بليز ساعدوني انا حامل وابي اعرف عن توسع عنق الرحم بالشهر الرابع ؟

السلام عليكم حبايبي
انا بصراحه هذا حملي الثالث وسويت سونار والدكتوره تقول عندج توسع بعنق الرحم لازم ترتاحين وتوقفين جماع شهر وبعد الشهر راجعي احتمال امدد لج الراحه
وبصراحه اول مره يحصل معاي هالشي وماني عارفه من شنو
انا كنت احس بالالام بالظهر والحوض وضغط اسفل البطن وكان نازل معاي دم قبل هالالام
ياليت االي تعرف عن توسع عنق الرحم تفيدني بسرعه ابي اعرف اسبابه وعلاجه وهل يحتاج اخذ مجلس طبي لان انا معلمه روضه وعطتني الدكتوره اسبوع راحه.
ناطره ردكم بليز حبايبي ومشكورين فديتكم 

الله يعينج ويسهلج ولادج انا وحده من رفيجاتي عنده توسع سو له ربط وهاذي ماشاالله مافيه شي ولدة و جابت بنوته لاتخافين دام الله معج

ربي يحفظج ويتمم عليج حملج بس عذريني ماعندي فكره عن التوسع اللي ذكرتيه

هلا اختي . . .

يبيلج راحة وربط لعنق الرحم الدكتورة عطتج راحة تبي تشوف اذا الحمل يستمر من نفسه او لا سمح الله لا يعني تبي الطبيعة تاخذ مجراها . . .
وربي يكتب لج الله فيه الخير يارب . . .

اشكر مروركم يالغالين
بس اذكر الدكتوره قالت الرحم مسكر بس العنق عندج متوسع ماجابت طاري الربط

والله يااختي اللله يقومج بالسلامه هو لازم يسون ربط لعنق الرحم علشان ماينفتح مدام في توسع ومفروض تسويه الدكتوره علشان لااايصير شي لاسمح الله عادي مره اخوي سولها اياه بس هي مو توسع لا الرحم مفتوح والطفل طفل عزيز الي هو طفل انابيب والحمد الله جابت بنتها الحمد الله انت رحي وشوفي شنو تقول والله يقومج بالسلامه انت والبيبي يارب