دخلو بسرعه ...

السلام عليكم ورحمه الله وبركاته
بنات ابي مساعده والشوره منكم حبايبي انا حيل تعبانه من حياتى لاني قاعده انا وزوجي بشقه صغيره وعيالى عايشين فبيت جدهم انا عندي يهال اثنين وخدم اثنين واحس بفراغ لانهم مو معاى وبنفس الوقت زوجي مايبي ازعاج والخدم يستحون يعيشون فشقتى لانها صغيره وطبعا مافيها الا غرفتين ..وزجي من نوع يحب الوجبات السريعه من المطاعم يعني ماايحب يشيل هم طباخ فالبيت .. خدم ويهال في البيت ولكن اهو مااايقصر مع عياله ويحبهم حيل ويوفر لهم كل شي من اغراض اليهال المعتاده حليب وحفاضات ونفس الشي مع الخدم ماايقصر معاهم بشي ولكن اهو معيشهم فبيت اهلى مااايحب الحنه ورنه وطبعا انا معاه نتشارك بمعاش الخدم مو اهو بروحه مااني عارفه شنو الحل ؟؟ عيالى حيل متعودين على الخدم وانا حيل فاقدتهم؟ وزوجي مو راضي يفهم هل شي ؟ودوم اقعد معاه اقوله خلنطلع بشقه اكبر ونيب الياهال يقولي ودوامنا اشلون انخلي اليهال بروحهم مع الخدم وماكو احد معاهم ؟ يسكتني باسلوبه :frown:بليز انصحوني شسوي لاتبخلون على ..عيالى عايشين فبيت امي من ثلاث سنوات يعني صعبه اخذهم بهل سهوله لانهم تعودو على عيشتهم هناك ونفس الشي امي حيل تحبهم مااتقدر تفارقهم من اقولها باخذ عيالى والله انها اطيح مريضه وتقعد تبجي وانا ماااحب اضايقها والله قلبي يعورني مو عارفه شسوي؟؟:frown:

اشدعوه بنات مرور من غير ملاحظات هذي هقوتى فيكم:frown:

هلا اختي . . .

وضعكم غير طبيعي بالنسبة لام واطفالها . . .

شوفي يالغالية اخذي شقة جريبة من سكن اهلج وخلي عيالج عندج طووول اليوم ولما تبين تروحين الدوام وديهم للوالدة او اجري شقة في بيت اهلج اذا عندهم نظام شقق. . .
وربي يسر امورج

فديتج ام عبدالله الله ينور دربج يارب ويخليلج عبدالله ومشكوره عالرد

صراحة شي غريب لابو الدوام لا بو الدنيا كلها أكشتي بالدوام اهم شي عيالج و ليش عندج خدامتين مدام ماعندج اثنين ؟؟؟؟؟؟؟؟ حبيبتي سوري على اسلوبي بس بجي اليوم اللي بتندمين فيه انج كشتي بعيالج وترى مو من حقج تطلبين منهم يكونون بارين فيج لا كبروا

ربيعه حبيبتي رايج على راسي بس انا عندي ياهال اثنين واهم عايشين عند امي وانا ماااقدر اكشت بالدوام لظروف الدين الى على لازم اسدده والحمدلله انا مو مقصره معاهم بشي الشي الوحيد الى مقصره فيه معاهم وانا اعترف انومه بليل بيت امي ولا انا دوم اذا خلص دوامي امر عليهم والاعبهم وبعدين ارد الشقه اريح ساعتين وارجع بيت امي هم اقعد معاهم وبليل ارد الشقه هذي حياتي وللعلم انا مااسويت جذي الا عشان راحتهم حرام ابهذلهم معاى كل يوم الصبح بهل حر واوديهم بيت امي عرفتي يا قلبي..بس مشكلتي يا قلبي ان هل شي مضايقني وانا حاسه ان ماله حل وسط الا جذي وانتى شرايج؟؟

انتي تحتاجين لاستقرار اسري وهم عيالج بعد لازم يعرفون ان لهم بيت يضمهم حالهم حال الباجين اقعدي مع زوجج قعده جاده
اسفه بس احس زوجج للحين ماطلع من حياة العزوبية لازم تكلمين وتتحسسينه بانج متضايقة انا ماشيشج عليه بس ليمتى نداري خواطرهم على حساب نفسيتنا

شدعوه عيالج مو عندج
اسحيلى والله انى ماودى اورج بالكلام بس الى قاعد يصر خارج الفطره
قوليله والله لو اعيش بدون خدامات وبجون وضيفه مااستغنى عن عيالى ياربى شنو هذا خارج عن الفطره اللابويه فى احد يستغنى عن عياله والله لو يبيهم حجان اخذهم جنبه لو كان عايش بالشارع امج امرها محلول يعنى هى تفهم
بس الزوج لااااااااااا مستحيل الى يسويه مالج شغل جيبيهم عندج وبحضنج شلون باجر اذا كيرواا تبين برهم مدام انتى ماربيتيهم
واذا على الزوج اهو راح يتعود يعنى هو عباله للحين عزوبى عياله على ابوهم حق
مالج شغل فى 100 اسلوب واسلوب عشان يقتنع واذا ماقتنع مو لازم

مشتاقه لجنه ربي كتبت:ربيعه حبيبتي رايج على راسي بس انا عندي ياهال اثنين واهم عايشين عند امي وانا ماااقدر اكشت بالدوام لظروف الدين الى على لازم اسدده والحمدلله انا مو مقصره معاهم بشي الشي الوحيد الى مقصره فيه معاهم وانا اعترف انومه بليل بيت امي ولا انا دوم اذا خلص دوامي امر عليهم والاعبهم وبعدين ارد الشقه اريح ساعتين وارجع بيت امي هم اقعد معاهم وبليل ارد الشقه هذي حياتي وللعلم انا مااسويت جذي الا عشان راحتهم حرام ابهذلهم معاى كل يوم الصبح بهل حر واوديهم بيت امي عرفتي يا قلبي..بس مشكلتي يا قلبي ان هل شي مضايقني وانا حاسه ان ماله حل وسط الا جذي وانتى شرايج؟؟

يعنى انتى ليش مطوله السالفه الحين زاد التعب عليج لو تاخذينهم عندج جان ارتحتى وبعدين انتى راح تتعبين اكثر
الله يعينج بس لاتستمرين على هالحال

مشكورين خواتي ماقصرتو انا بحاول اسوي كل الى قلتولي عنه انشالله