رجيم الدكتور عبدالله المطوع(منقول) لااستفاده

:teeth_smile:السلام عليكم.. شلونكم بنوتات

امس كان اول موعد عندي بعياده العوضي عند عبدالله المطوع بعيادة المنقف...
وعطاني ريجيم قال انه بينزل من زوني 7 كيلوات بالشهر...ان شاء الله يا رب

فتح الملف مع تحليل الدهون ب 25 و التحليل الشامل ب 40 بس انا مسويته بالمستوصف ووديته معاي..وعندهم شاي اعشاب ب 10... واهم شي بالنسبة لي ما يعطي حبوب وهوما شاء الله عليه نفسيته تييب العافيه..

المم نيي حق الريجيم.. وحطو ببالكم اني قلت له ما اكل بقول او دياي او بيض

الريوق

2 توست اسمر مع جبنه او لبنه قليله الدسم مع شاي

الضحى

نسكافيه مع شكر تروبيكانا... او اي مشروب من ماركه تروبيكانا

الغدا

3-4 قفاش عيش او نص خبزه سمره خفيفه والادام يكون 60 غرام ..يعني بمقدار نص الكف محضر باي طريقه بس ما يكون مقلي طبعا... وسلطه عليها قفشه زيت زيتون وملح وليمون وفلفل حسب الرغبه..
او
تشيز برجر من ماكدونالدز مع دايت كولا.. بعد الغدا اشرب شاي اعشاب
و بأي خيار لازم .. بعد الغدا اشرب شاي اعشاب


المغرب>>> هذي ركزو عليها

ككاو


العشا

2-3 برتقال بو صره

او

توسته سمره مع مرتيدلا او جبن مع دايت كولا

او

اي نوع سلطه من ماكدونالدز والدريسنغ لازم يكون لايت دريسنغ مالهم

ونفس الشي .. شاي اعشاب بعد العشا


عاد ادعولي انزل عليه يا رب واوصل للوزن المثاليييييييي منقوووووووووول وشكرااااا

ان شاء الله توصلين للوزن المثالي

ويعطيج العاافيه على النقل

الله يسلمج يالغاليه ومشكوره علدعوه ماقصرتي :smile:

يعطيج العافية واستمري انا بعد رجيم بس موعند مطوع
الله يوفقنا يارب

ياريت بنات الى جربت دكتور شاطر تقولنا وتفيدنا انا سمعت ببدر نصر الله جنه هذا اسمه يمدحون فيه وشكرا

يعطيج العافيه وماقصرتي:smile: