📦 أرشيف
هذا الموضوع محفوظ من المنتدى القديم (2009/08/19) — للقراءة فقط.
المعلومات قد تكون قديمة.
محتاره مع زوجي غامض ابي مساااعدتكم؟؟؟؟؟؟
بقلم فطوومه89 · 2009/08/19 ·
8 رد
فط
فطوومه89
2009/08/19 · #1
انا محتاره مع زوجي كان واااااااااااااايد زين معاي وحنون ونحب بعض وماشفت مثل حنانه وانا عمري عشرين واهوه اكبر مني بجم سنه وكان متفهم معاي وفجأه سافر ويوم رد رد انسان ثاني تهاوشنا:cry_smile::cry_smile::cry_smile::cry_smile: معاي على مشكله صغيييره عقدهاا وكبرهاا اهاني واهان اهلي وسبهم طلبت الطلاق عقب ماتحملت كل شي عشان احبه واول انسان اعرفه بحياتي طلبني بيت الطاعه وقال ان يبيني انصدمت قلت شلون عقب كل هذا شلون راح ارضى الزم ماعلي كرامتي حتى لو احبه للحين قبل لاييلي ياهل اهوه ماحترمني ولا احترم اهلي شلون بيحترمني لي يالي ياهل قولولي شسوي احترت ومو عارفه شسوي ساعدوني باقرب وقت؟؟؟
*.
*..الاوركيد ..*
2009/08/20 · #2
يا عزيزتي اصبري ان الله مع الصابرين
المشكله يا اخواتي انتوا صغار وحساسات اكثر من اللزوم يعني انتوا مستعجلات في اخذ القرارت
استهدي بالله وارجعي لزوجك سترك وغطاك
يوم بتشوفين زوجج ضايق او تعبان يمكن يمر بظروف مايبغي يقول لج علشان ماتفكرين وتشلين هم وانتي حبيبته
يعني هو معصب وزهقان تين تحنين على راسه شوفيك انت متغير وانت وانت وانت
اكيد بيطلع من طوره ونفسيته واصله السما
استحملوا ازواجكم صبروا عليهم ان ماستحملتي زوجك من بيستحمله (وحده من الشارع )الله يهديك من مشكله طلبتي الطلاق ....
طيب وطلقك من سوف يندم انتي ام هو هو رجل لايعاب ولكن انتي ستكونين مطلقه وتعلمين المطلقه في مجتمعنا ياكلونها بقشورها ...
استهدي بالله وصلي ركعتين وردي لزوجك تراه انتي بعد مسؤوله عن اللي حصل فانت سبب في فوران اعصابه لو مسكتي اعصابك و لو انك جهزتيله الحمام الساخن وسويتله اكله طيبه ..... حركات رومانسيه جان بردة اعصابه وماصار اللي صار
بس احس انك انتي يوم هو مسافر كنتي تفكرين باشياء شيطانك يوزها في عقلك
مثل ..يمكن تعرف على بنت ويمكن ويمكن ...تعرفين الشيطان وافكاره الحلوه اللي تخلي الشعر يشيب ..علشان كذا حسيتي انه متغير لانه احاسيس عقلك الباطن فرت مخك شويه باخلاقه وانه متغير
صبرا ياعزيزتي وارجعي لزوجك حبيبك واملكيه قبل ان تملكه غيرك فتندمين
جه
جهراويه
2009/08/21 · #3
شوفي حبيبتي
معروف اول سنه زواج مشاكل سواء كان الزواج عن طريق حب او تقليدي
وبعد سواء لو كان اقارب او مو اقارب
يـعني بحالتين بتصير مشاكل مشاكل مو سبب شي بس سبب اختلاف وجهات النظر والراي
وماعليه سبج وغلط عليج يمكن وقتها كان معصب او متنرفز ماتدرين
الحل اللي اشوفه يا امي انج تقعدين انتي وريلج وتتفاهمون بكل هدوء
تسألينه إذا كنتي مقصره او لا وليش تغير وشلي يبيه وشلي انتي تبينه يـعني باختصار
قعدت مصارحه بعيد عن الصراخ والكلام الفاضي
وكل واحد فيكم يعرف اللي له واللي عليه
وبعدين قرروا اثنينكم الحل المناسب
والله يكتب اللي فيه الخير بينكم
أم
أم عبدالله
2009/08/23 · #4
الاخوات ماقصروا
وما يرفع ضغطي الا كلمة كرامتي ما تسمحلي !
أختي اول سنة لازم في خلافات ومشاكل زوجج انتي وصفتيه بصفات حسنة
سألي نفسج هل تسببتي في انه يعصب !
الرجل لما يرد من السفر يبي وجه مبتسم ولقمة هنية واستقبال ودود مو لوية بوز وتكشيرة
تلاقينه يقلب 280 درجة عليج
قعدي مع نفسج وراجعي الموقف عدل شنو صار علشان يعصب وشلون استقبلتيه ؟
وربي يقدم لكم اللي فيه الخير يارب
مبارك عليج الشهر ياقلبي والبنات ماقصروا وربي يوفقج
ya
yasmin
2009/09/01 · #6
اصبري واستهدي بالله لا كرامة في الحب الزوج والزوجة المفروض انهم شئ واحد لا داعي لذكر الكرامة
حي
حياة زوجي
2009/09/10 · #7
المره مو كل يوم لها ريال
واذا تطلقتى راح تتحسفين
فتحى صفحه يديده مع زوجج وانسى الماضى
كسرى الشيطان ولا تخربين بيتج ماكو انسان ما يغلط
سن
سنيوريتا
2009/09/10 · #8
والله حبيبتي ردي لزوجك الريايل يحيرون يبيلهم صبر مبين ع ريلج انه وايد زين ردي واستخيري
الأخوات ماقصروا في ردودهم
مافي أحد مرتاح ..
كنتي عضوة بالمنتدى القديم؟
استرجعي حسابچ وشوفي مشاركاتچ ومحتواچ من ٢٠٠٩.
استرجعي حسابچ
مواضيع من نفس القسم