شلون اعرف اني نظفت ساعدوني

السلام عليكم بنات


شلونكم


طبعا انا الحين بالنفاس واليوم صارلي 29يوم وليلحين ينزل مني ساعات دم خفيف وساعات شي اصفر تكرمون

شلون متى انظف وشنو اسوي عشان انظف ساعدوني ؟؟

وللعلم انا والده قيصريه ؟؟

والله اختي ما جربت للحين بس ان شاء الله البنات يفيدونج
وتقومين بالسلامة

نفس الحاله؟بس انا لي 35 يوم واحاتي يله عاد ساعدونا

هلا حبيبتي

ايه خلاص ماراح ينزل شي الا لما يصير لج تقريبا 43 دوره اخت الاربعين

الحين ابدي استعملي تحاميل البيتادين وراح يوقف الاصفر
كل يوم وترك تحميله لما تخلصين الاربعين تنظف وايد زينه

مشكورين بنات وماقصرتو

حبيبتي حمدلله على السلامه

اي جذيه ماراح ينزل غير على الدوره الجايه

حطي تحاميل بيتادين رووووعه وطبيه انا افضل صناعتها سويسرا احلى من المصري

ينظف عدل ويشد

وحاولي تشربين يوميا كوب حليب وخلطي معه اربع تمرات بالخلاط

يقويج وينظف الرحم ويشد الظهر سبحان الله


ومبروووووك ماياج

انا من اشد المعارضين حق التحاميل لانها تخلي الرحم يسكر علي الوساخه اللي داخل المفروض تحطينها في اخر الاربعين لانها وعن تجربه اذا ما نظفتي ونقطع الدم عنج راح تنزله مره ثانيه فنصيحه من اخت مجربه خلو التحاميل اخر النفاس لانها تعالج عنق الرحم مو الرحم من داخل وفيه شغله عند الحواج اسمها <<<الفوة >تنظف الرحم انا دايما احطها مع لهوم النفاس حقي ومن 25 يوم وانا ولله الحمد اصلي ونظفانه حيل وقبل ما اطلع بيوم او يوميت احط تحميلت البوذيل ومن احسن ما يكون

الفوه اذا شريتوة سووه جاي اهو عباره عن اعواد لونها بني اغسليها وحطيها بماي مغلي وخليها تفوح اشويه وعقب حليها وممكن تحطين زعتر ودارسين وراح تشوفون شنو راح يطلع منكم في الليل او اليوم الثاني

الاخوات ما قصروا

انتظري لين تنزل اول دورة بعد الاربعين وساعتها بتكونين تمام التمام ان شاء الله . . .

مشكورين حبايبي وماقصرتو

ماعندي فكره بس احلى اب لاحلى عيووون

ارد واشرح لعيونج يالغاليه انا جدتي الله يرحمها كانت تعلاج عن كل شي ايااااااااااااااااااااام قبل وامي الله يرحمها نفس الطريقه بس ما قد اخذو ثمن لها يعالجون لوجه الله لانها وراثه في العايله وكلهم الله يرحمهم بتقولين ليش جبت لج شجرت العائله <<<<<<<<<<<الحين اقولج حلات الشي يجي عن خبره وممارسه من وجهت نظري انا اذا جمعتي كميه كبيره من الاعشاب مالت النفاس مثلا واختي معاها اعشاب ثانيه النتيجه مالتها ما تطلع اوكيه الان بعض الاعشاب تكون مظره اذا خلطت مع بعض فدايما حاولي تاخذين كل شي مفيد وما يضر مثل لهوم النفاس انا اسويه وازيد عليه الفوه بس والباقي من الهوم يكون حب ازيد عليه قشر قهوه وزعتر ويكون دوا الغوري والصبح الدواء الابيض مع الحليب وهو عباره عن حلبه وشويت رشاد وماش وعشبه المدينه وفي القهوة مره وعنزروت وتعاللي شوفيني اذا طلعت من الاربعين تقولين داشه نادي صحي مو نفاس جسمي مشدود ومتعزل والبطن ما فيه بس ترهل بسيط وكله من الترتيب في الاكل والدواء وللمعلوميه انا انفس عمري ومحد ينفسني نجي للفوه نبته تنظف الارحام وتعجل في الطهار سواء من الدوره او النفاس وساللي الحواج عنها بيقولج فوائدها وحتي تظيج اللي تحت وطعمها حلو ومقبول وتشرب باي وقت مو شرط الدوره والنفاس يشربونها الحريم السنعات انا ما احب اشرب الشاي الاحمر احب اشرب العشاب فدايا اخلط النعناع مع الحبق واشربه ومرات الشمر مع الفوه الشمر يخلي الجسم مشدود وما فيه ترهلات

تسلمين افوى علي المعلومات لاهنتى

ولا انتي يالغاليه وحاضره لاي استفسار انتم خوات وعزيزات

ماتشوفين شر نفس اختي بعد القيصريه صار معاها نفسج وقلنا لها ما نضفتي اشربي دوا واكلي المهم صار معاها لمدت ثلاث دورات جان تروح حق الدكتورة ماجده اليتاماوظبطتها لها تقول الهرمون متلخيط والحين مافيها الا العافيه

مشكوره حبوبه بشربها ان شاءالله

بس ابشركم نظفت :) الحمدالله ويوم الاثنين رايحه بيتي ان شاءالله