اسئلي ... وآنا أجاوب

اسئلي .... وآنا أجاوب


رجاء خاص:
الأسئلة تكون تبع القسم اللي احنا فيه.
من قال: لا أعلم فقد أفتى.
الأسئلة تكون خاصه بشؤون المرأة.

موفقييين يا رب

مشكوه حبيبتي عالموضوع الروعه


اول شي بخصوص تأخير الحمل

انا عندي المبايض صغار و تكيس ؟

اذا عندج شي يفيدني جان زين تفيديني


ومشكوره وماقصرتي

السلام حبوية ربي يجزيج خير
انا فيني تكيس مبايض شديد جدا
بشنو تنصحيني عشان احمل حمل طبيعي دون مشاكل
لان حملت اول مرة واجهضت في شهر سادس وصارلي سنة وماحملت
ملاحظة حملت عن طريق منشطات وابر

حبيت اعرف اختي انا اخر دورة لي بين 21 او 22 او 23 / 1 متى كل شهر ادخل شهر يديد اي تاريخ؟؟


او حرقان البول عزج الله يأثر الحمل ولالا ولا عادي والالم البطن والمعد واشياء تتحرك عادي ولالا؟؟

zohor كتبت:حبيت اعرف اختي انا اخر دورة لي بين 21 او 22 او 23 / 1 متى كل شهر ادخل شهر يديد اي تاريخ؟؟


او حرقان البول عزج الله يأثر الحمل ولالا ولا عادي والالم البطن والمعد واشياء تتحرك عادي ولالا؟؟

حبيبتي العد الصحيح للحمل يكون بالأسابيع مو بالأشهر لكن الأطباء للتسهيل يقولون بالأشهر
علعموم انتي موعد ولادتج التقريبي والعلم عند الله سبحانه وتعالى - على فرض ان تاريخ اخر دورة 22-1-2010- اهو 29 - 10 -2010 ونتي الحين في اسبوعج الخامس وزايده عليه جم يوم.
اذا ودج تعرفين فانتي عادي احسبي حق روحج من يوم 22 من كل شهر.
وهذا موقع سهل وبسيط تحطين فيه تاريخ أخر دورة وهوا يحسبلج كل الاسابيع

http://www.baby2see.com/timeline.html

واما يحياتي حرقان البول والم البطن فهذا يعني عندج التهاب بول وهذا يصير مع الحامل بس طبعا ما تهملينه لازم تروحين الطبيب ويعطيج مضاد خاص للحامل وكثري من شرب الماي عشان يخف عليج الحرقان واأكد عليج لا تهملين الالتهاب ابدا ، أهو طبيعي بس لازم تعالجينه.
راح يسوولج تحليل بول أعزج الله وممكن مزرعة والله يشفيج يالغالية ويرزقج اللي في نفسج اللهم آمين.

حبيباتي اللي يعانون من تكيس المبايض تروحين حق عطار ثقة وتاخذين منه القسط الهندي وهوا عبارة عن عيدان قامجة اللون وتكسرينها وتطحنينها تصير مثل البودر،باستخدام حجاب كرييب تنخلينه وتستخدمينه سفوف بكمية ملعقة صغيرة مرة الصبح ومرة بالليل ولازم تستمرين عليه ، طبعا ريحته وطعمه ممكن تصعب عليج الاستمرار ، لكن من بغا شي ، تحمل. وتاخذين حبة سوده بكمية كبيرة وتخلطينها على عسل أصلي وطبعا ما تطحنينها ، خليها عدله (حب ) ونفس الشي ملعقة شاي الصبح وثانية بالليل.
هذا برنامج تستمرين عليه لمدة شهرين كاملين ماعدا أيام الدورة .
أيام الدورة عليج بطبخة الغوري بس لازم تكون نظيفة وجديدة ، يعني لها لون وريحة قوية.
بناتي العزيزات موتستخدمونه أسبوعين وتملون وتقولون ماكو نتيجه، اللي تستخدم يا إنها تستمر ولا..لا تبدا بالشي وما تكمله ...يضرها أكثر ما ينفعها.
وربي يوفق الكل

يعطيج العااافيه وماقصرتي

السلام عليكم العشــبه....

بقولك قصتي من البدايه...

