس
2009/05/27 · #7
حبيبتي أختي جواهر
لاتتهيئين أشياء و لاتخلين الشيطان يوسوس فيج انتي الحمدلله خياطج ضابط والدليل ان الدكتور شاله لج ، وماراح يشيله لو شاف ان الجرح مو ملتئم وإذا حابه تتطمين بزيادة روحي لأي دكتوره تفحص الخياط وتفحص الأرحام إذا للحين فيها بقايا
وثاني شي عالنفاس انتي للحين جدامج وقت تتنفسين عدل وحاولي تشربين بعد كل وجبه خلطة أعشاب أو اشربي خلطة زنجبيل مع دارسين
واحرصي انج تتغسلين بنقوع المرامية أو نقوع قشر الرمان اليابس وأهم شي البخور تتبخرين من تحت
ولأي استفسار لاتترددين
ال
الفوانيس
2009/05/27 · #8
أختي الي تسأل على كورسيه للنفاس
أحب أقول شغله ارتحت عليها من بعد ماجربت أنواع الي في الصيدليات يضايقوني بأنهم يتصفطون لما أقعد أو العود ينشق ويدش بخاصرتي
جربت نوعين حلوين ينباعون عند أنور ، الأول على شكل سروال خاص للنفاس لماتلبسينه يرتاح ظهرج ، أما الثاني البعض يلبسه بالعروس يعطيهم خصر حلو ويلم البطن ويرز الجسم
واتمنالج الاستفاده من كلامي
لي
لي حبيب مالي الدنيا علي
2009/05/27 · #9
مشكورة حبيبتي فوانيس ماجورة انشالله بس اي واحد فيهم تنصحيني فية
ال
الفوانيس
2009/05/27 · #10
والله الاثنين زينين وأنا ماخذتهم اثنينهم ، الأول الي على شكل سروال له حزام بالظهر يريح ظهرج مايخليج تحسين بالتعب ومايضغط على بطنج حيل ويكتم نفسج يعني مريح وطبي
أما الثاني بصراحه يرز الجسم وخصوصا اذا لابسه شي وكاشخه يلم البطن والخصر لكن مايصلح لفترات طويله لأنه يضغط حيل ويتعب
وحياج الله
$$
$$ أحبكـــــم فــــي اللـــــه $$
2009/05/30 · #11
شوفي حبيبتي الخراب مايبين الحين يبين اذا طلعتي من النفاس بس اذا الايام الاوللى 15 ماتظبطتي الحقي روحج بالايام الباقيه وبعدين تبين تعرفين اذا انتي خربانه او لا اذا طلعتي من النفاس وتوضيتي من داخل صك لحمج هذا انتي مضبوطه واذا توضيتي من داخل مالم لحمج هذا انتي خربانه وبعدين لاتوسوسين بالخراب يجيج انسيه واكلي اعشاب صبح وليل والبسي دلاق وجواتي ولايحوشج برد اهم شي الرجول لايحوشهم برد لان الرحم مصدره الرجل لايحوشها حبيبتي برد وانشالله تسيرين مظبوطه بعد النفاس وموفقه انشالله بدعيلج
كنتي عضوة بالمنتدى القديم؟
استرجعي حسابچ وشوفي مشاركاتچ ومحتواچ من ٢٠٠٩.
استرجعي حسابچ
مواضيع من نفس القسم