ياجماعه ما أشوف عطور اصليه بالسوق كلها تقليد

ياجماعه ما اشوف عطور اصليه بالسوق:71_71:
كل الموجود تقليد من دبنهامز والشايع وتناغرا وغيره!
ليش جذى!! ليش النصب على الناس يبيعون التقليد بسعر الاصلى
واشلون يكون الاصلى؟
الاصلى لازم نسبة التركيز والاسم والمصدر يكون محفور على الزجاج من تحت
واللى اشوفه حاطين لزقه او استكر تحت الزجاج!
يعنى بالا وين احصل الاصلى لازم اسافر فرنسا!!
برايكم استعمل كريمات عطريه للجسم مو احسن تدوم تطول اكثر؟
بشوف رايكم بالعطور والكريمات
ويعطيكم الغافيه

والله انج صاجه اني حسيت بالفرق لما شريت عطوري هالمره

من السوق السودا اللي بدبي صج فرق حتى رشة العطر تفرق

والتركيز مااقولج والله تركيزها قوي حده

والحل مدري شنو نسوي في النصابين هذيلاا

تقبلي مروري يالغلاا

هلا حبيبتى
والله انى متضايقه حيل مو عارفين نحصل عطر اصلى
معقوله السوق صاير جذى
ولا الصدمه الكبره انى وانا مسافره قلت اخذ من المطار
احسن شى وهم انصدمت!!

امبيه زين انج قلتيلي صراحة بنطر معرض العطور
اللي بمشرف اكيد اصلية موتعبية؟؟!!!

ديربالج اول شى
لازم يكون عليه كلمة perfume
والكلمه هذه لازم يكون محفور على الزجاج مو لزقة استكر
ملزقينها وخلاص, لان الاستكر اى واحد يقدر يسوى استكر
ويلزقه على بضاعه تقليد, عرفتى

على فكره الحين نادر تلاقين الكلمه محفوره على الزجاج
تدرون ليش؟ لان اصلا مافى اصلى بالسوق, وكلها مقلده

هلا خواااتي بتأكد من سالفة الحفر على الزجاج وان حصلت مواصفات العطر الاصلي ببلغكم

وبخذله صورة بالمحل -بإذن الله -

معقوله اول مره ادري

يعطيج العافيه على المعلومات

جزااااااااااج الله خير حبيبتي علي التنبيه.........وناطرين المنقذه دايماااااااااا ام عبدالله فديتها.....

مشكوره
وعندي بعد ملاحظه على العطور اغلبها تعبئه اماراتيه
يعني ياخذونها من الامارات ويقولون هذي من فرنسا
انا اعرفها من البخاخ اذا كان شكله مركب وموثابت وبلاستيكي من برا ومن الداخل مااخذه وتكون طباقة العطر فاقده المغناطيس حقها
وشكر

اي والله صاجة انا ماحسيت بالفرق الي يمل امي قامت تيب لنا عطورات من فرنسا صج صج فرق بالعطر بنات تحسين ان يدوم لج ساعات وهم اهما الفرنسين يقولون الى نصدرة حق الشرق الاوسط تعبيئة جبل على (دبي) يعني مونفس التركيز

الله يعينا وش الحل معاهم

إي والله صاجين يا بنات ... كلا تقليد لا و السعر بسعر الأصلي

لا و من ترشينا تطير ريحته ... لا حول و لا قوة إلا بالله

بس حبييتي أنصحج باللوشن مال العطر أحس إن يفوح في الجسم و بعدها بخي على نفسج عطره بختين وبتفوح ريحتج إن شالله

ام عبدالله صدقينى انا اقولج لا تعبين نفسج مافى اصلى بالسوق
كلها استكرات ولا الحين هابين اى دو بيرفوم مو بيرفيوم بعد!!!
المعنى اى دو بيرفوم يعنى ماء العطر لكن بيرفون بروحه يعنى عطر مركز
يعنى لا عطر مركز ولا اصلى!

المصيبه يبيعونه على الناس بسعر العطر المركز والاصلى
وملينو على هالسالفه مبالغ
وهم ناس معينين مابى اذكر اسمهم
الله لا يوفقهم

غلا حبيبتى
مو بس مو نفس التركيز
ومو اصلى بعد
وبنفس السعر

مياسين يا عمرى
انتبهى, اذا دبنهامز والشايع ايبونه تقليد
تبين المعارض تييب اصلى !!

الله ياخذهم

حد ييب لنا عطور من فرنسا

ويفكنا من هالنصابين :71_71:

مومصددقه يعني عطوراتي كلها تقليد !!!!!!!
.......
انزين من وين نشتري الاصليه بالكويت اكييد في اصلي مو معقوله ؟؟؟

السوق كلة نصب وعطورات لندن بعد أحلى والريحة قوية
ماتروح بسرعة وأنا حربت