أم
أم فصووول
2010/01/30 · #1
بسم الله الرحمن الرحيم
مرحبا عزيزاتي ومساكم الله بالخير والسرور
موضوعي هالمرة غير عن باقي المواضيع
عندي موهبة التصميم تمشي بدمي من صغري
وحبيت اعرض لك قدرتي على تصميم اي موديل في بالك
او حتى ماطرى على بالك ولا بال احد
تحبين تتميزين وتنفردين بجلابيتك او بعبايتك
او بفستان السهره ووسط حفلة كلها عيون ملتفتة عليك
او اي شي خاطرك اصممه لك راح اصممه
ان شاء الله وارضي ذوقك
الفكرة هي اذا كان عندك مناسبه وحابه تشترين فستان
ومتخوفه يكون منتشر فالسوق ونص العالم مثلك لابسين
او مو واثقه تفصلين ومايضبط شكله ومقاسه مثل ماتخيلتيه
او او او اي شي حابه تفصلينه ومالك خلق السوق والفرة
حددي القطعه اللي تبغيني اصممها لك واذا عندك اضافات مثلا تبغين خام معين او اكسسوارات معينه راح ادخل عليها كل اللي خاطرك فيها واصممها لك حسب ذوقي
او انك تتركين لي الموضوع كامل وانا اصممها لك وبدون اي اختيارات منك
كله حسب الطلب
الطريقة
قولي لي وش خاطرك اصمم لك وبعض المعلومات عنك
وعلى الخاص يكون افضل منعا للاحراج>>
مثلا نحيفه سمينه >> سمنتك وين متركزه فيه>>
>> طويله قصيرة
>> بيضاء سمراء
>>شعرك طويل او قصير
>> اسود او اشقر
>> كلها معلومات تفيدني فالاختيار واتخيل فيها اللبس المناسب>>
الا اذا كانت عباية ماتحتاج كل هالمعلومات
وعطيني مقاس مضبوط لك ماخذته خياطه
واذا عندك ميول للون معين مو مشكله
وعطيني مهلة اسبوع اكون نفذت التصميم
وبعدها راح اعطيك اجمالي التكاليف
اذا اتفقنا راح ابدى الشغل وعلى حسب الموديل المدة تتراوح من اسبوعين لشهر هذا لو فستان سهره
وفي حال لو وحدة قالت طيب اشوف التصميم اول وبعدين اذا عجبني افصله
لا والف لا
تعبي وجهدي وافكاري ماراح ارضى لاحد انه ياخذها ابداااا
لانك خير شر بتروحين لمصممه وراح تفصل لك حسب ذوقها بدون ماتبدين رايك ولو اعترضتي راح تقول هذا الانسب لك كجسم وبشرة
وفالاخر راح تعتمدين عليها وتتوكلين على الله وبتفصلينه
وتقولين >> شورتك وهداية الله
وفي حال لو وحده جادة وادفعت التكاليف راح تكون فالصورة وتشوف معاي التصميم الخاص فيها وتبدي رايها وتضيف اللي تبغاه
هذا كل اللي عندي واذا فيه اي استفسار انا حاضرة وعلى العام حتى الكل يستفيد
المراسله على الايميل
[EMAIL="lamarheart@hotmail.com"]lamarheart@hotmail.com
انتظر ردودكم ودعواتكم
تحياتي ..........احلى ستايل
المصدر: منتديات عالم المرأة
wlld l,]dg; hglld. ,hgohw td; lu hpgn sjhdg