ابى احمل بولد

السلام عليكم ورحمه الله وبركاته


أنا أختكم من الامارات
لوسمحتم حبيباتي اباكم تساعدوني ابى احمل بولد ان وقفت الحمال فتره والسبب كل ما احمل ايب بنت فقلت بوقف فتره عسب حد يساعدني أني احمل بولد هو كل بيد الله سبحانه وتعالى بس لازم ناخذ بالأسباب فلو سمحت أريدكم تعطينوني طريقه احمل فيها بولد وانشاالله يكون بميزان حسناتكم ان دوراتي هب منتظمه مره تتاخريومين او ثلاث مرات تجدم يومين او ثلاث ان اخر دوره يتني بتاريخ 14/8 /2011 وانتهت بتاريخ 18/8/2011 وكنت مطهره يوم الجمعه فحبت اعرف متى ايام التبويض وان اللي اعرفه ان يوم تنزل البويضه يكون ولد دخليج متى يكون يوم الجماع عشان ايب ولد أتمني انج تساعديني والله مادري شو اسوي داخله ع الله وعليج دخليج ساعديني والله نفسي بولد خلاص تعبت وريلي حالف انه يعرس علي لو ها المره يبت بنت لانه نفس بولد وانا ما ألومه والسموووووحه منكم
*

وينكم يا بنات الكويت افاااااااا بس خمس زيارات ولا رد حرام عليكم ساعدوني دخيلكن. واللي تعرف تراسلني ع الخاااااااص فديتكن

يا اختي الكلام اللي قلتيه مو زين ومحد يعترض على عطية الرحمن والبنت او الولد من الزوج مو منج

عموما في اطباء يعرفون يعلمونج على طريقة الولد سواء علاج او اشياء معينه تستعملينها وربي يسهل لج عليها

انا عن نفسي سويت طريقة علشان احمل فالبنت وتعلمتها من طبيبه وظبطت معاي
ربي عطاني وان شاء الله يعطيج مراده

مشكوره يا اختي ع ألمساعده بس حبيبتي ان ما اعترضت على عطيه الرحمن بس قلت نفسي بولد وريلي يبا ولد وانا قات يمكن تساعدوني بطريقه اتساعديني ان احمل بولد بعد الله سبحانه وتعالى

شوفي أختي هذي حكمة رب العالمين وحراام تقولين جذية وأعرف وحدة راحت عند دكتورة وسوت نظام تغذية لمدة 4 شهور سوت النظام وخذت الغسول وحملت وشنو جابت جابت
بنت يعني ربي إلي إذا أراد أراد يأما ناس قالوا لهم ماتقذرون تحملون وحملوا كل شيء بيد رب العالمين وكلنا نتمنى ولد وراضين بحكمة رب العالمين وعليج بكثرة الاستغفار واستغفري غيرج يتمنى لو بنت ولا بعد تكون معاقة علشان يكون عندهاا جاهل والله أعرف وحدة قالت لو أحممل ويطيح بس أكون شليته ببطني والله كل ماتذكر إلي قالته أحمد ربي على النعمة وعليج بصدقة وكثرة الاستغفار وقرأة القرآن وروحي لطبيب يعلمج شلون بس ارادة رب العالمين فوق كل شيء الحمد اللَّـ♡ـہٌ على النعمة

حتى انا مثلك ابي احد يحسبلي التبويض ابي ولد

عن أنس رضي الله عنه بلفظ : (( إذا سبق ماء الرجل ماء المرأة نزع الولد ، وإذا سبق ماء المرأة نزعت ))
الكل غافل عن الحديث : اولا توكلوا على الله سبحانه وتعالى وشرح الحديث هو اذا سبق ماء الرجل وكان اكثر من المرأه ولدت ذكرا وكان الشبه للاب اما اذا سبق ماء الرجل المرأه وكان ماءها اكثر فولدت ذكرا يشبها.

اما اذا سبق ماء المرأه الرجل ولدت انثى ان كان ماء المرأه اكثل فالانثى تشبهها ام ان كان اقل تشبه الاب

انا حبيباتي توكلت على الله والله رزقني بولدي الاول من غير طريقه غير اني احاول وقت الجماع ما اركز نهائيا أملي ان الله يرزقني ولد وفعلا حملت بالولد .

وحملي هذا حتى سويت هذي الطريقه بس كنت نفس الشهر ما اكل حلويات وكثرت من اكل الذره والخوخ والمشمش والخبز الايراني وسويت الطريقه السابقه والحمدالله الحين انا حامل بولد بتوكلي على الله .

وبالنسبه للتبويض ماله شغل بعض الاوقات تختلف نزول البويضه من مرأه الى اخرى ساعات تنزل يوم قبل موعد الدوره والوحده تحمل حتى بولد مو شرط والله ... اهم شي لا تدققون بسالفه البنت والولد ادعو الله بالولد الصالح حتى الانبياء دعوا والله استجاب لهم . شربو ماي زمزم وادعو ان الله يرزقكم الولد الصالح وصدقوني الله الرزاق لا الطب ولا غيره .


تحياتي لكم

الله يرزقج بتوأم عيال ويشفي لي ولدي تراه تعبان تكفون ادعو الله يشفيه

الله يرزقج بالولد الصالح اللهم آمين

الله يرزقك ويرزقني الولد الصالح السليم

حبيبتي في دكتورة فالشارجة عالبحيرة سيريلها وهي بتنظملج متى تنامين ويا ريلج كانت خالتي نفس حالتج وراحت والحمدالله الله رزقها بالولد مع ان ريلها قاللها اذا يبتي بنت بعرس عليج يحصل عندنا في الامارات لانهم ما يتعبون الحرمة هي اللي تتعب والله يرزقج بالولد الصالح

الله يرزقج بالولد ويرزقني بالولد ان شالله
ويحفظ بناتي يارب
اذا تقدرين تابعي مع دكتوره

حبيبتي ربي يرزقج بالولد ويرزق كل محروم
ادعي ربج بكل صلاة بنية الولد واستغفري بنية الولد

شحلااااات البنات يهبلون عندي بنتين ربي يحفظهم لي ويرزقني وياج بالولد الصالح ث
اذا ارا ربج شي بيصير
ربي يوفقج ويرزقج