حامل ونزل من صدري حليب

بنات حبيت استفسر وخايفه حامل في نهايه السادس وطلع من صدري سائل ابيض يعني حليب عادي علما انه مو اول حمل حملي الثالث هذا وكان من اربع سنوات ونصف

لا تخافين هذا لرتفاع هرمون الأنوثه سبب الأرتفاع لأنج الله أعلم حامل ببنت أو بتوم بنات والله يتمم حمالج علي خير

هلا حبيبتي عادي شي طبيعي لاتخافين ولا شي انا نفسج بكل حمالاتي ابناتي:)

هلا اختي . . .

من بداية الشهر الخامس لغاية الشهر الاخير . . .

يبدأ الصدر يفرز مادة بيضاء لزجة اهي مو حليب . . .

هالمادة سبحان الله تهيئ الثدي للحليب يعني تضبط مجري الحليب

وكل ما تضغطين ع الثدي بتلاحظين خروج هالمادة . . .

واحيانا وانتي تسبحين بماي دافي ينزل بغزارة فعااادي لا تحاتين هالشي دليل ان قنوات الثدي سالكة

ومافيها اي سدد . . .

وربي يبلغج في شوفة اللي في بطنج سالم معاافي انتي بصحة وعاافية

مثل ماقالو البنات
لا تخافين شي عادي
وان شاء الله تولدين بالسلامه

اشكرررررررررررررررر كل اللئ ردوا علي والله احبكم ياسيدات الكويت

حبيبتي واحناا نحبج بعد والله يبلغج بشوفه اللي ببطنج سالم معافااا وتولدينه بسلامه يارب000

بنوتات ماقصروا وربي يقومج بالسلامه حبيبتي

ماقصرؤا حبيبات قلبي :)

ؤالله يسهل عليج يالغااااليه :)

اي هذا عادي بس موشرط يكون الحمل ابنت انا كان فيني ولد وكان يطلع مني سائل شفاف وكان وايد ولما اقعد من النوم واكون نايمة على جنب الفراش يكون متدمر من هالسائل كان وااايد يطلع وعادي حبيبتي شي طبيعي

عادي حبيبتي



وصدقيني اول مايطلع اللي ابطنج بتحنين عليه حيل واذكرج

:)