📦 أرشيف
هذا الموضوع محفوظ من المنتدى القديم (2011/03/25) — للقراءة فقط.
المعلومات قد تكون قديمة.
السلام عليكم اخواتي مساعدة
بقلم ام رغودتي · 2011/03/25 ·
12 رد
ام
ام رغودتي
2011/03/25 · #1
مساء الخير حياكم ربي انا تعذبت جدا مع ولدي بس يبكي ومعاه انتفاخات وغازات بالبطن مستمرة وديناه الدكتور عطانا نقط سالينال للمغص وشاي اعشاب الصحة وحليب رونالاك للمغص وكل هذا مانفع عن جد تعبت فمن خبرتكم يااخواتي ساعدوني وانامشتاقه لسوالفكم ومشاركتكم بس مااقدر من ولدي يادوب ينام اتفرغ لشغل البيت سامحوني لم يكبرشوي اشارك معكم تحياتي
••
••امرأه ولكـن طفله••
2011/03/25 · #2
ياحبيبي الله يشافيه
والله انا ماعندي خبره بهالسوالف ولاعندي بزارين
فاتمنى اللي عندهم اطفال ومرو بهالاشياء يساعدونج
ومايشوف شر يارب
دا
دانة الدنيا144
2011/03/25 · #3
والله ما عندي علم وديه مستشفى خاص
حبيبتي ما يشوف شرررررر
mi
misszezo
2011/03/26 · #4
الله يكون بعونج والله حاسه فيج
انا ولدي مافي نوع دواء غازات ماعطيته من اول اسبوع ولادته كل شي جربت له مافي فايده الكل قالي اول 3 اشهر معانات مع البيبي كله غازات وبطنه جنه طبل ويطلع غازات بشكل متواصل وكله يبجي هذا حالي كان معاه والله اخر شي قمت كله اعطية ماي غريب وافك روحي واختي تدهن بطنه بزيت زيتون دافي ومالج الا الصبر الله يعينج
وعليكم السلام ..
الغازات عند الاطفال شي عادي بس متعب لهم
لما يرضع ولدج ارفعي راسه عن جسمه عشان ما يبلع الهواء
وترعيه يعني رتبي على ظهره شوي شوي ..
ونوميه على ظهره وسويله شاي أعشاب من الينسون والبابونج
ووسعي صدرج كلها جم يوم ويطيب ..
الله يحفظه وتشوفينه معرس يا رب :)
اه
اهاات الليل
2011/03/26 · #6
الله يشافيه ويعافيه ان شالله لازم بهالعمر غازات لي عالاقل 5الى 5شهور
عطيه ماي غريب ويانسون
ام
ام رغودتي
2011/03/26 · #7
مشكورين اخواتي ماقصرتوا ويعطيكم ربي العافية انا موديته للخاص والادوية اللي ذكرتها منهم يسلموا اخواتي
اغ
اغادير هديل
2011/03/26 · #8
الله يشافيه ويخليه لش يااارب نفس ماقالت اختي واحه عطيه اعشااااب
ال
المزاين
2011/03/27 · #9
الخوات ماقصروا وربي يحفظ لج ولدج
ام
ام رغودتي
2011/03/28 · #10
يسلموا اخواتي
اق
اقوي الصبر
2011/04/07 · #11
نفس حالتي مع بنتي مسكينه بطنها جنه بالون متفخ تصدقين اثر علي تنفسها من كثر مهو ضاغطع علي الحجاب الحاجز رافع الرئه عندها وتنفسها صعب اشوي المهم كل مستشفي خاص زرتها اخر شي ودتها خالتي حق مره تعرف تردد الجهال وقالت فيها اوخيتها ولازم اكويها وعطيها صعوط بع كوي لا والف لا بس خذيت الصعوط وعطيتها والحمد لله بطنها خف ونامت وارتحت ودهني والدج كل يوم زيت زيتون دافي والصبح سبحيه مدة ثلاث ايام متواصله <<<<بنتي ارتاحت عقب الصعود استعملته مدة اسبوع والحين في اليل اعطيها ماي غريب وخمس نقط بايبي قاز والحمد لله طيبه وما عليها <<<<<<<<<<<<<ملاحضه الصعوط يطلع كل اللي في بطن الجاهل من غازات ويمكن يكون شارب من ماي البطن اثناء الولاده فهذا ياثر علي البيبي اتمني اكون فدتج
أن
أنغام القصيد
2011/04/08 · #12
أختي عطي ولدج دوا أسمه غاز نقط من الصيدليه ممتاز وسويله خلطة أعشاب حبه حلوة وينسون وكراويه ممتازين آنا كل عيالي جذي أسويلهم وماعليه شر إن شاءالله بس أحرصي أنج أترعينه بعد الرضاعه وأرفعي راسه عن مستوى جسمه وأهو يرضع ومايشوف شر ...
ام
ام رغودتي
2011/04/20 · #13
مشكورين اخواتي واعذوروني لانقطاعي بس للان ظروف مع ولدي بس ان شاء الله ارجع واشارككم
كنتي عضوة بالمنتدى القديم؟
استرجعي حسابچ وشوفي مشاركاتچ ومحتواچ من ٢٠٠٩.
استرجعي حسابچ
مواضيع من نفس القسم