بليييز ساعدوني

انا من اسبوعين ولدت بعملية قيصرية والله رزقني ببنت المشكلة اني لما ايي ارضعها ماتقدر ترضع عدل وتصيح صياح موطبيعي الحليب يطلع لها وايد ولما اشفطه تشرب شوي بس وترد تصيح تكون يوعانة بس ماتقدر وانا قلبي يعورني عليها وعلى فكرة هذي اول ولادة لي ونفسيتي كلش تعبانة عطوني الحل بسرعة بلييييز

ياقلبي شربيها حليب صناعي لاينقطع حليبج والسبه انها ماترضع عدل

حبيبتي انا توني والده قيصريه نفسج
ونفس سالفتي مع بنتي ووديتها الطبيب لانها حيييييييييييل صغيره
قالي توها بلعومها وفكها بعدهم صغار
وعطاني لها مقوي لانها كلش كلش ماترضع
وقالي ماعليه راح تتعود
والله كريم

هلا أختي . . .

حمدلله ع السلامة

وتتربى بعزكم

حاولي تحطينها صوب صدرج بالطريقة الصح ولا تقطين ثقل الثدي بكبره عليها

واهي ترضع حاولي تساعدينها انج ترفعين لها فكها بحركة خفيفة لانها تتعب

واهي تبجي والله اعلم انها مو قادرة تمسك حلمة الثدي أو غازات بطنها أو ثقل الثدي على وجهها يضايقها . . .

لا شفطين صدرج وخليها ترضع ان شفطيته خلاااص بيوقف الحليب بعد جم اسبوع . . .