مادري شنو فيني

بنات واللي يسلمكم اللي عندها خبره لاتبخل علي
قبل شهر تم يطلع بقع وحبوب صغيره في جسمي وصدري وماتم دكتوره جلدية ومارحت يقولون من الجو
واهلي يقولون نفسيه وخوات ريلي يقولولي عين --المهم --قبل يومين كان عندي استقبال بمناسبه ردت خواتي واخواني من الحج--ثاني يوم من الاستقبال ويهي ناااااااشف بشي ماتخيلون وعيوووني حواليهم حبوب وتحرني وايد سويت كمادات جاي مافاد رحت دكتور عطاني قطره ومرهم بس مافادو بنات حتي شكل عيني تغير حمره وشي يلوع الجبد واهل ريلي يقولون اكيد عين لان كنتي موصج وشكلج اينن وفعلا بنات اول مره البس دراعه مغربيه حمره وشعري وايد اطويل وسويته كيرلي والميكب كان ناعم حتي اخواني من شافوني قالو ماشاء الله اتينين---كل هذا مايهمني واللي يسلمكم شسوي وايد متأذيه وايد لاتبخلون علي اذا عندكم حل:emoticon_U:

اقرى الرقيه الشرعيه

وحصنى نفسج

.............

سوى تحليل دم

لالالالالالالالالالالالالالالازم

حبوبه سويت مافي شي قال الدكتور -والرقيه دايم قبل لانام اقراها-والبيت دايم القرأن يشتغل فيه--
تسلمين حبوبه

ؤاضح انها عين الله يستر عليج اقري على نفسج ؤان شاء الله مافي الا الخير :)

تسلمين بشوره علي مرورج والله مادري ايصاير

بنات ياليت اتفودوني