📦 أرشيف
هذا الموضوع محفوظ من المنتدى القديم (2010/10/17) — للقراءة فقط.
المعلومات قد تكون قديمة.
حط فلوسك بشمس واقعد بظل
بقلم الخاشعه للرحمن · 2010/10/17 ·
14 رد
ال
الخاشعه للرحمن
2010/10/17 · #1
السلام عليكم خواتي العزيزات وابشركن جبت بنت زي القمر
اه اه اه لو بس اقولكن على ولادتي
والله ماتوقعت ارد لعيااااااالي
والله انه السستر الهنديه اللي عندي كانها تعاقبني
قسم بالله اقولها بردانه عطيني غطى
تقولي مافي انا ماحس برد
اقولها انت لابسه انا مولابسه شي
والله ولا كان احد يكلمها لفت راسه وانامت
والدكتور ولا شفته الا بخيااااااااط
ويوم جت حزة الطلق اول مره بس عندي سستر وحده
تقولي شدي
اقولها ابي سستر ثانيه اللي تمسك ايديني
خلوها بس على الله
كل ماكلمتها السستر تقولي انت يجيب اربعه بيبي
يعني يعرف ولاده
والله انا كنت من اكبر المعارضين اولد بخاص
لسبب واحد
انه الطفل شلووون يطلع
بس الحين
ابد مايصير شي اللي الله كاتبه
واهم شي بالولاده العنايه
نصيحه كل وحده خاصة الولادات لا يروحون حكومي
حطي فلوسج بشمس واقعدي بظل
أم
أم الثنيان
2010/10/17 · #2
مبروك ماياج اختي وتتربى بعزج الله يهداج في احد يروح مستشفى حكومه هالايام انشالله انا ولادتي بعد جم يوم وراح اولد بالهادي والسهاله من رب العالمين وحط فلوسي بالشمس واقعد بالذلال ولا منة سستر هنديه تستحقر على راسي بس بالذمه انتي كنتي والده باي مستشفى ؟
De
DeSeR RoZe
2010/10/17 · #3
حمدلله علي سلامتج ومبرووووووك البنوووته
اي صج وين ولدتي عشان نشيلها من القائمه خخخخ
ال
الاميره بشاير
2010/10/17 · #4
على البركه يا قلبي :)
اه
اهاات الليل
2010/10/17 · #5
عالبركه ومبروك البنوته
تتربى بعزج
الله لايحدنا عالحكومه قال شنو قال ملائكة الرحمه
وعلى قولتج نحط فلوسنا بالشمس ونقعد بالظلال انا مقاطعه الحكومه ماشفنا منهم شي في خير بهالمستشفيات
ام
ام المها2
2010/10/17 · #6
مبروك ماجاج وحمدالله على السلامه والله حاسة فيج لاني كل اولد مستشفيات الحكومه
ري
ريان التميمي
2010/10/17 · #7
هلا اختي الحمدلله عالسلامه ومبروك ماياج وتتربى بعزكم ان شاءالله
ياااحلوو الخااص ويا زين عنايتهم بس ...
وحده تهديج ووحده تبتسم لج ووحده تقرا عليج والدكتور يهتم فيج والله انا ما افكر اروح للحكومه نهائيا شايلتها من بالي... منو بهالزمن ترووح للحكومه والله حتى الاجانب والوافدين اللي على قد حالهم قامو يروحون خاص
ال
الخاشعه للرحمن
2010/10/17 · #8
الله يسلمكن كلكن يا قلبي
والله خوات وما قصرتن
انا ولد مستشفى الجهراء
وخلنها على الله
والحمدالله على كل حال
الحمد الله علي السلام ومبروك ما جاج والله يجعلها من الذريه الصالحه
ال
الخاشعه للرحمن
2010/10/18 · #10
الله يسلمج يا كندر
وماتقصرين ياااااااا قلبي
mi
misszezo
2010/10/18 · #11
حمدالله على سلامتج خيتو ومبروك مايالكم وتتربه بعزكم يارب وعساها من الذرية الصالحه
يلا ماعليه هذا اعتبريه درس لج اهم شي صحتج وصحة البيبي ومافيكم الا العافيه :)
فل
فلوونه
2010/10/18 · #12
الحمدالــــــــــــلــــــــه ع سلامتج ياقلبي (: .. وتتربى بعزج ان شاءالله .. الله يهديج في احد يروح مستشفى حكومه الحييين ضيييم وظلاااايم بمستشفيات الحكومه
شه
شهـــدّ
2010/10/18 · #13
الحمد لله ع السلامه
ومبروك ماياج
انا من زمان حاطه ×××××× ع الحكومه
واكيد حط فلوسك بالشمس ونام بالظلال
ام
ام جروح
2010/10/18 · #14
اول شي الحمدلله على سلامتج والله يعافيلج ماعطاج !وبعدين ياروحي تحجين على مستشفى الجهرا هههههزين ماجاج تقرص وطق على جتوفج وصراخ وصاجه جنهم يعاقبون ليش نحمل ونجييب والدكاتره اذا طل بوجههج قالج عمليه ولا ماتشوفينه !الله عاد وخياطهم شكل بس يعني خيطنا حسبي الله عليهم وانتي تصرخبن من الموت والسستر تصرخ عليج صوتها اعلى منج قصاصيب حشا المهم صارت لج عبره ؟انا قربت ولادتي وكل ما اتذكر جناح 1 السجن حق التعذيب النفسي انهار وادعي الله يسرلي واولد بخاص
ال
الخاشعه للرحمن
2010/10/19 · #15
ماقصرتن يا اخواتي
مسس زيزو وفلونه وشهد وام جروح
وانشاء الله اربي يسهل ولادتج وماتشوفين غير الخير ويسر امورج
كنتي عضوة بالمنتدى القديم؟
استرجعي حسابچ وشوفي مشاركاتچ ومحتواچ من ٢٠٠٩.
استرجعي حسابچ
مواضيع من نفس القسم