مشكلتـــــــــي ســـــــــاعدوني فيها

بسم الله الرحمن الرحيم
بنات ممكن تساعدوني في مشكلتي
انا متزوجه صارلي ثلاث سنين
جبت بنت بقيصريه لان حوضي صغير والحمدلله الله ماخسرني

المهم الحين بنات انا صارلي سنتين ماحملت ولاعت جبدي وتعبت نفسيتي من الاطباء قالولي تأخر الحمل يجي من ثلاث اسباب
اولا : البويضات يكون حجمها صغير
ثانيا: الهرمونات
ثالثا: الانابيب يمكن مسكره عندج
والله يابنات تعبت رحت سويت تحاليل شامله عند الدكتور عبد الناصر العثمان وماطلع فيني شي
ورحت سويت الاشعه الزيتيه للانابيب وماطلع فيني شي
وكل شهر اسوي عن حجم البويضات وهم ماطلع فيني شي يقولون حجمهم زين حيل
والحين صارلي ثلاث شهور اكل كلوميد تعبت نفسيا وزوجي مثلي سوا كل شي هم ماكو شي
بنات افيدوني والله تعبت نفسيا واهل زوجي كل مانزلت قطو هالنغزات جني هذا شي بيدي استغفرالله اذوني
ابي منكم شسوي وتنصحوني اخذ ابر وعند اي دكتور
منو الدكتور اللي شاطر بهالسوالف تكون ساعدوني والله احس جبل فوق ظهري مت

حبيبتي اللة يكون بعونج انا اخذت ابر عند الدكتور عادل مرسي بالمواسات وحملت بس اجهضت

الله يرزقج بالذريه الصالحه عاجلا غير اجلاااا ..

مدام مافيج شي نصيحه مني لاتلعبين بنفسج اصبري وانسي مسأله الحمل

انا نفسج بعد بنتي ثاني طفل بعد عمليه قيصريه

اكلت حبوب منع الحمل لمدة ست شهور وبعدها ست شهور مناعه طبيعيه

ولما فكرت اني احمل قعدت سنه ماحملت ورحت سويت تحاليل وتطمنت على بطانة الرحم

وطلع كل شي اوكي وهم ببجري نفس السالفه قعدت سنتين

وكلت امري لله لأن لا انا ولا زوجي فينا شي وصدقيني ماهمني كلام الناس

اكيد يتكلمون بس انا وزوجي متفاهمين بيننا وقولي له خيره لان القيصريه مو زين الحمل على طول

فيهاا ومن هالحجي ..

والله يرزقج بالذريه الصااالحه عاجلا غير اجلااا ..

يعطيكم العافيه حبيباتي على هالردين اللي طمنوني والله يرحمنا برحمته

اختي مناره بنت خالتي اكبر مني وكانت ماتجيب ضلت حد 5 سنين بعد عرسها ما حملت وبعدها الله رزقها في بنت طبيعي والحين اهيه حامل و شهرها معاي ما اضن انج عانيتي اكثر منها واهيه كبيره بلسن والي عالجها الدكتور جمال الدين الافغاني وانصحج فيه واهوا بمستشفى المواساة الجديد

يعطيج العافيه حبيبتي على النصيحه بروح اسأل عنه

يعطيج العافيه حبيبتي بس عالجتي من شنو انا ماخليت شي مااسويته يعني عطاج ابر

الله يرزقني انا وياج بيوم واحد ان شاء الله يارب ولاتفرح علينا عدو قول امين ومشكورين حبايبي على تفاعلكم