→

طبخات لعشر بلدان بالخطوات المصوره شفته وحبيت انقله_

الاطباق الرئيسيه · 3,824 مشاهدة

📦 أرشيف هذا الموضوع محفوظ من المنتدى القديم (2010/07/08) — للقراءة فقط. المعلومات قد تكون قديمة.

طبخات لعشر بلدان بالخطوات المصوره شفته وحبيت انقله_

بقلم (ام محمد) · 2010/07/08 · 20 رد

(ا

(ام محمد) 2010/07/08 · #1

موضوعي اليوم راح يكون رحله لبعض دول العالم ..

يعني خلونا نتخيل مع بعض اننا راح نسافر ل 10 دول ونتعلم وندوق 10 طبخآت مختلقه

يلا موافقين !!
،
،

بسم الله

اربطو حزام الامان..

واقلعت الطائره ..

،

،

،

،

وهبطنا عند اول دوله في رحلتنا

/

/

[ إيران ]

هل تعلم أن عملتهم الريال مثلنا ؟

...
من أطباق إيران المشهوره ... [ خورشت الباميه ]

المقادير ..

1- لحمه
2- باميا
3- ماجي + بصل وثوم + فلفل اسود وملح + زيت + صلصه وكركم
...

الطريقه ..
1- نغسل الباميا ونقطع راسها ونحمرها بملعقتين زيت ....

2- نقطع البصل ونحطه بقدر مع ملعقتين زيت ونحمسه ونحط عليه اللحمه والكركم والفلفل ... ثم الصلصه والماجي ونخليه دقيقه .. ثم نضيف له اربع كاسات ماء مغلي ونخليه يطبخ .. لمده ساعه او حتى ينضج ..
3- بعد ساعه نضيف عليه الباميا ...

ونخليه يطبخ خمس دقايق فقط ..

التحميل من هنا

* نقدمها مع رز ابيض وسلطه ولبن

وبكذا خلصنا من إيران ونقلع الى .....

[هبوطنا الثاني ]

فرنسا .. {

راح ناكل { ستيك فرنسي بالمشروم} <<شي مرتب وحركات

المقادير ..

1-شرايح لحم ستيك [ انا اخترت حاشي ]
2- جزر + بروكلي + فطر
3-كريمه خفق + حبه ماجي + ملعقه طحين + ملعقه **ده
4- ملح + فلفل اسود + ملعقه خل

الطريقه ..

1- نتبل الستيك بالملح والفلفل ومعلقه خل ..

2- نجهز صينيه الستيك .. ونحط فيها ملعقتين زيت ونحمرشرايح اللحمه من الجهتين .. [حوالي خمس دقايق وتستوي لانها شرايح خفيفه ]

3- نرفع الشرايح ونضيف ملعقه الطحين وملعقه ال**ده على الزيت في الصينيه ... ونحرك شوي .. ثم نضيف بياله كريمه الخفق وحبه ماجي .. ثم الفطر

4- نرجع شرايح الستيك ع الصوص ونخليه يطبخ حوالي 5 دقايق..

5- نسلق البروكلي والجزر + رشه ملح وفلفل اسود

* نشيله من على النار ونقدمه ..

~ ~ ~ ~
عشاء مكون من .. : ستيك فرنسي بالمشروم + كفته بالبطاطس + شوربه صينيه + سلطه {

والدوله الثالثه
/

/

لبنان .. {

بدنا ناكل سلطه البادنجان مع ال**ادي ... [ بتطير العئل] <<

المقادير ...

1- طماط + خيار + جرجير + ملفوف صيني + فلفل بارد + فجل
2- حبتين بادنجان + بصل + حبه ماجي
3-علبه **ادي + 3 ملاعق حليب بودره + فص ثوم مهروس

الطريقه ...

1- نقطع البادنجان نص حلقات ... ونقليه

2- نصفه بصينيه .. نجيب كاس مويه مغليه ونحط عليه حبه الماجي ونحركها ونصبها ع البادنجان .. ونرشه بفلفل وملح .. وندخله الفرن من تحت حتى يشرب مويته ..

^^
قبل

^^
بعد

ثم ... نقطع البصل شرايح ونحمره في ملعقه زيت حتى يصيربني ...

تقطعين الخضار على ذوقك ..

نخلط ال**ادي + الحليب + الثوم

نرتبها
بالصحن ..

نقدمها .. .. ..

لذيذه جدآ ..

نآخذ استراحه بسيطــه

يتبـــــع

(ا

(ام محمد) 2010/07/08 · #2

اقعلت الطائره من جديد وهبطت

في ..

الفلبين .. {

إنتي في أكول ... [ كرسبي جمبري ]

المقادير ...

1- جمبري جامبو
2- شوفان كويكر + دقيق+ بيضه
3-ملح + فلفل + ليمونه+ ثوم بودره + زيت

الطريقه ...

1- ينظف القمبري ويقطع بطرف السكين من النص ..

