بنات ساعدوني حاسه نفسي بموت؟؟

اشلونكم بنات يرحم والديكم صارلي يومين القمه مادشت بحلجي وحاسه كل ما آكل شي ابي استفرغه تكرمون...وبطني منفووووووووخ نفخه موطبيعيه وعوااااار معده موطبيعي رحت الدكتور مرة مرتين عطاني دوا المعدة العادي كأنه نشا...كليت من الدوا ماكو فايده رحت الدكتور مرة ثانيه قالي اذا رجعلج العوار للازم اسزي منظار الان يمكن اكون معاي التهاب بالمعده وخااااايفه حدي من المنظار فيدوني بنات الي مسويه منظار يعور واشلون طريقته حاسته فلم رعب وشنو الاشياء الي اشربها وتريح المعده تكفى بنات الله يخليلها عيالها ويستر عليها ويرحم والديها الي ترد علي...:emoticon_U::emoticon_U::emoticon_U::frown::frown::sad_smile::sad_smile:

اشدعواااااااااااا بنات مافي ولا رد؟؟؟

بعد قلبى فروحة انشاللة ماتشوفين شر ولاتخافين ترى المنظار مايخوف وتطلعين نفس اليوم ومالج شر انشاللة والحين شربى شاى نعناع كثر ماتقدرين وبابونج واللة يشفييج

مشكووورة على مرورج ياعصيدة بس تعبت والله للحين لاتريقت ولا تغديت بس ماي

تمر علي هالحالة>>>علاجها جدآ بسيط لاتلبسين الاندر وير من صوب الصدر واخذي شاور بارد واشربي عصير تفاح اخضر ولاتاكلين دسوم وفي حبوب للمعدة من المستوصف تاخذينها نافيدين يهبلون للمعدة وعليك بالماي بارد سواء شرب او رش وجهك لانتعاش المعدة>>>وماتشوفين شر يالغلا

تسلمين ياغلا دبي اسعدني مرورج ياقلبي منكم نستفيييد

هلا حبيبتي ماتشوفين شر انشاءالله لاتخافين ولاتحاتين انا مسويه منظار مرتين مره عند مبارك واخر مره عند عيادة الشمالي والله ماحسيت بشي يعطونج مخدر ربع ساعه بالكثير وتقعدين وحالتي نفس حالتج بالضبط طلع فيني جرثومه عطوني كورسات والحمدالله من فضل ربي الحين احسن توكلي على الله مافي الاالعافيه انشاءالله

حبيبتي مادام الدكتور قالج نسوي منظار سويه لا ترددين عشان اذا في مشكله

لاسمح الله يكون العلاج ببدايته سهل

اما اذا تأخرتي راح تتفاقم عليج ويزيد

ولاتخافين منظار المعده هين وانا مسويته مرتين يحطولج بنج وعقب البنج ماتاكلين

مدة ساعتين لاتسوين غلطتي امي حبيبتي اصرت اني اشرب عصير فواكه عقب البنج

طلعت روحي احسه مثل السكاكين وبعدها تكرمين رجعت

والله يشافيج بشرينا عنج بعد المنظار

سهل المنظار لاتخافين ياقلبي
الف سلااااامه
ماتشووفين شر طهوووور ان شاء الله

تسلموون على مروركم خلاص باخذ بشورتكم واتوكل على الله

السلام عليكم

لا تخافين حبوبه مره يتني هالحاله بس وصفها الدكتور بالتهاب الحجاب الحاجز واذا كنتي تشربين الكوفي والنسكافيه والحليب


وقفي حاليا لانه هو السبب الرئيسي

والحمدلله افتكيت

والله يشفج حبوبه

تسلمين يا أم مياري على مرورج:(