تــزوجت بشهر العيــد ونزلت الدوره علي ثالث يوم من عري وبعدهاا انقطعت ل25|10 بالهجري وبعدهاا انقطعت علي 11و12ونزلت علي 1\1 وبعدهاا مانزلت الا 27\3 لماا حللت الدكتوره تقوول هرمون الحليب عندك مرتفع فعلى كذا عندك ادوره متلخبطه همون الحليب مرتفع 34 وتقول الطبيعي 15 فعطتني حبوب اكل حبه ثلاث اياام
بسالك عن اعشاب طبيعيه تنظم الهرمون عندي


ياااااااااااليت متطوليـــن....علي

سدوما كتبت:السلام عليكم العشــبه....

بقولك قصتي من البدايه...

تــزوجت بشهر العيــد ونزلت الدوره علي ثالث يوم من عري وبعدهاا انقطعت ل25|10 بالهجري وبعدهاا انقطعت علي 11و12ونزلت علي 1\1 وبعدهاا مانزلت الا 27\3 لماا حللت الدكتوره تقوول هرمون الحليب عندك مرتفع فعلى كذا عندك ادوره متلخبطه همون الحليب مرتفع 34 وتقول الطبيعي 15 فعطتني حبوب اكل حبه ثلاث اياام
بسالك عن اعشاب طبيعيه تنظم الهرمون عندي


ياااااااااااليت متطوليـــن....علي

حبيبتي باستخدام مغرفة الطعام الكبيرة اخلطي:
8 ملاعق مرقدوش (يسمى برقدوش أو بردقوش ) مع 6 ملاعق ميرمية وحوسيهم بحيث يتجانسون وحطي ملعقة طعام في كوب ماي مغلي وانطريها تنقع واشربيها فاترة مرة الصبح على الريق وكرري نفس الشي المساء.لمدة شهر وعقب افحصي وبشرينا .
عادي تاخذينه ايام الدورة بس اذا عندج فقر دم وتستخدمين حبوب حديد وقفيهم واستعيظي عنهم بثمرة الكيوي والفلفل الأخضر البارد يوميا.
الله يوفقج

وين اسئلتكم بنات اشدعوه ماكو مشاركات؟:71_71:

ماعندي اسئلة بس حبيت اقولج ..
يعيطيج الف عافية ع الخدمة الانسانية وان شاء الله بميزان حسناتج ...

اختي العشابة اللة يعطيج العافية بغيت اسالج عن المرمية في ناس تقول انها ممتازة لتنشيط المبايض وتساعد على الحمل وفي ناس تقول لا المرمية تضعف المبايض ابي خبرتج وشاون طريقة استخدامها اذا كانت مفيدة

ليان احلى كتبت:اختي العشابة اللة يعطيج العافية بغيت اسالج عن المرمية في ناس تقول انها ممتازة لتنشيط المبايض وتساعد على الحمل وفي ناس تقول لا المرمية تضعف المبايض ابي خبرتج وشاون طريقة استخدامها اذا كانت مفيدة

الميرمية أساسا مصدر قوي لهرمون الاستروجين اللي يخفض هرمون الحليب وينزل الدورة ، يعني هذي العشبة مطمثة،وهذا استخدامها المشهورة أساسا فيه.

صباح الخير اختي
اول شي يعطيج ألف عافية
انا عندي مشكلتين
اول شي انا حامل اعتقد بالأسبوع السابع اخر دورة كانت 28/1
المهم يوم الثلاثة إلي طاف نزل مني سائل بني قامج جنه لون القهوة
رحت على طول طوارئ المواساة(كان ساعة 11)ف ماكو عيادات
المهم جيكت على الكوتكسة إلي كنت لابستها و شافت ان مافيها شي
ف بس سوتلي سونار
انا بروحي كنت خايفة من هل ساثل و اهي ما قصرت كملتها عليي
لمن سوتلي سونار تقول في جيس حمل بس مو مبين بيبي فيه
انا مت من الخوف لأن اخر فرتة كنت امر بظروف الله العالم فيها ف خايفة ان نفسيتي تكون اثرت على حملي و صار شي بالبيبي
عطتني حبوب مثبتة(duphaston) و قاعدة اخذهم كل 12 ساعة من ذاك اليوم
المهم يوم الأربعة نزل نتفة دم مع خيط ديم صغير
كنت بروح مرة ثانية بس اهي قالت تعالي يوم السبت او بعده لأن لازم تنطرين جم يوم و نسويلج سونار داخلي عشان يبين إذا في بيبي بالجيس او لأ(تقول ان يمكن يكون صغيرمن جذي مو مبين ف بالسونار الداخلي يمكن يبين)
و قالتلي إذا نزل عليج دم نفس الدورة يعني اجهاض
بس االحمدالله ما نزل ذاك الدم مجدر إن نزل هل سائل لي امس بالليل
انا خايفة واايد اختي
هذا اول حمل لي
سامحيني طولتها عليج
و مشكورة مقدما

