اختكم من السعوديه تبي الفزعه منكم يابنات الكويت

هلا اختي بتنورين الكويت و الله

عندج مجمع الاوقاف و مجمع العربيد >> للدراريع ( الجلابيات ))

و العبي روحي سوق الفحيحيل (( مجمع الدبوس )) مترووووووس عبي و أسعارهم رخيصه

و اذا تبين ملابس عمليه و سبورت و تنانير و بلايز و جينزات و بجامات

روحي ( الافنيوز + الكوت + المنشر + البيرق ) راح تلقين كل شي

و في محل خاص للحوامل في ( الافنيوز و البيرق )

و ملابس البيت روحي (( سيتي سنتر السالميه )) بتلقين كل شي للبيت

للكبار و الصغار و اسعا حلوه

و اذا تبين اي شي انا بالخدمه حبيبتي

هلا وغلا في بنت الرياض وانشالله توصلين بالسلامة>>>عندج اماكن وايد بالكويت/للجلابيات عندج العربيد بمنطقة الفروانية وبالنسبة للمولات واماكن التسوق وايد بالكويت "المباركية/سوق شرق/الراية/الأفنيوز/الفنار/البستان/المارينا مول/الحمرا مول/العربيد بلازا/المنار مول/العالمية/الاوتاد/سليل الجهرا>>>>وغيرها من المولات وبتلقين كل اللي بخاطرج هناك وموفقة خير

ياقلبي والله انتم ماقصرتو وهذا العشم فيكم بس بغيت اسئلكم البلوكات حق اقمشه بس ولا فيه شي ثاني وابي اعرف اكثر شي الاسواق الشعبيه عندكم وين لان الماركات عندنا بالرياض انا ابغى شي خاص بالكويت ملابس الحمل ابي اعرف من وين تشترونه