نتكلم بصراحه وبدون زعل

om-3li 2009/10/15 · #1

السلام عليكم ورحمه الله وبركاته
تسمحولي اتكلم بصراحه مع اني واثقه ان بعضكم راح تزعل من الصراحه بس لو فهمت مقصدي اكيد راح تشكرني

الوحده اول ما تتزوج يكون زوجها محور اهتمامها تلبس وتتزقرت وتتعطر وتشم ريحه البيت من مدخل العماره يفوح بعطرها
تنطره وهو راجع من الدوام بقلاس عصير تنسيه هم الدوام وقومته من الفجر وتجهز غداه وتتفنن في رضاه على اكمل وجه
اول ما تخلف وتجيب اول بيبي تبدا في اهماله طبعا بدون قصد يرجع من الدوام يلاقيها في المطبخ الاكل ما خلص واذا ما عندها شغاله تسمع صراخ البيبي شايل الدنيا يبي من يسعفه ويشيله طبعا انا ما الومها بس لو نظمت نفسها راح تلاقي اكيد حل
طبعا بعد جم سنه يبدأ الاولاد يكثروا في البيت ويكبروا وتزيد مسؤليتهم وكل هذا على حساب تعب الام وتعاسه الاب
كل ما حس بتقصير من ناحيتها صرخت يعني تبيني اركب ايادي وريول عشان اخدمكم كلكم وحتى لو ياب شغاله تلاقيها موظفه وترجع من دوامها مهلوكه ويبيلها من يسويلها مساج عشان تسترخي
واذا طلب حقوقه الزوجيه
يوووووه الف سبب لحرمانه
تعبانه ...
باجر وراي دوام...
انت ما تشبع كل يوم ...
شعري مستشورته ما عندي استعداد اخربه...
مهدود حيلي من مذاكره اولادك ...
بس لو وحده من رفيجاتها قالتلها عندي سهره والا جمعه
حطت الطويله على القصيره وتطلع في ابهى حله عشان صديقاتها لا يقولون من يوم ما يابت الاولاد اهملت نفسها
وكل هذا والزوج صابر وما يفكر يتزوج ؟؟؟؟
ياعشان عيب اولادي كبروا ...
عشانها بنت عمي ...
اهلي يحبونها ...
بعد العمر هذا الناس شتقول عني ...
طيب قعد معاها وقالها انا انسان دخليني في جدولك
حسسيني انج تحبيني خلينا نسافر يومين نغير جو وروتين البيت
ترد اهي والله انك مراهق ...
شوف اعيالك صارو طولك ...
اللي مثلك يحمد ربه ويقعد على سجاده مو يدور حب ورومنسيه ...

طبعا انا ما اقول الكل ولا اظلم احد
بس كل اللي ذكرته كنت اسمعه من اهل زوجي سواء رجال او حريم من العائله ومن برا

حبيبتي الريال اذا كبر يحس نفسه طفل ومراهق خصوصا الايام هذي فضائيات ....انتر نت
وبعدها انتشرت وسائل التعارف في كل انحاء العالم
يعني بالله عليج لو شميتي خبر ان زوجك يفكر انه يتزوج
اكيد راح تقوم قيامه عندج

نصيحه حااااااااااافظي على زوجج هو ابقالج من اولادج
باجر كل واحد يتزوج فيهم وتنسيه مشاكل الحياه امه وابوه
(( باجر ينسى امه ويفتكر قلب ضمه ))

يارب اكون قدرت اوصلج جزء انتي غافله عنه
واتمنى الحريم والبنات ما يزعلون هذي حقيقه واذا مو انتي المعنيه
طالعي حواليج تلاقين امج.. خالتج.. جارتكم.. صديقه اختج ... حمواتج...
والله موجود جذي
سامحوني على الاطاله
تحياااااااااااااااتي للجميع

لب

لبى روحه 2009/10/15 · #2

يعطيج العافية يا قلبي
اللة يجزاج الخير ذكرتيني فيه "

دل

دلوعة ابوة 2009/10/15 · #3

كلامك كلة في محلة

قط

قطرية النقيان 2009/10/15 · #4

الله يعطيج العافية حبيبتي كل الى ذكرتية صحيح، والله يعينا على واجبات الزوج ومسؤولية العيال

مش

مشتاقه لجنه ربي 2009/10/15 · #5

مشكوره يا اختى على نصيحتج

شو

شوشوه 2009/10/15 · #6

يعطيج العافيه ............

دن

دنيا ورديه 2009/10/16 · #7

موضوع مميززز
ويعطيج العافيه

ال

المخطوبه 2009/10/16 · #8

مشكوره اختي وماقصرتي يعطيج العافيه

وعساج عالقووهـ دوم:wink_smile:

أم

أم عبدالله 2009/10/16 · #9

هلا اختي

مشكورة على هالملحوظات المهمة

لكن اهم شي لا تسوين كل شي لزوجج سويه بالاول علشانج

تزيني تكشخي ربي عياله حضري لقمته علشان ما يلاقي نقص فيج يعني علشان نفسج

لان مشكلة هالحريم يسوووووون كل شي علشان زوجهم وينسون نفسهم

واول ما يتزوج وإلا يسوي شي عوي في حياته تلاقينها تنهار

واول كلمة بتقولها له ولنفسها انا سويت كل شي علشانه !!

ال

الروح الكويتيه 2009/10/17 · #10

تسلم ايدك ام على على طرح هالموضوع

وط

وطنية حيل 2009/10/17 · #11

والله هذا كلة على حساب المرأة إذا مشت صح حياة بتكون كلها صح والعكس الصحيح

ومعا التنظيم والقواعد صارمة

تسلمين على الطرح الحلو

q8-3soola 2009/10/17 · #12

يسلمووووووو على الموضوع الحلوو

A7LA-WRDA 2009/10/18 · #13

مشكوره على النصيحه حبيبتي

سل

سلطانة زماني 2009/10/19 · #14

يسلمووووو ام علي عالموضوع الطيب

ال

المديونيرة 2009/10/19 · #15

مقرووووووووووودة هالمرة حياتها كلها لاسعاد غيرها يسلموووووووووووووووووووووووووووووخيتوووو:sad_smile:

@أ

@أم زايد@ 2009/10/20 · #16

تسلمين يالغاليه ماقصرتى يعطيك العافيه صدقتى والله

عش

عشيقة زوجي 2009/10/20 · #17

يسلمووووووووووووووووووووووو

مب

مبروكه 2009/10/22 · #18

يعطيكى الف عا فيه

لي

ليموونه الحلوه 2009/10/23 · #19

يسلمووووووو على الموضوع الحلوو يعطيج العافيه

أم

أم نجلاء 2009/10/23 · #20

صح كلامج اختى
الله يرزقج الجنه على هالكلام الطيب

نتكلم بصراحه وبدون زعل

مواضيع من نفس القسم