احسن وافضل خياط فصلتي عنده ((نبي نسوي لنا دليل كامل))

طبعا مثل منتوا شايفين العنوان نبي نكون لنا دليل حق أحسن الخياطين اللي فصلتي عندهم
رجاء مانبي مشاغل الحريم
ممنوع لوسمحتوا
نبي أرقام وعناوين أحسن خياطين فصلتي عندهم
راح أبتدي
أنا أفصل عند خياط جمعية الفحيحيل تفصالة حلو وأسعارة حلوة حيل حسب الموديل
وفيه خياط ناصر في الفروانية العربيد اللي بالزاوية هم خياطة حلو عنده موديلات بس أنا أجيب من عندي موديلات والخام ويخيط لي حلو
يلا بنات نبي تفاعلكم
نبي أحسن الخياطين كل وحدة تقول لنا وين تخيط
رقمه إذا ممكن وعنوانه
أعيد وأقول عفيه بنات مانبي مشاغل ولاحريم (( غالي على الفاضي))
خلينا نفصل على ذوقنا
والله نبدع
شرايكم

____________

مرحباشاكره لج على الموضوع الجميل صراحه انا معاج بمشاغل الحريم غاليه على الفاضي وكل منهم يقلد الثاني ولوبتلفين واتدورين في الآخر هم ياخذون من الكاتالوجات فعلا انا جربت خياط جمعية الفحيحيل خياطه روعه ويصب البدله صب فيه بعد خياط الاهلي اذا سامعه فيه خياطه راقي وخياط ريم العرب باالفحيحيل فوق مكياج المنصور هذا بعد نفس مستوى خياط الجمعيه بس هذا اللي جربت عندهم الخياط اتمنى اني فدج

انا جربت خياط رياض بالديرة شارع الجهراء عند برج التحرير خياطه رووووووووعه ويضبط ومو غااالي

مرحبااا -- بالنسبة لي انصح اللي تبي بدل للسهرات تخيط عند اتيليه هدى الروضان بجانب مجمع النقرة الشمالي -- خياطها عجيب واسعارها مقارنه بمشاغل الافراح الثاية تعتبر زينة -- قصتها حلوة ومظبوطة -- اما بالنسبة للدراريع انا اشوف مجمع العربيد واييد زين واسعاره رخيصة وموديلات ترضي جميع الاذواق

خياطة فلبينية

والله انا افضل الخياطات الفلبينيات احس اضبط و تاخذين راحتج بالقياس و يضبطون الموديل وشخضيا اتعامل مع وحدة في جنوب السرة و هذا رقم امعزبتها 7571191

وانا بعد وياااااااااكم خياط جمعيه الفحيحيل والله روعه من حيث القص والتفصال ويضبط الموديل 100\100

عن تجربه

بالنسبه لي انا جربت الخياطين اللي ورا مجمع الاوقاف وايد زينين ويصبون الموديل صب واسعارهم حلوه

السلام بنااات... .. ما تعرفون خياط قريب بالمنطقة الرابعة... الفحيحيل حيل بعيدة علي

مرحبا بنات انا جديده بالمنتدى وابي مساعدتكم ارجوووووووووووووكم
ابي خياطه اوخياط يخيط فساتين حلوه عندي عرس اختي بعد العيد ولا سويت شى
ساعدوووووني .....

مرحباااااا
يعطيج العاافيه
انا والله حبيت اقوولكم عن خياط دار شاميل ماشالله خياطهم مو طبيعي والله ولو تلبسينه مليون مره ماتتقطع خيوطه ماشالله عليهم اهو في ابو حليفه عند لمسة فن والخباز واعتقد بريد توك
وعندج اتيليه انجفه حلووو خيااطهم وموديلاتهم بس مشكلتهم الموواعيد
ونصيحه نصيحه لا تروحون حق اتيليه سعد الدوواس لان خالتي خيطت عنده وطلع مو شــي :>

حبيت افيدكم فقط لا غيـــر
تقبلوا مروووووري :>

مرحبا......... أنا بصراحه جديده على الموقع وعليميه تو الناس علي وزين عرفت أرسل لكم.............. بصراحه أنا خيطت عند المصممه شروق سالمين شغلها روعه وااااااايد حلو خاصه فساتين الأعراس ورقمها 5729301

بنات نبي بالمنطقه الرابعه

بناااااااااااااااااااات بليز ابي خياط سنع يكون بالمناطق هاذي ابي واحد يخيطلي قمصان وسنع مابي يكون غالي


ياليت يكون بالمناطق هاذي

اليرموك
قرطبه
النزهه
رميثية
سلوى
رميثية
بيان
مشرف
السره
يعني ابي شي قريب مابي بعيد

خياط نجمة الكويت بالوقاف حلوه قصته .

أم فوفي كتبت:مرحبا بنات انا زميله جديدة لكم بالمنتدى اتمنى ترحبون فيني ؟؟؟؟؟؟؟؟؟؟؟؟؟
وبالنسبة للخياطين انا اكتشفت خياطين رووووووووعة ويظبطون بدلات الاعراس بشكل مو طبيعي انا سويت عندهم بدله عرس اخوي والكل يسالني اي مصمم رايحة ؟؟؟؟؟ والخياطين اهم خياطين سوق الجليب فوق سوق االذهب روحوا وشوفوا راح تنصدمون لا والخام من عندهم وكل شي اهو يجيبه لج وبسعر خيالي

مشكورااا
عندج رقم الخياط؟؟؟؟؟؟؟؟؟؟

انا جربتخياااط
فانوس الي بشارع الجهرااا خيااطة عجيب وروعه حيل نظيف واسعارة حلوة مو غالي خيطت عندة يمكن 7بدلات للعروس والحفلات اما البدل والدراريع انا اخيط بمشغل فلبينات اسمة تافيتا حيييل حلو ونظيف وسعرة معقوول ومكاانة بالجهراااااااااااااا