كل
كلاااس
2010/07/06 · #1
السلام عليكم ورحمة الله وبركاته
بنات منو استخدمة عشبة كف مريم ؟ ومن وين شرتها ؟
بنات ابي تجاربكم انفعتكم والا لا ؟
انا اللي اعرفه انه تخفف الم الطلق وتوسع الرحم بسرعه وقت الولاده . بس ابي وحده مجربتها تفيدنا
وجزاكم الله خير
اه
اهاات الليل
2010/07/06 · #2
هلا حبيبتي الله يهون عليج تشترينها من الحواج وتفوحينها وتشربينها
ماشالله توسع الرحم وتسهل الولاده
انتي الحين اكلي رمان واناناس
وامشي على تراب البحر وصعدي درج ونزلي بس لاتجهدين نفسج
كثري جماع مع زوجج لان المني ماله سبحن الله في ماده طبيعيه للطلق وتفتح الرحم
انا اعرف ثنتين امدحولياها وصج جربتها كنت اغلي عود دارسين واحط معاه كف مريم.. حمدالله خذيتها يمكن 3 ايام وبعدها بلش فييني طلق خفيف ووقت الولادة كنت اتوسع بسرعة ماشالله.. وكل شي بيد الله... الله يسهل عليج وعلى كل حامل ويقومكم بالسلامة..
كل
كلاااس
2010/07/07 · #4
اهات مشكوره عالنصايح الله يجعلها بميزان حسناتج :)
حيوف مشكوره اختي الله يسهل على كل حامل وجزاج الله خير :)
فط
فطوم الحلوه
2010/07/08 · #5
كف مريم اهو الحليتيت ولا لا
فط
فطوم الحلوه
2010/07/08 · #6
انزين بنات اتحطون جم قفشه مع الدارسين
كل
كلاااس
2010/07/08 · #7
فطوم حبيبتي عشبة مريم مو الحلتيت , ومن ناحية جم قفشه ما اعرف الي اعرف انها مثل العشبه تنقعنها ببطل ماي صحه من الليل لي النهار اذا كان مفتوح معاج جم سانتي وتشربينها والله يهون علينا الولايد ,, وان شاء الله البنات يفيدونا الي جربوها
دل
دلال بنت العز و الدلال
2010/07/08 · #8
اب اب اب اب
اختي كلااس احنا بالخدمة وحاضرين ووحدة تفيد الثانية انشالله بالتجارب ..
واختي فطوم الحلوة اهوا مو بالقفشة اهيا تكون عشبة شكلها مثل الوردة بس يااابسة وناشفة وفي ناس ينقعونها وانا لا كنت اغلي عود دارسين وبعدها احط كف مريم يغلي شوي وياه وبعدين اغطيه وبعد فترة اصفيه و اشربه.. بس ترا انا شربته ثاني اسبوع من شهري و قبل مايني طلق او عوار وبعد تجربتي معاه 3 ايام حسيت بالطلق والعوار وحمدالله ولدت..
الللللله يسهل عليكم كلكم يالحوامل..
فط
فطوم الحلوه
2010/07/09 · #10
اي شريت العشبه وشريت الخروع بس لاعة جبدي من الخروع ورجعة على طول
والحين اشرب دراسين مع العشبه والعطار قالي انه اتسهل الولاده وتفتح الرحم
وشريت اناناس شكلي بخربه الله يستر
انا داشه التاسع صارلي اسبوع والله ايسهل علي وعليكم ان شاء الله
يعطيكم الف عافيه بنات
كل
كلاااس
2010/07/09 · #11
فطوم لا تشربين هالسوالف الحين !! نطري الين ينفتح معاج جم سانتي عشان تساعد بتوسيع الرحم ان شاء الله وتخفف الطلق صبري الين تجيج الولاده من الله , لا تحرضين رحمج انه ينفتح يمكن الجاهل ما استوى >> حشى طبخه ههه , انا ادري انه اخر شهر تعب وثقل بس كله باجره باذن الله وهانت ان شاء الله .. صج من وين شريتي العشبه ؟؟؟
فط
فطوم الحلوه
2010/07/09 · #12
من الحواج تدرين شنو صار فيني من الخروع الله يعزج سهال وكل ساع رايح الحمام
كل
كلاااس
2010/07/09 · #13
لا ما تشوفين الشر , عشان جذي اقولج نطري الين يفتح معاج جم سانتي , الله يسهل عليج الولاده وعلي وعلى كل حامل :)
اه
اهاات الليل
2010/07/10 · #14
ايه صج نسيت لاسويتوا كف مريم اقروا عليه المعوذات والكرسي لاتنسون
مر
مريوووم
2010/07/15 · #15
سبحان الله وبحمده
سبحان الله العظيم
بق
بقايا الامس
2010/07/16 · #16
انا دشيت العاشر وبعد ماشربتها ولدت بس انا كنت افوحها بكبرها واشرب مايها والله يهون عليج واقري الزلزلة حتى اثناء الولادة
كل
كلاااس
2010/07/17 · #17
آمين
جزااج الله خير :)
بقايا هل خففت الام الطلق ووسعت الرحم بسرعه ؟
كل
كلاااس
2010/07/27 · #18
سبحان الله وبحمده سبحان الله العظيم
اه
اهاات الليل
2010/07/27 · #19
هلا كلاس بشري انتي باي شهر اكيد بالتاسع صح
الله يهون عليج يارب
كل
كلاااس
2010/07/28 · #20
اي والله بالتاسع هذا اول اسبوع تعبت ابي اولد :sad_smile:
واسناني شابه علي والدكتور رفض يعالجني العصب ملتهب عندي الله يعين , الحين الحمدلله هدو شوي ان شاءالله ما يشبون علي بليل :52_52: