📦 أرشيف
هذا الموضوع محفوظ من المنتدى القديم (2010/11/06) — للقراءة فقط.
المعلومات قد تكون قديمة.
ساعدوني بنصايحكم انا بجريه توني والده
بقلم miss26 · 2010/11/06 ·
6 رد
mi
miss26
2010/11/06 · #1
السلام عليكم
بنات اهل الخبره بالولادات ساعدوني...
انا توني والده صارلي 29 يوم بس لي الحين الدم مانشف عدل يومين ثلاث ماكو شي وبعدين اشوف نقطه او بقعه صغيرونه دم وبعدين ينقطع جم يوم مادري متى اسبح:(
وانا بصراحه ما تنفست عدل كله نفسي مسدوده ما آكل خايفه لا يخترب رحمي :((
وبالنسبه للبطن اشلون اشده قالتلي الرداده تمارين شد بس وايد استثقلها والبنات يقولون كشكول وغتره هم ما قدرت يضايقني اربط شي على بطني مافي طريقه ثانيه ؟؟ واهوا اصلن شكثر على مايرد البطن لي وضعه الطبيعي انا شكلي بطلع من النفاس ولي الحين عندي بطن... انقذوني صار فيني كآبه النفاس كله ضايق خلقي:(
mi
misszezo
2010/11/06 · #2
مبروك ماياكم
انا والله قيصرية يعني منظفين الرحم من الدم بس هم ظل ينزل على لين تقريبا شهر وبعد على طول نزلت على الدوره واخر 3 ايام حطيت تحامليل الي تنظف وتضيج والي ولادتها طبيعي انا كله اسمع واقره انهم يستخدمون المشد الاندونيسي مثل الكورسيه استخدميه
وانا طلعت من الاربعين ابطن والله ولاهامني ههههههههه ولدي اسم الله عليه ملهيني عن نفسي وتعوذي من ابليس واقري المعوذات واهتمي بنفسج وفي موضوع اسمه احلى تجمع النفاس 2010
/archive-media/t157495.html
مال اخت دنيا ( اهات الليل ) وايد رايح تستفيدين اذا دشيتي وقريتي
وشدعوه 21 مشاهده مافي وحده قالت لها على الاقل دعوه ولا مبروك مايالج :/
mi
miss26
2010/11/06 · #3
مشكوره جبيبتي على مرورج وتعليقج :)
وانطر الباجي
تع
تعبني احساسي
2010/11/06 · #4
حمدلله على سلامتج
انا حامل بالثامن وابي استفيد منكم عشان لي ولدت بالسلامه ولاعندي فكره عن النفاس
ღ
ღ ذبحهّم غرِوِرِي ღ
2010/11/06 · #5
مبرووك ماجااج ويتربا بعزززكم والله ماادري ان شاءالله بنوتات يفيدونج
Ar
Arno0oba
2010/11/06 · #6
مبروك ماياج حبيبتي
حبيبتي مادامج ماتنفستي عدل يعني مانظفتي عدل موشرط تاكلين وايد ...اكلي لهوم وشربي معاه حليب
وايد زين او حسو والاكل حطي معاه حلبة وهالسوالف وان شالله كل شي اوكي
بالنسبة للبطن اذا بتحاتين الكرش ماراح تروح والله انا الحمدلله ماكان ابالي احاتي الكرش وكنت بالنفاس طول ما انا قاعدة اربط بطني بشماغ واذا ضايقني فجيته..ووقت النوم مااربط
وشوي شوي تروح الكريشة لا تحاتين ..يعني يبيلج 3شهور علاقل واذا مع الرياضة بعد احسن
اق
اقوي الصبر
2010/11/07 · #7
شوفي ياقلبي انا عندي 6 عيال ولله الحمد تنفست باول بنت عند امي الله يرجمها علي شان اتعلم وعقبها سافرت مع زوجي وصرت انا انفس نفسي ما عندي احد بقولج شغلها ازهب دجاج وحشيه وحطه بالفريزر وسوي القبوط وزثلجه والخبز اللي ينحشي مردود وخليه عجينه وثلجه وشتري دواياتي من الحواج ونضفها وانا في التاسع يعني بس اولد اول يوم من المطعم والباجي انا والشغاله اسويه واذا طلعت لا بطن ولا شي صدر وارداف وفخوذ علي كيف كيفج <<<<<<<<<<<يعني خليج من ضيقت الخلق وعتمدي علي نفسج ههههههههههه المهم اكلي حسو وحطي فيه فلفل اسود يطلع الوساخه من بطنج اشربي شاي اعشاب عباره عن دارسين وزعتر ومرميه وكمون كلهم حب واهم شي واللي يوخر البطن قشر القهوة تلاقينه عند محلات الحويس وبريده مالت التمور هذ عالم ثاني حق المره وممكن تلاقينه عند الحواج الكيلو 9 دنانير واي استفسار انا حاضره
كنتي عضوة بالمنتدى القديم؟
استرجعي حسابچ وشوفي مشاركاتچ ومحتواچ من ٢٠٠٩.
استرجعي حسابچ
مواضيع من نفس القسم