ممكن تدشون تساعدون اختكم

قوه امهات شلونكم صراحه انا وحده مييييح وابي منكم خدمه بكذا شغله لانه باجيلي اسبوعين وادخل التاسع وماجهزت ولا شي وابي منكم عن ناتج تجربه اكيده لاني احترت كل وحده تمدح وحده وماادري الزين وين؟
1-تجهيز البيبي.
2-تجهيز لبس الام للنفاس.
3-تجهيز الادويه حق النفاس.
4-اكل نفاس .
5-رداده زينه.
واذا ناسيه شي انتم تعرفونه فيدوني بلييييز لان بس من طاري الولاده متوتره حدي وادعولي ولكل الخوات وان شالله ما انساكم من الدعاء

شدعوه والااااااااا رد ترى بزعل منكم اذا طنشتوني

شوفي حق تجهيز البيبي انصحج بسنتر بوينت
ما اعتقد انج بتحصلين احسن منه انا عيالي كلهم
جهازهم وهدومهم لحد الحين من سنتر بوينت ولا راح اغير
حده فضييييييييع والشغلات الثانيه اللي ذكرتيها اتمنى البنات يفيدونج
حبيت اقولج اللي اعرفه وما كنت ابي اطلع من موضوعج بدون رد
والله يسهل عليج ان شاء الله

1-شوفي حبي حق البيبي مثل ماقالت ام عايشه سنتر بوينت ومذر كير روووووووعه
2-لبسش انت للنفاس عندش النقره الجنوبي فيه محل لملابس النفاس وعندش مجمع المنار مول اللي بالجهرا فيه محلات تجنن لملابس النفاس ولفاتش اخذيهم من الشاهبندر او سوق الوافي داخل اومحل توب شيك او نوران
3-الادويه للنفاس روحي لعطار ابو عقاب اللي بخان الخليلي بالجهراء وقوليله عطني الطبخه والنقوعه والمره واخذي من حرمه مضمونه لهوم لش
4-بالنسبه لاكل النفاس ابتعدي عن الاشياء البارده واشربي الشيء الدافي واكلي المرقوق القبوط السلطات العصاير الطازجه الفواكه الخضره الخضرا
5-الرداده هذا رقمها والله حمولتي يمدحونها 66132505 وفيه فلبينيه تسويلش مساج يريحش وحماتي مجربتها ومعتمدتها عندها بس للاسف رقمها مب عندي اذا تبين رقمها بلغيني واجيبه لش
ولا تخافين من الولاده وقولي الحمد لله بعضهم تتمنى ضفر البزر الله يرزقنا ويرزقهم
واي شيء تبينه انا بالخدمه حبيبتي
واخيرا ادري ذبحتش من كثر ما اوشوش سووووووووري

مااقصرتواااا عالرد ويابعدعمري ياحلوش وياحلو وشوشتش اصلييييييييييييييييه بدون تصنع وآمين الله يرزق كل من تمنى الضنا ويسهل على بنات الحلال

شوفي بالنسبة لي انا اول حمال لي
انا شريت اغراض البيبي من كذا محل نوعت مثل مماز وبباز بالافنيو ومذركير ومن بروي
اما ملابس الانفاس من محل بالسندس حلو شغلهم ومجمع الايوب وشريت الكفر بعد من السندس فوق حلو شغلهم وسعره زين من نفس الحريم يبعون غالي ب 200 وفوق حرام
ويمدحون محل دار الزين عند دار الشفا بس انا ماجيته
اما الادوية مااعرف حتى انا بعد ابسأل

اذا على تجهيز البيبي روحي سنتربوينت ومذكير وعندج نكست انا كله اخضت منهم يهبلوووووون ملابسهم حتى الفوط مالتهم للبيبي والكلنكس وكل شي والحين هم مسوين تنزيلات ففرصه الحين وترى مذركير باجر اخر يوم تنزيلاتهم
واما عن سرير البيبي روحي عند محل بالفروانيه اسمه بيبي لوف فوق محل كرز ايهببببببببل ونفس سراير مذركير وسنتربوينت بس ارخص منهم وبعد شنوووووووو
اما عن ملابس النفاس انا بروح مجمع الحمرا مول تحت في محلات حلوه مالت قمصان النوم وعندهم ملابس نفاس لاني ماخذه منهم ايام عرسي
اما عن ادويه النفاس فمخليتها على امي لانه اشترت كل شي من وحده وجربت امي شغلها وتقول رخيصه ب 12 دينار بس

واذا تبين اي شي قولي وان شاء الله بساعدج

شوفي حبيبيتي انا بقالي ايام وادش التاسع وجهزت حق البيبي من سنتربوينت ورحت بعد عيد النصار وشريت الكفر من سيتي سنتر والحمدالله الولاده سهاله ماتخوف عليج بالدعاء

مشكوووووريييييييييييين حبايبي ام عايشه نجود ولفت انتباه ومسحوره وام الثنيان ماقصرتوا عسى ربي يريحكم ويفرج همكم ويخليلكم ماعطاكم واخدمكم ان شالله بالافراح

كروشات وينكم يعني ماجهزتوا ولاشي شاركونا خلونا نحس باجواء الامومه مره ثانيه ههههههههههههه

يله بنات نبي ملف كامل بهالخصوص يكون مرجع لنا وللعضوات وخصوصا البجريات ويكون موضوع مثبت
طماعه