بنات انا حامل بتوام وخايفة من الولاده والي جربت التوام تخل ابيها بسالفه

السلام عليكم


شلونكم بنات
شخباركم

بنات انا الحمدالله عندي ولد اول ما يبته قعدت سنة و9 اشهر وبعدين حملت كنت مركبة لولوب واول ما شلته حملت

ولمى عرفت اني حامل كملت الشهر الثاني رحت لمستشفى الامومه عند الدكتور احمد الشريف وسوالي سونار وقالي فيج كيسين ماشالله انا اهنيه انصدمت بصراحه ما صدقت قلتله يعني شنو قالي توام
قلتله شلون قالي التوائم وراثه من الام جان اتذكر ان امي جايبه توام بس ماتو واختي حملت بتوام واحد مات في بطنها والثاني انود طبيعي سبحان الله جان اصدق

والحمدالله مو ماخذه اي شي لا حبوب ولا شي لااله الا الله ما شالله

وانا الحين ولله الحمد باول اسبوع من الشهر السادس
وانا اراجع عند د محمود الاسطل
وانا سالته جم مره ما ابي اولد قيصريه يقولي لا تفكرين بالولاده الحين
وانا حدي احاتي القيصريه


بنات والله ورب الكعبه اني ميته خوف من هالولاده ما ابي قيصريه بنات شسوي ؟
اخليه يولدني اهوه احسن ؟

وهم بعد خايفه حدي من عيون حمولتي لانهم حدها عيونهم حاره شسوي ؟
وانا اهلي ماعندهم هالسوالف وودي اسوي استقبال بالمستشفى وخايفه ؟
قلت ما راح اشتري شي يديد بس يمكن اغير قميص ولادتي
بنات ساعدوني؟؟؟؟؟


خااااااااااااااااااااااااااااايفه من الولاده وعيون الناس

هلا اختي من حقج والله تحاتين الولاده مو شي سهل والحمل بالتوائم صعب وهالشي شفته باختي
لما احملت ببناتها ... الله يسهل عليج امورج .. سبحان الله الكل يخاف من العين لازم تقرين على عمرج ... نحن بنات اختي كنا نخاف عليهم والناس دوم تريد تشوف اشكالهم لانهم كوبي ( نسخه ) من بعض ... الله يكمل حملج عليج على خير ...

حبيبتي عليج بالرقية والاذكار

ولاتحاتين الولادة ربج يسهلها عليج ان شاء الله

ياأاقلبي مبرؤووك وثانياااا لاتحاتين واأاائد إلي اللله كاتبة انتي ادعي بصلاتج وحصني نفسج
وأعرف وحد كانت حامل. بثلاث أتوأم مأشاء اللله جابت طبيعي بس اتبعت كلام الدكتور مالهاا
وان شاء الله تولدين طبيعي أن شاء الللله وتقومين بالسلامة وتبشرينااا انج ولادتي طبيعي

الناس عندها خير اختي ارقي نفسج وحصني نفسج وربي

يقومج ويالبيبيات بالسلامة يااارب

ولا تحاتين شي

اختي العودة حملت بتوائم من زماااان يعني تقريبا من 14سنة وراثة طبعا التوائم

وكنت تحاتي لدرجة اول ما قالت لي الخبر قعدت تبجي ومنصدمة :)

وقت الولادة ولدت الأول عادي الثاني كان معترض فرته لها الطبيعة مدري شنو سوت

وربي رزقها بأجمل عيااال وولدتهم طبيعي بمستشفى حكومي :) ولله الحمد

لا تحاتين والامور ان شاء الله سهالة توكلي على رب العالمين

ليش المحاتاة والتفكير السلبي؟هذا كله يأثر على البيبيات ربي يحفظهم

مثل ماقالج الطبيب الحين لاتفكير بالولاده اول ربي يتمم عليج وتالي كله سهالات من الله
فكري باجر اذا ولدتي اشلون شكلهم بيكون؟نفس الشي ؟والمواقف اللي بتصير معاهم

وايد اشياء حلوه فكري فيها وخلي الباجي على رب العباد

هلا حبيبتي الف مبرووك
والله يتمم عليج ان شالله
لاتخافين عادي خلج طبيعيه التفكير السلبي ياثر عالاجنه
جهزي لهم ملابس واذا بتسوين استقبال سوي عادي موشرط تطلعين اليهال للناس اذا تخافين عليهم
واهم شي الرقيه اقري عليهم وحصنيهم ومايصير الا الخير
الناس شايفه خير الحمدالله
وحمولتج شي اكيد بيستانسون لولدهم
اهم شي تولدين بالسلامه وانتي وياهم تكونون بصحه وعافيه
فكري بال40مثلا بتتعبين شوي لازم احد يساعدج
ابيج تتفاألين مو تحاتين وتتظايقين قيصري طبيعي المهم تولدين بالسلامه

مبرووووووووووووووك ياقلبي واللله يسهل عليج انا كنت حامل بتوام والله تعنت حيل بحملي والحمدلله ولتهم طبيعي بس الدكتور حيل تعب لان واحد كان راسه تحت واحد فوق وكان يحاول يلفه بس ما لف وشفطوه

حبيبتي مب لازم حد يعرف انج حامل توام والله عندنا الحريم يحملون ومايقلون نقولهم بطنكم بزياده منتفخ تقول شسوي ها الحمال وبعد ما تولد تصدم الناس انهم توأم هذا عشان ما يصرلهم شي وانتي حامل فيهم

مشكورين حبيباتي البنات على نصائحكم لي وانشالله بسوي كل الي تقولونه وانشالله راح أرقي نفسي وتحصن عيالي وانشالله ربي يرزق كل محروم ويهون على كل وحده حامل بتوم او بواحد

اناعندي توم جبتهم طبيعي بس تعبت كثير بس نصيحه كل امشي وشربي كف مريم ودارسين واذا جاك الطلق نقعي ارجولك في ماء دافى الله يسهل علي وعليك

اقري على نفسج وربي يسهلها عليج