2- تجهز التتبيله = عصير ليمونه + ملعقه صغيره ملح + رشه فلفل + ملعقه ثوم .. نغمس القمبري بالتتبيله ونصفه بصحن ونتركه نص ساعه ..

3- نحمي الزيت .. ونجهز الدقيق .. ونحط خمس ملاعق شوفان بصحن .. ونخلط البيضه .. ونبدأ بالقلي ..

4- ناخذ حبه قمبري ونغمسها بالدقيق .. ثم بالبيض .. ثم بالشوفان .. ثم نحطها بالزيت ... وهكذا

وقدميه مع رز ابيض وسلطه

أقلطو ..... {

مهابيط العافيه ...

(ا

(ام محمد) 2010/07/08 · #3

{السعـــوديه }

احيانا ايام البرد نشتهي اكله لذيذه وسهله وكمان يعطي طاقه ويدفي

فــنقوم للمطبخ ونطلع هادي الطلبات البسطه ..

خبز مفرود عربي ..

المقادير ..

1- خمس أقراص خبز مفرود عربي ..
2- نص اصبع **ده ..
3- حوالي كاس تمر بدون [ عبس - نوى - فصم ]

الطريقه ..

1- نفرم الخبز بفرامة اللحمه .. ثم التمر .. ثم نحط ال**ده بعد ماتذوب عليهم ..

2- نعجنهم باليد ونرجع نفرمهم ..
3- بعد الفرمه الثانيه نكورهم .. ونبشرهم بالمبشره حقت الجبن ..

فنجالك عندنا ...

دوله جديده ..

اليونان

بنذوق مع بعض .. بادنجان محشي خضار بالفرن<<يمي يمي

المقادير ..

1- بادنجان
2- بطاطس + جزر + بطاطس + كوسه + بطل + طماط
3- ماجي + ملح + فلفل
4- خلطه البشاميل

الطريقه ..

1- نقطع البادنجان انصاف .. ونفرغ الي جوا بالسكين ..

2- نقلي انصاف البادنجان .. ونصفهم بصينيه .. ونقطع الخضار مكعبات ..

3- نحمس البصل مع الثوم والفلفل البارد بملعقتين زيت .. ثم نضيف الخضار عليهم .. ثم نضيف مكعب ماجي .. ونخليهم يطبخون عشر دقايق فقط ..

4- نجهز البشاميل ..

5- نرش البادنجان بملح و فلفل .. ثم نحشيه بالخضار .. ثم نرش عليه جبن مبشور ونغطيه بالبشاميل ..

6- ندخله الفرن من فوق عشان يتحمر البشاميل ونطلعه ..

وقدميه ع طريقتك وذوقك ...

يتبــــــــع }}

(ا

(ام محمد) 2010/07/08 · #4

(ســــــــــــــــوريا)

فريكه

المقادير ..

1- كاس و نص فريكه .. [ اطلق شي إنتاج حلواني ]
2-صدرين دجاج
3- حبه ماجي + ملح وفلفل + بصل وتوم + صنوبر

الطريقه ...

1- نسلق الدجاج مع نص حبه بصل وفص ثوم وملح وفلفل ..

2-نغسل الفريكه ونحط عليها كاس ونص مويه وحبه ماجي ونخليها تستوي زي الرز ..
3- نقطع نص البصل شرايح ونحمسه مع ملعقه زيت ثم نحط معه الصنوبر ..
4- نطلع الدجاج ونشويه بالفرن او بصينيه الشوي .. ثم نجيب الفريكه ونقدمه ..

نحط الدجاج فوقه ونزينه بالبصل والصنوبر ..

،

،

،

[هبوط]

الهنــــــد ]

[الصالونه ]

المقادير ...

1- دجاجه مقطعه 8 قطع بدون جلد
2-فلفل احمر + فلفل بارد احمر
3- بصل + ثوم + زنجبيل + طماط
4- ماجي + حليب جوز الهند او [ علبه **ادي مع 2 ملعقه طحين ]
5- ملح + فلفل + كركم

الطريقه ..

1-نقطع البصل والفلفل الاحمر بدون البذور الي جوا .. والطماط والزنجبيل

2- نحط 2 ملعقه زيت في قلايه ونحط البصل والثوم إذا ذبل شوي نحط الفلفل الاحمر البارد ثم الحار ثم الزنجبيل ... ثم الدجاج

3-نرش عليه الفلفل والملح والكركم ونضيف الدجاج .. ثم نضيف حليب جوز الهند كاس او علبه **ادي مع 2 ملعقه طحين ..

5- نغطيها ونخليها تطبخ ساعه ...

خلال الساعه .. نجهز رز ابيض وسلطه والسفره ..

ونقدمه

وتقدم مع الخبز لو ماحبيتي الرز ...

*

*

[ أقلاع ... الي ايطاليا ]

ايطاليووون

من اشهر المعالم عندهم .. [ برج بيزا المائل ] ..

..~~~..~~~..~~~..~~~..~~~..~~~..~~~..

