حاسه اني راح اضيع ابي رايكم

السلام عليكم بنات الله يخليكم انا محتاره وايد ومحتاجه رايكم
زوجي بيسافر لندن بيكمل دراسته وعلى حسابه ودوامه راح يقصون نص معاشه
ويبيني اقدم استقالتي من دوامي وأقدم على بدل بطالة و أروح معاه أعيش سنتين لين يخلص دراسته
وانا متردده وخايفه من شغلات وايد مو عارفه شنو نهايتها
1- بدل البطالة اللي اعرفه 300 دينار وانا عندي قسط القرض + قسط سيارتي كلهم 280
اهوا يقولي لا تحاتين راح اعطيج مصروف بس انتي كثر ما تقدرين اقتصدي بالمصروف
2- شلون بعيش بعيد عن اهلي ورفيجاتي وديرتي وشسوي اذا حملت زوجي يبيني احمل و أولد هناك ( حاسه بخوف ودي تكون امي معاي ) والمشكلة اني مو شاطرة وايد بالأنكليزي( خريجة معهد تجاري ) ويا ريت اعرف شلون طريقة تعامل الأجانب مع العرب فيها ظلم وقساوة ولا الناس هناك حبوبيين ؟
3- وانشالله اذا زوجي خلص دراسته ورجعنا الكويت, قاعده افكر شلون برجع حق وظيفتي ؟ يصير ارجع حق نفس دوامي ولا ارجع ادور وظيفة من أول و جديد ؟

وسامحوني اذا طولت عليكم بس جد ماني قادره انام الموضوع وايد شاغل بالي :sad_smile:

والله ماادري,,,, بس مااحبيت امر بدون رد,,,

يابنت الحلال توكلي على الله وعلى فكرة لندن كلها عرب وانا رايحتلها اكثر من مره
وياكثر الخليجيات هناك واهم ماعليج زوجج ولا الوظيفة لاحقة عليها

هلا اختي

حاولي تشوفين قسم الاجازات في دوامج

في طرق كثيرة للاجازة مرافقة زوج - من غير راتب يعني امور ثانية غير الاستقالة

ولا تحاتين اصلا لندن اهلها تركوها للعرب :)

مشكورين يا بنات وما قصرتوا على الردود

الله يسخرلج راحه البال استخيري احسن وبترتاحين

انصحك عشان ما تندمين لا تقدمين استقالتك ترى صعب تردين لوظيفة مثل ما انتي شايفة تعيين الوظايف صار بصعوبة
آنا أضم صوتي مع أم وهج........عشان ماتندمين اخذي اجازة من دوامك وشوفي الوضع
عقبها ردي وبين فترة وفترة زوري زوجك
بس ديري بالك تطيعين زوجك بالاستقالة"هذا انا نصحتك "

بدل بطاله مو 300 للمرا 150 ولازم يطوف عليج سنه او 6 اشهر مو متاكده بالضبط يعني اول ماتستقيلي لازم تنطرين 6 اشهر بعدبن تقدمين عالديوان واذا ماطلع قبولج خلال سنه تقدمين على بدل بطاله
هذا اللي اعرفه والله وشوري على ريلج قوليله انت نطرت كل هالسنين انطر بعد ليما نخلص الاقساط اللي علينه ... وشوري عليه بعد انه مايدرس وياخذ تفرغ دام المكاتب موجوده انا ريلي يشتغل دوام عادي ومعاشه كامل بس كل كورس يساافر شهر يحظر اخر المحاضرات ويمتحن الفاينل ويكون وقتها ماخذ اجازه شهريه من الدوام وايد احسن لكم

الله يوفقج حبيبتي ما اعرف

موفقــــــــــه اختي ...