الامساك و الخياطة لحقوا علي

حاولي تشربين عصير برتقال
ومبروك ماجالج

حبيبتي اشربي الملين ماصرفته لج مع ؤصفه ؟؟

والله ما عندي علم بس ربي يسهل عليج

ياعمري انتي تعديتي العشرين يوم
يعني عادي تاكلين رشاد
عفسية مع التمر والسمنه بس انا ما احب السمنه احط معاه زيت زيتون
ترى زين امشي البطن
بس اذا وياج اجروح مادري لا تاكلينه بعدين تدعين علي انا ابيج تدعين لي
وعلى فكره ترى الرشاد اينظف وبعضهم يقول انشف بعد
بس انا اكله ما تصدقين من اول يوم ولاده بالمستشفى بعد
لاني ما اقدر على الامساااااااااااك ابد
وقلتج كل اللي اعرفه
امااااااااااااااانه ان بغيتي تستخدمينه ولا كيفج _تحسفت الخوافه_بس اهم شي تدعين لي
والف مبروك ولادتج والحمدلله على سلامتج وما تشوفين شر

ياقلبي الموضوع بصيط المفروض يوم تجهزين شنطت البيبي وشنطتج تحطين فيها الملين واهو عباره عن حبوب الفحم النباتي اشتريها وكليها بعد كل وجبه تلين البطن بشكل فضيع ماتحسين بعوار الخياط وهم تروح الغازات وفيه الملين الثاني اللي اهو عباره عن الياف طبيعيه بس هذا مو بسرعه يلين البطن احسن لج الحبوب اتمني اكون فدتج

الحمدلله على سلامتج ومبروك ماجالج اطبخي مقل بماي لين يصير جنه لبن رايب وخليه لين يدفى واشربي مره وحده لان طعمه مر حيل وشوفي مفعوله ادعيلي

اولا مبروك ماجاج عساه من مواليد السعادة
انا ابنصحج البرتقال ماينشرب بالنفاس والمقل انا اعرف انة مو زين هو حلو تحطينة على الجمر بس مو شرب
اما عن الامساك انا انصحج بحبوب من الصيدلية اسرع

هلا اختي . . .

حمدلله ع السلامة روحي اقرب جمعية اخذي الجاااي الملين او حبوب الفحم اخذي حبتين لغاااية ما تطلعين من الاربعين اخذيهم بعد العشااا مباااشرة

ياحياااااتي ماتشوفين شر و الحمــدلله ع سلامتج انتي والمولود
حبيبتي روحي للمستوصف الدكتور أحسن لج يعطيج دوا
ومراهم ووانتو بكرامه هم تحاميل بتريحج بإذن الله
وانتبهي لو ترضعين أي شي تاخذينه بيأثر عالبيبي,,
وألف لاباس عليج يالغاليه,,

أختي انصحج في حبوب للامساك تنباع في عطار الاندلس في دينار بس
وانا ماجربتهم يهي عباره عن ملين ومسهل
ماأبي منج غير الدعاء لي

لازم مايحوشج امساك علشان ماينزل الرحم
حاولي تستخدمين اكثر من نوع لغاية ماتطلعين من النفاس ويصير خير
الحمدلله على سلامتج

مشكورين لكل الي ردوا طيب وش رايكم با شاي الضيافة يقولون حلو للامساك و ينحف بعد بس مادري يصير للنفاس