قوه بنات ابي نصيحتكم

قوه بنات ابي نصيحتكم انا اراجع عند الدكتوره اخطر بدار الشفا بصراحه ما ادري زينه او لا بس اني يوم جيت اراجع لقيت ما عليها ضغط وحملي الحمدلله عادي ما عندي مشاكل بس المشكله الحين لما جت حزة الولاده خايفه ما ادري اهي زينه او اروح لاحد ثاني مع العلم اني ولدت قبل قيصريه ودي الله يهون على طبيعي هالمره - وادا ممكن منو جربت الفيصريه بدار الشفا وجم سعر القيصريه عندهم اللي مجربه لا تحرمنا من تجربتها

مشكوره على الرد كم مره جيتها وقلت لها اني ابي الولاده طبيعي وابيها تساعدني ما طرت انها ماتولد زين انج نبهتيني ياقلبي مشكوره بس بنات عفيه وين اروح ابي دكتوره زينه وشاطره

مادري اول مرة اسمع فيها انا ولدت قيصرية بالهادي للعلم اذا زوجج يشتغل بوزارة عليهم خصم عجيب تكلفت الغرفة والعملية والحين مجددين غرفتي اختي والدة بنفس الدور روحي شوفي دور 3 غرفة 315 عجيييييييييب مغيرين الاجنحة روعة وكلفتني 1000 وشي بس حسبوها 800 وشي خصم عجيب عليه سالي وروحي للدكتور عصام ابو الفتوح او رشمي وبهاواني ماعليهم كلام عجيبات بس دكتوري نقل للسيف جعفر قناوي تبارك الرحمن احلى خياط كلش مو مبين نصيحة لاتغامرين بعمرج اول مرة اسمع فيها

baby rose2 كتبت:مشكوره على الرد كم مره جيتها وقلت لها اني ابي الولاده طبيعي وابيها تساعدني ما طرت انها ماتولد زين انج نبهتيني ياقلبي مشكوره بس بنات عفيه وين اروح ابي دكتوره زينه وشاطره

ياحياتي المفروض تسألينها اول شي عشان لاتوهقين


عموما انا الحين اراجع بالهادي عند دكتوره بريتي


ونصيحه لاتروحين عند بهواني نفسيتها خايسه وعصبيه حزة الولاده تزفج !


صج يمدحون خياطها بس انتي بهالفتره فتره ضعف ماتحبين احد يزفج صح ؟؟


يمكن اختها احسن منها رشمي جنه اسمها


وربي يقومج بالسلامه



حبيبتي دراريع عليا انتي زوجج اي وزاره ؟ يعني جميع الوزارات مسوين لهم خصم ؟؟

ومشكوره على المعلومه

الله يقومج بالسلامه