بنات منو تعرف دكتور اسماعيل ندى

السلام عليكم
شلونكم بنات شخباركم شمسوين شلدنيا فيكم :teeth_smile:


بنات بغيت اسال منو تعرف دكتور التجميل اسماعيل ندى يشتغل بدار الشفا؟ يعني شلون شغله بلعمليات شاطر ولا مو شاطر؟سامعين احد يمدحه ولا لا ؟؟ ياليت تعطوني ردودكم
واللي تبي تدش تكتب عمليات التجميل حرام ماله داعي يعني :teeth_smile: لووووووووووووول
يلا ناطرتكم فديتكم :74_74:

والله رفيجتي صعدته للسما من كثر ما امدحته لي
امدحت لي تفخ الخدود
وانا مستانسه استلمت معاشي مني ورحت له
اول ما دخلت قاعد على مكتب ومشغل اغاني ام كلثوم وعايش الجو

قلت له ابي اتفخ خدودي
قال يبيلج 5 او 6 ابر عشان تبقي زي القمر
والابرة الوحدة ب 100 يعني 5 ابر ب 500 دينار

وانا ما صدقت دفعت له
وعطاني ابر بنج تعوررررررررر
وبعدها بنص ساعة عطاني ابر التفخ الخمسة
اول ما طلعت من العيادة ويهي متفخ :52_52:

وثاني يوم صار طبيعي وحلو
ورابع او خامس يوم صار نص متفوخ ونص الثاني اقل

ولاسبوع تقريبا خف خف خف لين اختفى ولا جني مسويه شي :sad_smile:

حسافة 500 دينار عليه

بس للأمانة ويهي صار دائي اول كان طوالي
ومرتاحة بنسبة 50 %