تبيض اسنان تفضلي

بغيت دكتور شاطر لتجميل الاسنان وتبيضها نفس اسنان ملكات هوليوود والفنانين بياض ومصفوفين وسمعتوا عن القشرة اللي يحطونها ومنو مجربها هل لها اضرار ياليت اللي مجربة ومسوية تعلمنا تعرضون تجاربكم واكون لها شاكرة والاستفادة للجميع

هلا حبيبتي
بخصوص التبييض انا ما انصحج فيه لان مضر يخلي الاسنان حساسه
التبييض نوعين :
الاول الليزر اللي تسوينه بالعياده وعند الدكتور مدته تقريبا ساعه وانت تحت الجهاز هذا خطورته اكثر حتى الاطبا ما ينصحون فيه لان يضعف من طبقة المينا الحاميه للسن
النوع الثاني:
التبييض المنزلي (القوالب) تروحين للدكتور ياخذلج طبعه للاسنان بعدها يعطيج الجل اللي تحطينه عليهم طبعا هذا انت تسوينه بالبيت لمده عشر الى اربعتعش يوم لين ما توصلين الى نسبة البياض اللي تبينها
هذا النوع افضل من اللي قبله من ناحية التأثير والناحيه الجماليه لان انت ماتخلينه لين تكونين راضيه على نسبة البياض اللي توصلين لهامو مثل الليزر لان بجلسه وحده ويمكن تكون اسنانج صفر وايد وماتكفيج جلسهاما القوالب ينصحون فيه الدكاتره


اما بالنسبه للفنانات هذيلا ما يسوون تبييض وبس هذيلا يحطون اسمها العدسات اللصقه للسن مثل قشرة البورسلان
في انواع :
اللومينيز والفينيرز والزركون
طبعا كل ماله طب الاسنان يتطور وكل يوم تنزل شغله يديده
اللي قلت لج عنهم يحتاجون برد للاسنان و هذا حرام البرد على ماسمعت وانت عارفه ما في شي حرام الا ان مضر
اما الحين نازله تقنيه يديده اسمها جلام سمايل هذي احلى وما فيها برد للسن ومحد يسويها الا دكتور بدبي اسمه مجد اللي يطلع بالام بي سي ببرنامج الصراحه احلى وللحين مو مدرب احد غيره بالوطن العربي الا هو حتى رفيجتي اتصلت على كذا عياده اهني بالكويت ما لقت احد عنه هالتقنيه
سمعت انها غاليه حيل تكلفتها للسن الواحد يعادل اربع ميه كويتي

اسفه عالاطاله بس اتمنى اكون اني افدتج