📦 أرشيف
هذا الموضوع محفوظ من المنتدى القديم (2011/02/27) — للقراءة فقط.
المعلومات قد تكون قديمة.
لزقات منع الحمل ....؟
بقلم دعاوي · 2011/02/27 ·
13 رد
مرحبا سيدات الكويت
شلونكم
اشتقت لكم حييييييييل
وكل عاو والكويت بفرحه وسعاده
وكل عام وانتم بألف خير
حبيباتي بغيت أسألكم عن لزقات منع الحمل في احد جربهم
انا آكل حبوب مانع وصراحه ذبحوني شعري طاح ونفسيه على عيالي وبرود جنسي
وملل من كل شي
ولا تقولون لولب زوجي مو راضي وانا رافضه بعد...
فديتكم اللي مجربه اللزقات تقولي شلونهم زينين او إذا تعرفون احد يستخدمهم
لا تردوني فديتكم
محتاجه مساعدتكم
ومشكوووورين
ام
ام اقوبي
2011/02/28 · #2
انا سمعت وحده نفعها ووحده اشتكت منه
اتوقع على حسب جسمج انا بعد وااايد تعبانه من الحبوب وااااايد سمنت ومابي لولب
او
اوراق جنجفه
2011/02/28 · #3
حبيباتى انا ماخليت شى وجربته
بالنسبه لجميع موانع الحمل تبطل فعاليتها اذا خذيتى بندول او مضاد حيوى
بالنسبه للزقات انا شخصيا سببت لى لخبطه بالهرمونات
اما بخوص اللولب انا اشوفه احسن حل بس للاسف انا ماناسبنى وطاح معاى مرتين لان عنق الرحم عندى قصير
افضل حبوب منع حمل جربتها وخلت شعرى روعه وجسمى ناعم هى جرسيال بس بنفس الوقت سببت لى نسيان وزغلله بالعيون
حاليا انا على ابر منع الحمل تسبب متن وكرش بس الحمدالله لى 4سنوات عليها من عيوبها انها تسبب هشاشه عظام اذا ماخذيتى حبوب كالسيوم او تاكلين اكل غنى فيها
اتمنى انى فدتكم
ام
ام جروح
2011/02/28 · #4
حبيبتي ان شالله البنات يفيدونج وينقل للقسم المناسب
دا
دانة الدنيا144
2011/02/28 · #5
انا الي اعرفه حبوب الياسمين حيل خفيفه نصحني فيها الدكتور
mi
misszezo
2011/02/28 · #6
هلا حبيبتي
انا استخدمت اللزقات 3 اشهر وصارلي 4 اشهر تاركتهم والله الشاهد على كلامي شعري حتى بحفاظة ولدي الاقيه من كثر مايحت شوفي صارلي 4 اشهر تاركتهم هذا الاثر الوحيد الجانبي الي صارلي منهم
وغير ان في فتوه محرمه اللزقه لان لمن تكون عليج الجنابه وتبين تتطهرين لازم تشيلينها عشان مكانها يحوشه ماي واهي اللزقه لازم تكون مدة اسبوع كامل محطوطه وماتنشال نهائيا لان ان شلتيها ورديتيها اطيح وان شاءالله اكون عطيتج معلومات كافيه
جر
جرحني الزمن
2011/03/10 · #7
يمة بنات تلخبط الهرمون انا بس بقالي لزقة وحدة واتركها يعني بس شهر واحد بس يمة شنو تلخبط الله يستر يااارب يمة وانا قايلة لزوجي ماتلخبط اسمع كلامي الحبوب بس الله يستر ياارب
دن
دناديش
2011/03/13 · #8
أنا سمعت وحده نقول صارلها سنتين تستخدمهم ومرتاحه عليها
او
اوراق التوت
2011/03/13 · #9
شوفي حبيبتي اللصقات مثل الحبوب يختلف ثانيرها من جسم لجسم
انا سالت دكتورة لاني كنت ناوية استخدمه قال ثاتيرهم نفس الحبوب يعني تغير الهرمونات ورجعت بالاخير للولاب رغم ان زوجي كان معارض بس مالقيت افضل منه بالذات انه مايمتن
لي
لين2007
2011/03/24 · #10
حبيبتي انا استخدمتهم ,, وبصراحة لعبوا فيني الدورة قعدت معاي 15 يوم ولا نزل معاي الا افرازات بنيه
يعني حاستني . بس اتوقع من وحدة للثانية يفرق
جر
جرحني الزمن
2011/03/25 · #11
بنات شلو نتدرون انه اللصقات تلخبط يعني تاخر الدورة ولاااا لمى تجي تخليها تطول تكفون اللله يخليكم لانه انا المفروض تجيني 24\3 بس مااجاات والله حدي خااايفة
بس
بستان تبارك
2011/04/04 · #12
الله يعين الحريم
ال
المزاين
2011/05/03 · #13
انا كنت بستعملهم والا اعرف عن الفتوى بتحريم استعمالهم
كن
كنز الدنيا
2011/05/25 · #14
والله الحبوب عبت جسمي سوايل
كنتي عضوة بالمنتدى القديم؟
استرجعي حسابچ وشوفي مشاركاتچ ومحتواچ من ٢٠٠٩.
استرجعي حسابچ
مواضيع من نفس القسم