أم
أم رشودي 11
2009/10/30 · #1
{قدر صغير-شموع- بيض-عود أسنان}
خطوات العملْ
أول شي نجيب البيضه ونفتح لها فتحه صغيره من فوق مثل ماأنتم شايفين بالصورة ..
نفرغ البيضه وبعد مانفرغها نغسلها بالماي الين تنظف كلياً بس برقه عشان ماتنكسر البيضه
طريقة تنظيفها انك تدخلين اصبع من اصابعك جوا البيضه من الفتحه الصغيرونه وتفركينها من جوا زين عشان تنظف .. بس مثل ماقلنا بشوي شوي ..
هذا شكل البيض بعد التفريغ والتنظيف ..
نجيب القدر ونحط جواه الشمعه باللون الي انتِ تبينه ونحطه على نار هاديه
بعد ماتذوبين الشمعه تصبينها جوا قشور البيض بس بشوي شوي لان اذا صبيتيه دفعه وحده بيفور وبيطلع كله وبيطشر{معناة يطشر اي ينتشر زي الزيت }
{ملحوظه*إذا ودك تصير الشمعه لونين ولنفرض فوش وازرق.. تذوبين الشمعه الفوشيه وتصبينها على قشر البيض بس الى النص يعني نص القشر}
نجيب الفتيله حقة الشمعه الي ذوبناها وندخلها جوا مثل ماتشوفين بالصوره ..
ونعقدها على عود اسنان عشان ماتطيح الفتيله جوا
بعد ماتقضين صابه الشمع ورابطه الفتيله ندخلها للفريزر {عشان تجمد}
واذا جمدت نطلعها من الفريزر ..
{طبعا عشان تكون الشمعه من لونين بعد ماتجمد الطبقة الاولى نصب اللون الثاني الي تبينه على الطبقه الجامده ومن ثم نرجعها للفريزر الى ان تجمد الطبقه الثانيه<<هذي الطريقه اذا كنتِ تبين الشمعه لونين
بعد ماجمدت نشيل عود الاسنان ونبدأ نقشرها زي تقشير البيض المسلوق بس هنا بتكون اقوا من البيض المسلوق
وبكذا طلع لنا الشكل للشمعه
نجيب خرز او ترتر او شرايط او أي شي لتزيين الشموع ..ونبدأ نزين بالشمعه بالشكل الي نبيه
وطبعاً ملحوظه مهمه *مو تصمغين بصمغ المسدس لانه ماراح يتصمغ معك .. صمغي بالصمغ الاصفر العادي حق الورق ...بس كثري الصمغ على الترتر لانه يالله يثبت
وبكذا طلع لنا الشكل النهائي للشمعه ...
منــقــول
{طبعا عشان تكون الشمعه من لونين بعد ماتجمد الطبقة الاولى نصب اللون الثاني الي تبينه على الطبقه الجامده ومن ثم نرجعها للفريزر الى ان تجمد الطبقه الثانيه<<هذي الطريقه اذا كنتِ تبين الشمعه لونين
بعد ماجمدت نشيل عود الاسنان ونبدأ نقشرها زي تقشير البيض المسلوق بس هنا بتكون اقوا من البيض المسلوق
وبكذا طلع لنا الشكل للشمعه
نجيب خرز او ترتر او شرايط او أي شي لتزيين الشموع ..ونبدأ نزين بالشمعه بالشكل الي نبيه
وطبعاً ملحوظه مهمه *مو تصمغين بصمغ المسدس لانه ماراح يتصمغ معك .. صمغي بالصمغ الاصفر العادي حق الورق ...بس كثري الصمغ على الترتر لانه يالله يثبت
وبكذا طلع لنا الشكل النهائي للشمعه ...
منــقــول