حياتي أولا هذا أول حمل لج وانتي جديدة على هالتجربة فلازم ما تخترعين وحطي في بالج إن في أشياء وايد ممكن تصير لج فلازم اتوسعين صدرج يا الغالية ومو نهاية العالم أي شي يصير لج ، كله بأجره .
حبيبتي أنا عندي قاعدة لازم نحطها في بالنا وهي إنه من الأفضل إن الحمل ينتهي في بدايته على غنه يطول وفي النهاية يطلع مو زين أو ينتهي بعد مرور شهور من التعب .
أنا ما أخوفج ، ومو ضروري إنج تعانين من حالة حمل بكيس فاضي يعني من غير جنين أو إن اللي تمرين فيه حالة من حالات الإجهاض ولكن لازم اتوسعين بالج وماتلومين نفسيتج إللي تعبت ، يعني وسسسسسسسسسسسسعي صدرج بليز.
المهم حياتي نزول اللون البني الغامج ممكن يكون إفراز أو دم قديم أو حتى من عقب علاقة زوجية قوية ، يعني شي عارض ويروح ولكن بما إننا بعدنا بالبني وشويه فلا تخافين بتاتا وانا اعتقد الدكتورة صرفت لج حبوب التثبيت عشان الكيس مو الشي البني لأنه شويه وما يستدعي على وصفج .
المهم مالج إلا الانتظار والراحة التامة وابتعدي عن الدرج والكعوبة ، وفي شي عشبي يثبت الجنين إذا هوا حي وإذا ميت ينزله ولكن أنا أبدا ما أنصحج فيه ألحين لأنج تو الناس مافي عندج عوار في الظهر أو أسفل البطن ولا معاج نزيف . لاتهملين السونار بالرغم من إني ما أفضل تكراره لأنه ممكن يعطي نتايج عكسية . حبيبتي إنتي روحي السبت وإذا مالقت جنين صبري على روحج شوي لأنج توج بنص الثاني .
يارب يثبت حملج ويوسع صدرج ودايما الإنسان يفكر إن الله سبحانه وتعالى ياجره على اللي يروح منه ، وعلى فكرة أنا توني صارلي شهرين فقدت حملي في الشهر الثاني بس حمدلله حمدت ربي وصح زعلت لكن قلت الله رفع عني شي أكثر.
موفقة

يا بعد قلبي يالعشابة
والله مو عارفة شقولج على مساعدتج لي و لباجي الخوات و وقفتج معانا بالوقت إلي احنا نكون بأمس الحاجة فيه انه احد ينصحنا و يهدي بالنا
ربي يعطيج على قد إلي قاعدة تسوينه عشانا و يطول بعمرج و يعطيج الصحة و العافية و يرزقج بالذرية الصالحة
انا توني بديت احس بلوعة و مافي شي ينزل غير افرازات خفيفة و عادية
اول ما دريت اني حامل صدري كان يعورني و احس غير عن قبل
فجئة ماكو شي
و من يومين رد مرة ثانية شد و في شوية عوار
احس جني توني حامل مو جنه من اول الشهر
شي غريب بصراحة
بس هم للحين خايفة اني اتفائل وايد و انصدم

حبيبتي إذا عندج لوعة جبد يعني وحامج على لوعة فأنصحج بحبوب الوحام بالصيدلية وموجودين بعد في المستوصف حلوين ويمدحونهم ورخااااص وماتتوقعين إنهم ينفعون، أنا ماأجذب عليج انا مو مجربتهم بس أختي مجربهم وتقول فكوني من عذاب حملي الأول .
وإذا قربت ولادتج كلميني أظبطج بالنفاس :)
اللهم يثبت حملج يا الغالية وطمنيني إشصار معاج على السونار.

بنات وين أسئلتكم ؟