ام
ام الزيـــــن
2009/01/20 · #1
السلام عليكم ورحمة الله وبركاته
دا اول موضوع ليا واول مشاركة في المنتدى ...
بأقولكم قصتي
انا سرلي 10 شهور متزوجه
وماحصل حمل
وزوجي نفسه احمل وانا ابغا احمل عشان اسعده
ok06
في تلات مرات حسيت باعراض الحمل لكن نزلت الدورة المرات التلاته
(غثيان، نوووم، أكل، تبول كتير، حك في البطن، زيادة حاسه الشم)
هادي تواريخ اول ايام الدورة في الشهور
Jun16, Jul22, Aug21, Sep15, Oct9, Nov6, Dec11, Jan18
وهادي الأيام مابين كل دورة ودوره من شهر جون الين جولاي
18-36-30-25-25-28-35-39
مع العلم انو قبل مااتزوج بشهر قالي الدكتور انو معايا تكيس بسيط في واحد مبيض وأخدت حبوب منع حمل لمده 5 ايام ووقفتها لاني تعبت عليها
وبعدها راجعت عند دكتوره قالتلي انه الاكياس بسيطه حجمها مايزيد عن 5 سم ومايسبب منع للحمل
بما انه بتنزل الدورة وكل شي تمام
واتوقع انه حصل حمل قبل كده بس انه ماثبت لاني من جد باحس بالاعراض
احتمال عدم ثبوته بسبب المشي الكتير والحركه لاني امشي في اليوم تقريبا ساعتين بالقليل
وانا نحيفه جدا وناقص في جسمي حديد وكالسيوم
واحتمال بسبب نفسيتي سيئه بسبب بعدي عن اهلي (انا مسافره من يوم مااتزوجت)
ok06
آخر دورة جاتني أمس بعد 39 يوم من الدورة اللي فاتت
أمس كان لونها بني وماكانها دورة
وجات لاني مشيت كتييير وجريت
لكن اليوم الم الصدر والضهر والم في الجانبين شديد واللون طبيعي
لكن دوخه شديده واحساس غثيان وأشم الروائح بشده ... لدرجه اني جالسه طول الوقت بره البيت ماني مستحمله الريحة
ساعدوني اذا في شي حبوب تقوي البويضه، تثبت الحمل, لزوجي تقوي السبيرم ...
ok07
شكرا لكم ...
ok19