عندي مشكلة

السلام عليكم

مبارك عليكم الشهر

أنا حابة أطرح مشكلتي من باب الفضفضة وعشان أستفيد والكل يستفيد

أنا متزوجة صارلي سنتين وعندي بنت أول ماتزوجت كانت علاقتي بزوجي ازوينة ماقدر أقول انها كانت ايام حلوة بالعكس عااااااااااااادي كان يعاملني جني واحد من الربع وجنه يعرفني من زمان بس مع الوقت الحمدالله تناقشنا بالأشياء الي ماتعجبني فيه من ترصفات وغيرها وقالي أنا ماعرف اشلون اتعامل مع البنات لأن حياتي كلها ديوانية وربعي وحتى أنا غيرت أشياء واااايد فيني خصوصا اللبس وغيرهابس المشكلة ان اليوم اكتشفت لأول مرة إن ماعنده احساس تخيلو كنت قاعده أبجي وقلبي حيل امعورني وحاطه راسي بحظنه وأقول انت ماتقعد معاي واذا طلعنا تدور الردة واذا زرت بيتنا ماودك تردني ليش متغير علي ؟؟ بنات تخيلوا سهر لي الصبح بالديوانية وعقب ينام لي الفطور وبعدين يتفطر وينزل عند خالتي يشرب جاي ويروح الديوانية لدرجة ان قبل ماكان يرضى أروح السوق ابروحي خصوصا ان اسواقتي مو ذاك الزود الحين عاااااادي عنده والله بديت أشك فيه أخاف عنده وحده يحبها تخيلوا عقب البجي وعوار القلب قام وقال انا بروح الديوانية تبين شي ؟؟؟حدي انصدمت وحقدت شنو ماكو احساس بنات نصحوني اشلون اتعامل معاه اهو ماكان جذي اتهقون شنو الي امغيرة لا تقولولي مشاكل بالبدوام لأنه اجازه.

فيدوني حبيباتي الله يجزاكم الخير

مشكورة حبيبتي عالرد اي والله صاجه الحمدالله على كل حال وبحاول اثقل اشوي بس الي باط جبدي انه ماكان جذي ولاهو امعودني على هالإسلوب

اختي الغاليه دائما استعيني على كل امورك بالدعا اسالي مجربه والله كل شي ابيه ادعي والح والح والحمدلله ربي يحب الي يدعي وجربي وردي علي

انشاله حبيبتي بجرب

اللة يسخرة لج حبيبتي

الله يسخره لج اللهم آآمين ......

اختي 90% منهم بهطبع بس اهم شي لاتشكين لان جذي تهدمين بيتج وبيني وبينج محد راضي على حاله اذا رجع من ربعه قابليه عادي وخل يحس انج حاقرته صدقيني راح ينقهر

مشكورين حبيباتي عالمرور وانشاله بحاول أحقر وأطنش والله كريم

حبيبتي انا عندي كلام واتمني تتقبلينه اول شئ لازم تعرفين ان الرياجيل ما يتغير بدون سبب ولازم تدورين شنو غيرتي شئ فيج سواء تعاملج او قلة اهتمامج بنفسج او بديتي تكثرين من التشكي تري الرياجيل ما يحبون التشكي ....
حبيبتي حافظي علي زوجج ولا تحقرينه ولا تهملينه حاولي تكونين معاه مثل اول الزواج واذا علي الدوانيه والطلعات هذيلا رياجيل الكويت كلهم ما يحبون قعدة البيت فنصيحة اخت لاختها اهتمي فيه وحاولي تتقربين منه اكثر ومع الوقت بتعرفين السبب .......
والله يهديه لج ويهديج له ويسخركم لبعض وموووووفقه بحياتج حبيبتي.....

مشكورة حبيبتي عالنصيحة والله كريم :regular_smile:

الله يسخره لججج

انتى قلتى انه من عمره يروح الدوانيه عادي بس اللى حز بخاطرج انج بجيتى ووومااهتم تدرين ليش
لانه مايعرف يتصرف
انا اتذكرك اول مره بجيت عند زوجي كنت حلمانه حلم يخرع ووقلت له الحلم ووبجيتى تدرين شنوو قال قال لي انا ماعرف شنو اقول او اتصرف تبيني اوديج عند امج يمكن ترتاحين

والله ودي اكتشف سر الدوانيه وشنو فيها؟؟؟؟؟؟؟؟؟؟؟

اسال الله ان يسخره لك ويسعدكم يالغاليه
ولاتنسين الدعاءءءءءءءءءء في اخر الليل والاستغفار

يعطيكم العافية على الردود والله ماكو فايدة فيه ايتروالي قعدة الديوانية تسواني أنا وبنتي قلبي امعورني وتعبت ومااعتقد مايعرف يرد على الأقل جان قعد وماطلع واهو يدري ان هذا الشي يطيب خاطري بس ما اهمه :sad_smile:

حبوبه ان شاءالله مافيكم الا العافيه والحمد الله مشكلتج بسيطه
لا تحاتين
وعلى سالفه ان قبل ماكان يخليج تروحين بروحج والحين عادي <<< ترا كل الرياييل جذي اول الزواج وايد يخاف ومادري ايش وبعدين مع الوقت عادي واكيد اهو واثق فيج من جذي مخليج على راحتج
حبيبتي مافي مشكله لا تخلين التفكير الزايد يخرب عليج حياتج استانسي عيشي يومج لا تضايقين على اي شي شماخذه من الدنيا
وعسى الله يسخره لج قولي امين:smile:

الله يحنن قلبه عليج ياااااارب ,,

آمين يا رب العالمين ومشورين حبيباتي

حبيتي احسن شي تسوينه تروحين بيت اهلج وتقعدين عندهم لمن يحس على نفسه وتاخذين بنتج ولا تدقين عليه كلش لمن اهو يي بنفسه ويترجاج نصيحه منى انا ماااحرضج بس هذي عن تجربه واذا بغى يردج حطيله شروط وقولىله الى مضايقج منه وانه ماايكرر غلطه وسلامتج يالغاليه