العملية التجميلية بالحكومة

اشدعوة بنات ما احد مكم يعرف احد مسوي تجميلي بالحكومة ؟

فديتج ان شاءالله البنات يساعدونج
بليز الي عندها خبر تخبر صاحبة الموضوع

الله لايكتب لج القيصريه قولي امين

واذا قيصريه فما يحتاج تجميلي ولا شي

بس النفاسه المضبووطه والاكل الزين والاعتناء بالنظافه الشخصيه والماي والملح تتجددين فيه

وباليوم ال35 تستعملين تحاميل البنتادين تطلعين بإذن الله اوكي وتمام التمام ..

اما عن الطبيعي انا حريم اخواني كلهم بالحكوومه ويمدحون خياطهم والله ولا تحاتين

بس انتي اسمعي كلام امج واهتمي بنفسج واكلي عدل وابتعدي عن المشروبات

الغازيه والوجبات السريعه وهالخرااابيط ..

وتاكلين كل شي بوقته من ريوق وغدا وعشا وطبعا العصيده اللي الصبح ع الساعه سبع

وماتخربطين بالاكل والدويات تاكلينهم واهم شي الحلبه والرشاد والسويدا

والحسوو او المردود لانهم نفس الشي بس الحسوو يسونه نفس الشوربه

والمردود يكون نفس البودره تحطين قفشه ويا الحليب وتشربينه << الله يعينج على ريحته ههههه الحمدلله كوني قيصريه فما شربته .

وهم بعد باليوم35 تحطين تحاميل البنتادين وطريقتهم كل 12 ساعه تحطين وحده

وان شاء الله ماعليج الا العااافيه وتطلعين من النفاااس عروووس ياااارب:wink_smile:

وتشوفين البيبي بصحه وسلااامه وتقر عينج وعين ابوووه ..:smile:

شوفي انا قيصريه وبقولج اللي سويته بالضبط

كانت امي تسوي لي عصيده الساعه سبع فيها حلبه وسويدا فقط

لان الرشااد حار على العمليه .

وكانت رفيجة امي تسوي لي حسو وكنت مره اشربه ومره اكل عصيده مرات والله امي تحطهم لي

اثنينهم بس الحسو شايله منه الفلفل الاسود لانه مو زين يقولون هم ع العمليه .

والريوق اجذب عليج اذا قلت لج بس اذا انتي تحبين الريوق تريقي ..

واقعد على الساعه 12 اتسبح واغسل بماي وملح واعقم الجرح بمعقم البيتادين

ويكون غداي الساعه 1 الظهر ويكون ياعيش ولحم والا ودجاج والا مرقوقه

ويكون مطبوخ وياها حلبه وسويداا بس

والعصر الشاي والقهوه واشرب القهوه مع تمر لانه زين

ويمدحون التمره ويا الرشااد انا ماجربته بصرااحه ..

والعشاا يكون شوربا بالدجاج والخضروات ويا ديويات اللي هي حلبه وسويدا واشربيها

او تغمسينها بالخبز .. او يكوون صينيه دجاج بالفرن ويكون وياه ديوياات ..

وطبعاا مثل ماقلت لج دوياتج تكون حلباا وسويداا بس

امي طريقتها تطبخ الدويات ويا الاكل ماتحطه ني وتجرشهم بالمطحانه عشان مايأذونج

تكرمين بالخرووج .. مو حيل طبعا تطحنهم بس جرش ..

والحسوو هم مهم بعد ..

وباليووم 35 تستعملين التحاميل ..

هذا بالنسبه لتجربتي ويا نفاساتي القيصريه

والحمدلله اطلع تمام التمام ..

اما انتي احس تعب عليج اذا قيصريه وبتسوين تجميلي يعني خياط من فوق ومن تحت

اذا بس ودج تسوين تجميلي والسلاام من هوسنا بالخوف استعملي تحاميل فيرجن

يمدحونهم البنات والا استشيري الدكتوره ماجده اليتامى يقولون تعطي تحاميل وبرنامج

من غير عمليه تجميليه روحي واستفسري ..

والله يهوون عليج ياااارب وتجيبينه طبيعي باذن الله مافي شي بعيد عن الله ..

ونسيت لا اقولج عن الرزنا اللي لونها اخضر عشبي

هذي تحطينها ويا عصيدتج على طرف وتحطينها ويا غداج وويا عشااج

مو تطبخينها لا قبل تاكلين تحطينها على طرف

هي مالها لا ريحه ولا طعم جنها تراب

بس مفيده جدااااااااااااا

انا اعرف اللي تولد طبيعي بالحكومة مايخيطونها الا اذا كانت بجر
اعرف وحدة والده طفلها الرابع بالحكومة تبجي قهر تقول هذاك جنه مغارة علي بابا
بس انتي اولدي بالحكومة وروحي البيت واذا كملتي شهر روحي لمستشفى خاص يسووولج خياطة تجميليه ببنج موضعي ماياخذ عليج ساعه وسعرها يابلاش ماتتعدى 200 ويمكن اقل بعد :75_75:

قوه حبيبتي انا بعد ابي اعرف لان ودي اسوي تجميلي والصراحه ما احب اولد بالخاص لان انا تصيري ولادات غريبه شويه وبالحكومه الحمدالله عمري ماصارلي موقف خايس بالعكس كله معاملتهم حلوه وعاي

وودي اسوي عمليه تجميليه بعد ولادتي ودي اعرف يسوون بالحكومه ولا لأ؟
واشلون طريقتهم اذا سووها

فياريت ترد علينا وحده اذا عندها خبره بهالشغله

الحكومه يسونهااا اذا كنتي والده الصراحه حماتي بعد ولادتهااا خيطوهاا والله لايوريج لحم زااايد والخياط مبين على شكل اكس ورفيجتيبعد ناسين قطنه فيهااا من تحت وعلى فكره في بالحكومه الزين والشين اذا تبين تسوين تجميل بالخاااااااااااااص روحي مستشفى لندن يطلعلج ارخص من المستشفيات الخاصه الثانيه يمكن مو اكثر من 100وشي لان انا ابولادتي الثانيه والده هناااك تجميلهم يهبل والولاده طلعت علي313بس رخيييييييييييييييص لان انا طلبت ابرة ظهر وسرير حق امي ولا جان طلع ارخص