هااااااااااااااااااااااااام للاسنان

يسم الله الرحمن الرحيم

بنات أبي كل وحده تحط تجربتها مع علاج الاسنان من والى

بمعنى جم كلفتج اسنانج من علاج وتبيض وتعديل وغيره

وعند اي عياده؟ وهكذا

عشان الكل يستفيد وارجو من المشرفه انها تثبت الموضوع وشكرا

هلا حبيبتي يسعدني اني اول وحده ترد عليج

وبصراحه خوووش موضوع اتمنى تثبيته

بالنسبة لي انا سويتهم عند بهبهاني حشوات وخلع وتنظيف بس ,, اتوقع 400 والله موذاكره بالظبط ومارضى الدكتور يسوي لي تبييض يقول بعد فترة ترجع اسنانج اغمج وانا الحمد لله اسناني لونها حلو بس تعرفين لازم نحورف شوي بعمرنا وخصوصا لما تشوفين اسنان هالمذيعات تبرررررررق تهبل بصراحه ودج تكونين مثلهم

تولي مشكوووووووووووووره حبيبتي ردج اسعدني
وارجو تثبيت الموضوع ودنا الاخوات يحطون تجاربهم

انا الحين مبلشه مع الدكتور صلاح الكندري عياادته في المهبوله ..

واليوم بإذن الله ثالث جلسه رخيص حييييييل ..

واحتمال تكلفني من 700 الى 750 من خلع وحشوات وتلبيس وهالسوالف ..

واحتماال احط عنده تقويم يقول تكلفة التقويم من 600 لي 900 ديناار ..

وايده خفييييييييييييييفه زوجي يقول طقج ابرتين قلت وربي ماحسيت عاد انا خواافه واكره الابر

وان شاء الله تتم على خير واضبط اسناني :)

انا سويت تقويم الاسنان عند الدكتور خالد الكندري
بعيادة فرجينيا
ماشاء الله ايده خفيفة

انا سويت تليس وحشوات عند عيادة بيرفكت دنتل كير هذي غير عن عيادة دنتل كير وموقعها بالسالمية عند الدكتورة ناتاليابو غصن الحمدلله الدكتور نفسها حلوه وايدها خفيفة وجربت قطع عصب الميدان بعد حلو بعد بس انه غالي شوي

انا اسوي اسناني عند دكتور في مستوصف الامل ماشاء الله عليه ايده خفيفه وشغلة تمام
وللاسف مرة تعبني ضرسي ورحتله لقيته مسافر وبيرجع بعد 10 ايام ومستحيل انطر جان اروح لعيادة الحكمة وكان يوم اسود يوم رحتلهم عالجت عند دكتوره اسمها انوار والله انها ما تعرف شي واذبحتني لدرجة اني ابجي تحت ايدها واقولها خلاص ما ابي وخري حشى جزارة مو دكتوره
هالحجي من شهرين وللحين انا من بعدها من مستشفى لمستشفى البنج للحين ماراح مني واحتمال السبب انه العصب تضرر الله لا يوفقها وان شاء بعد الاشاعه المقطعية بيحددون اذا العصب مقطوع ولا مجروح واذا مقطوع بظل طول عمري جذي او ادخل بعمليات كبرى ونسبة النجاح ضعيفة والله المستعان