فطآآير شكلها كووشخهـ...

السلام عليكم حبايبي

اليوم جايبه لكم طريقه للفطآآير شكلهااا كوووشخه شفتها باحد المنتديات واعجبتني ونقلتها لكم ,, <<ان شاء الله تعجبكم مثلي

أول شي ممكن تستخدمين أي عجينة فطاير تضبط معك
بس أنا أستخدمت عجينة العشر دقايق
وهذي مقايرها/

فنجان قهوة سكر
2 ملعقة خميرة فورية
2 كاس ماء دافي
ذرة ملح
2كأس دقيق

أخلطيهم مع بعض وغطيها بكيس

وأتركيها 10 دقايق
بعد العشر دقايق

يضاف لها 3 كأسات دقيق أبيض
و 1 - 1 ونص كأس دقيق بر <<ممكن تعتمدين على شكل العجين يعني ضيفي العجين إلى ماتحسين أنها صارت ماتتلصق بيدك
ثلاث أرباع كاس زيت


الحشوه/

علبة تونه ساده
حطيها على النار وأحمسيها مع بصل
وإذا ذبل البصل سكري النار
وحطي معها جزر مبشور
وذره
وبقدونس مفروم


الطريقه
خذي قطعه من العجينه وأفرديها
وقصيها على شكل دائره


بعدين قصي بالسكين من الجوانب من فوق لتحت



وللتوضيح أكثر سويت لكم الرسمه
لأن تصوري مو ذاك الزود بس لازم تنتبهين أني العدد عاليمين يكون متسوي مع العدد اللي عاليسار



وحطي الحشوه بالوسط



وجيبي أول طرف من اللي قصيتها
وحطيهم على بعض
زي الصوره تماما





وأستمري إلى ماتوصلين آخر شي



وهذي صورتها من الجنب


وأدهنيها من فوق ببيض علشان تتحمر
ودخليها الفرن

وهذا الشكل النهائي




وبالعافيـــــــــــــــــه عليكم حبايبي،،

*ملاحظه:
الشكل هذا ماينفع أنك تحشينه جبن لأن العجينه مفتوحه من الجوانب وراح يسيح يفضل حشو اللحم أو الدجاج أو التونه أو الخضار بس الجبن ماأعتقد أنه ينفعش..

تحياتي..