[ اللزانيا ]

المقادير ..

1- شرايح عجين لازانيا ..
2- صدر دجاج + ثلاث ملاعق فطر
3- ملح + فلفل + ماجي + صلصه
4- كاس كريم خفق + علبه قشطه
5- بصل + ثوم + فلفل اخضر

الطريقه ..

1- نقطع البصل والثوم والفلفل البارد .. ونحط عليهم 2 ملعقه زيت ونحمسهم .. ثم نضيف لهم الدجاج والفطر والصلصه والماجي .. ورشه ملح مع فلفل ..

2- نسلق اللزانيا بمويه ورشه ملح وملعقه زيت ..

3- نخلط القشطه مع كريمه الخفق .. ونجهز حشوه الدجاج .. وجبن موزريلا ...

4- نحط طبقه لازانيا ثم حشوه دجاج ثم لازانيا وهكذا [ انا سويتها 3 طبقات ]

5- نضيف عليها القشطه ع الوجه ثم جبنه موزريلا .. وندخلها الفرن من تحت ربع ساعه ..

ونطلعها من الفرن ونقدمها ..

على السفره ..

من بعدها بتصيرين طباخه

*
*
*

والحلا حيكون
.

.
يتتتتتبع

(ا

(ام محمد) 2010/07/08 · #5

التراميسو ...

المقادير ..

1- بسكوت دايجستف
2-كاس كريمه خفق + 4 حبات جبن كيري + علبه حليب مركز
3- ملعقه نسكافه + كاكاو بودره

الطريقه ..
1- نجهز صحون التقديم والبسكوت .. ونخلط ملعقه نسكافه مع كوب مويه ..

2- نحط بسكوته بالصحن ونرشها بمويه النسكافه ..

3- نخلط الحليب .. مع كريمه الخفق و الجبن ..

4- نحط فوق كل بسكوته ملعقتين من الخلطه .. ثم بسكوته ونسكافه وخلطه [ طبقتين ]

5- نرشها ببودره الكاكاو ..

وندخلها الفريزر ساعه ..

وبعد ساعه نقدمها

*

*

[ أقلاع ... درجه اولى لمصر ]

مصر أم الدنيا

*

*
[ المسقه ]

المقادير ..

1- 2 حبه بطاطس + 2 حبه بادنجان
2- لحمه مفرومه
3-فلفل بارد + بصل + ثوم
4- حبه ماجي + فلفل + ملح

الطريقه . .

1- نقطع البطاطس والبادنجان حلقات ونقليه .. ونقطع الطماط حلقات ونصفه بصينيه .. ونقطع البصل والثوم والفلفل البارد ونحط عليه 2 ملعقه زيت ونحمس شوي ع النار ..

2- نحمر اللحمه مع شوي بصل وثوم بودره وملح .. ثم نجيب البطاطس ونبدا بالترتيب ..

نحط البصل فوق الطماط مع الثوم والفلفل البارد ثم البطاطس ونرش عليه ملح وفلفل بودره ..

4- نضيف اللحمه فوق البطاطس ثم البادنجان .. ونحط بنص كاس مويه حاره وعليها حبه ماجي ونحركه ونصبه عليها .. وندخلها الفرن ..

5- بعد ماتجلس بالفرن نص ساعه من تحت نحمرها من فوق ونطلعها ..

ويقدم وبالهنا والعافيه

،

،

وشذي انتهــــينا

وان شاء الله تكون عجبتكم الاطباق واستمتعتو بـــ الرح ــــله

منقووول لكم يالغاليات
اختكم ام محمد

كي

كييييييكه 2010/07/12 · #6

ابدععععععععععععععععععععععععتي يامال العافيه ماقصرتي
بس حسافه مو مستعده للتسجيل بروح اييب قلم وارد
مشكوووووووووووووووووووووووووووووره

غا

غادينيا 2010/07/12 · #7

روعه وماقصرتي
وان شاء الله اسوي كل يوم طبخه

waha 2010/07/12 · #8

يعطيج العافيه ع المجهود

خو

خوخة حلوة 2010/07/15 · #9

تسلم إيدج حبيتيي

أح

أحلى عيون 2010/07/16 · #10

ياااااااااااااااااااااااااااااااااااااااي

كل اكله احلى من الثانيه حرام عليج الرجيم رااااااااح

تسلمين يا قلبي ام حمودي على الموضوع الجنااان والله وعساج على القوه

ام

ام عفاف الكويت 2010/07/16 · #11

رووووووووووووووعه

تسلمين

وج

وجودي عسل 2010/07/17 · #12

يعطيج العافيه يالغاليه

دم

دمووووع 2010/07/20 · #13

ماشاء الله تبارك الله ...

تصويرك يفتح النفس وشلون طبخك ..

تسلم الايادي

كل الود

(ا

(ام محمد) 2010/07/28 · #14

بالعافيه يالغلا وان شاء الله يكون نال اعجابكم

وبالعااافيه وشكرا لمروركم العطر

اختكم ام محمد