تجمع للبنات كل وحدة تقول كيف الطلق

السلام عليكم يارب تولدون بالسلامة ويفرح نظرتكم بالبيبي امين يارب كل وحدة تقول كم تاخرت بعد التاسع وهل الطلق طبيعي والا طلق صناعي وش تجربتها مع الاعشاب ياريت تشاركونا

يشرفني اكون اول وحده ترد عليج وتجمعج روعه انا بالعاده بعد التاسع باسبوعين اولد عذااااااااااااااااااب نص ولاداتي بطلق صناعي بس من عرفت سالفت الاعشاب والمشي الحمد لله انا جبت خمس مرات ثلاث بطلق صناعي والباقي من فضل ربي طبيعي بالعشاب ومنها الحلبه والدارسين وكف مريم وزيت الخروع من عرفتها وانا مرتاحه وهذا كله اشربه في اخر التاسع العشاب كل يوم اشربها وزيت الخروع مره وحده بس اذا حسيت بعوار اتمني اكون فدتج

الله يسلمك وانا يشرفني حضورك وردك والله يعافيك وييسر امرك يارب من جد خيتو

انا بطفلي الاول طلق صناعي والثاني طبيعي فرق طبعا بين الطبيعي والصناعي ولا استخدمت اعشاب ولا شي

ياأللّـــــــه سبحاااانه من أخـــرج النّفس من النّفس!!
الحمدللـــه آنا وحده ماكو شي ماشربته والحمـــدلله على كل حال كل ولاداتي طـــلق صناعي ترا على حسب كل حرمه بس المشي حيل يفيد والحركه..وفي آيات قرآنيه منها سورة الزّلزله وأدعيه تكون مكتوبه بغرفةالولاده والسّهاله من رب العالمين

انا ولدي كان لله الحمد طلق طبيعي كنت اكل رطب حييييييل وامشي وربج سهلها
اخر يوم بالتاسع ولدت والحين حامل وافكر الله ييسر بس ماايد ان احد يستخدم اعشاب
صراحة التمر عجيب حتى قلت حق حماتي تاكلة حيييل وصج الطلق جاء طبيعي وبغرفة الولادة تسالها الفلبينية تقول صح ماما انتي تاكلين تمر واجد

مرحباخيتو....انا ولدي الاول تعديت التاسع ياسبوعين وعطوني طلق صناعي يذبح عن تجربه !!!!
حمالي الثاني انهد الماي الهادي علي وجاني طلق مووووووطبيعي بس اهون من الصناعي بصراحه فرق...
والله يهون عليش لاني كلما تذكرت غرفة الولاده اموت من الخوف...مع ان امي كانت معاي بالغرفه وتقرا علي وتمسح على بطني..

اللّـــُـــــه يقومش بالسلامه ويسر اموووورش ياااارب

بعدين ياااابناااات المنتدا بقوووولكم علا شي والله مهم الوحده اول ماااتحمل كل يوم لازم تاكل ٣تمرااات علا الريق والله عن تجربه تسهل الولاده وادعولي

مشكورين اخواتي رياض

مشكورين اخواتي ماقصرتوا ربنا يسهل عليكم وعلي وعلى كل حامل يارب

هلا قلبي يسلمو عالموضوع الحلو

انا بولادتي الاولى ولدت بنص التاسع طلق صناعيبس يذبح الم لان ضغطي كان مرتفع فولدوني وكانو حاطين لي الكمام من الصبح امبجر وكل شوي يحطون لي تحميله طلق صناعي وولدت الظهر عال 1ونص جنه

المهم شوي تالمت بس مو وايد لانه متخدره حيل حاطيلي مخدر بالكمام قوي حييييييييييييييييييييل




بس بولادتي الثانيه دشيت العاشر ورابع او خامس يوم بالعاشر ولدت حسيت بالم الطلق مو طبيعي بجي وشهاق مو طبيعي الم فضيع الحمدلله وحسيت بالولاده والخياطه كل شي حسيت فيه كان الكمام خفيف مو قوي نفس اول مره

والحمدلله على كل حال :)

الطلق ياي ياي سواء خذيتي اعشاب ولا ماخذيتي


بس في اشياء تسهل الولاده .. انا انصح بسوره مريم والمشي من بدايه التاسع

الله يفرج همكم ومشكورين حبايبي وماقصرتوا والله يسهل لكم

هلا حبيتى عن تجربة ولادتى كنت امشى من بداية الشهر السابع ساعة كاملة بس مشى مو دلع اشوف وايد يتمشون شوية شوية وهايدا ما ينفع والهى احمد رب العالمين ما اسهل ولادتى ولادت ولله الحمد ثلاث مرات كنت قبل الولادة بحوالى خمس ساعات اشعر ان فى شى علامات الولادة علطول اعمل كوب قرفة بالعسل والهى العظيم زوجى كان يدخلنى المستشفى وبعد الفحوصات ومفيش ساعتين الا واتصل علية وابشرة انى ولادت ولله الحمد بكل سهولة صحيح الطلق يعور بس اعرفى ان داة رحمة من رب العالمين والله يتمم ليج على خير وتقومين بالسلامة وتطمنينا ان شاء الله

مشكورة خيتو والله يعافيك