محتارة وخايفة - الله يجزاها خير اللي ترد علي

أنا محتارة وخايفة ابيكم تساعدوني .. اللي تاخذ ابر كلكسان بحملها شلون كانت ولادتها طبيعي او عملية وعند منو ولدت متى وقفت الأبر بالضبط ..تكفون لا طنشوني ]

شنو هذي الابر تكون وضحي اكثر وان شالله نقدر نساعدج

والله معرفها بس حبيت ادعي لج يارب تسهل عليج يارب

الله يجزاكم خير / هذى الأبر آخذها طول فترة الحمل من احمل لحد يوم الولادة كل يوم ابرة عشان عندي اجهاضين يموت البيبي ببطني مرة بالخامس ومرة بالسادس وهذي الأبر مسيلة للدم عشان تتغذى المشيمة .. بس اللي عندها خبره بالموضوع شلون كانت ولادتها لازم يحددون يوم للولادة عشان يوقفون الأبر ..هل صابها نزيف ..عند منو ولدت

ماعندي فكره الله يتمم عليج ياااااارب

ربي يهون عليج اساللي الدكتور اللي تراجعين عنده والله يكون بعونج

الله يسهل عليج انشاء الله
ووتولدين بصحه وسلامه

الله يسهل عليج

اسأل الله العزيز القدير ان يطمن بالج ويرزقج الطفل المعافى تام الخلق والاخلاق
والله ماعندي فكره بس اعتقد ان الابر المثبته هي الي يكون فيه احتمالية الولاده بقيصيريه اما الابر هذي مااعتقد للامانه انا اقولج عن فهمي والله لايخيب ظني بس لاتخلين روحج سألي وراجعي اكثر من دكتور والله ييسر امرج ويهون عليج

انا اعرف وحده تاخذهم لي الولاده

اهي ولادتها كانت قيصريه بس بعد ماحاولوا فيها طبيعي انفصلت المشيمه فجاه وقل نبض البيبي فاضطروا انهم يولدونها قيصري

يعني موشرط اللي تاخذ هالابر تكون ولادتها قيصريه هالشي من الله سبحانه

وباذن الله تولدين طبيعي وتشوفينه بصحه وعافيه