اقوله عن اللي شفته والا اسكت

مساء الخير انا وزوجي عندنا لابتوب طبعا مشترك بيني وبينه وهو مو من النوع اللي ما يشبك 24 ساعه بس فجاه تغير والابتوب مايفارقه عرفت ان عنده ايميل وعرفت ايميله ورقمه الخاص لاتقولون شلون عرفته سر المهنه:wink_smile: المهم دخلت الايميل وانا حدي خايفه بس الحمدلله ماكان احد شابك على طول رحت للرسايل والا اشوف هذيك الرسايل من وحده ....كل الرسايل وصخه واهو بعد...

والله اني احتريت مادري شاسوي قولولي بنات اقوله والا اسكت اذا قلتله ادري بتصير هوشه ويمكن طلاق اعرف نفسي واعرفه شوروا علي :mad:

انصحك بالصبر وعدم البوح بالي شفتيه وحاولي تبعدينه عن الابتوب او خربي الابتوب ادري حركه بايخه بس من صالحج وحاولي قدر الامكان انج ما تقوليله بالي صار

وممكن تعلميني شلون عرفتي الرقم السري

نصيحه لاتواجهينه ولاتقولين له عن اللي شفتيه لانه لو عرف انك تدرين بيتجراء عليك زياده اصبري واستغفري بنية ان الله يهديه عن هالطريق وراح تشوفين نتائج تعجبك بأذن الله ولاتغيرين طريقة تعاملك معه خليك عاديه كأنك ماشفتي شي

حبيبتي عااااااااااااااااااااادي كلهم كلاب ملبسين ثياب قطي الموضوع ورااا ظهرج انتي بنفسج تقولين ممكن توصل للطلاق استغفري واحتسبي الاجر انشالله وربج يعينج

اختي الغاليه المعاناه ماكو رجال مايسوي جذي يمكن اغلبهم مابي اظلم احد بس موضوعج هذا هزني وذكرني باللذي مضى والله نفس حالتي وعلى فكره انا نفسج انصدمت وبجيت حيل ورحت واجهته بس كان يختلق الاعذار والحين اشوف واطنش صار عادي بس اقص عليج اذا قلت ما احتر صدقيني اموت من القهر واحتر بس صبرت لين الله فرجها وصرت دايم اذكره بالله وصرت دايم اقوله قصص عن البنات اللي يسحرون الرجال ويخلون الرجال ينسى اهله ويصير نفس الحمار يلحقها وصار يخاف من سالفه السحر والله يا بنات اعرف واحد من جماعتنا يحب وحده وهذه الخايسه اللي يحبها سحرته حسبي الله عليها ونسته امه وزوجته ونته عمرها سنه وصار بس جسد عندهم بدون روح كل حياته وتفكيره وياها هذى الخايسه والمسكين مايعرف اهله الله يشافيه انشالله والله وكيلكم انا دايم اقوله السالفه واذكره فيها وهذا ردي وتعليقي على موضوعج نرجو الافاده على فكره ليش الاسم المستعار المعاناه يقطع القلب اختاري شي يونسج ياعمري

ياقلبي انسي اللي شفتيه ولاتواجهينه بالعكس خليج طبيعيه وذكريه بالله كل وقت مع نغزات خفيفه راح يفهم صدقيني وإذا تبين نصيحتي ريحي راسج ولاتفتشين وتنبشين وراه بتتعبين له الله يحاسبه

حيص بيص كتبت:انصحك بالصبر وعدم البوح بالي شفتيه وحاولي تبعدينه عن الابتوب او خربي الابتوب ادري حركه حقيره بس من صالحج وحاولي قدر الامكان انج ما تقوليله بالي صار

مشكوره حبيبتي عى النصيحه بصبر وانا الله مع الصابرين انشاءلله

حيص بيص كتبت:وممكن تعلميني شلون عرفتي الرقم السري

بقولج شلون عرفته مره جاه الابتوب فايروس وهو كان بالدوام دق علي وقالي عطيه السايق يوديه للمحل وخلوا صاحب المحل يكلمني قلتله اوكي رحت انا ووديته بنفسي لان كنت ابي الجمعيه المهم دقيت عليه من المحل وكلمه المصري عرفت انه يساله عن الايميل قام المصري فتح صفحة الايميل ودخل الاسم وكلمة المرور طلع رقم جواله

ام ترف كتبت:نصيحه لاتواجهينه ولاتقولين له عن اللي شفتيه لانه لو عرف انك تدرين بيتجراء عليك زياده اصبري واستغفري بنية ان الله يهديه عن هالطريق وراح تشوفين نتائج تعجبك بأذن الله ولاتغيرين طريقة تعاملك معه خليك عاديه كأنك ماشفتي شي

يعطيج العافيه عالنصيحه فعلا لو قلتله راح يتجراء فيه بنات واجد اعرفهم لما يواجهون ازواجهم يتمادون اكثر علشان كذا انا خايفه اذا واجهته يتجراء الله يهديهم ويهدي زوجي

جروح الصمت كتبت:حبيبتي عااااااااااااااااااااادي كلهم كلاب ملبسين ثياب قطي الموضوع ورااا ظهرج انتي بنفسج تقولين ممكن توصل للطلاق استغفري واحتسبي الاجر انشالله وربج يعينج

مشكوره اختي جروح الصمت ودي اقط الموضوع وراء ظهري بس مقهوره من اللي شفته الله لايحطج بمكاني وانشاءلله اني بصبر واحتسب الاجر

الكلام العذب كتبت:اختي الغاليه المعاناه ماكو رجال مايسوي جذي يمكن اغلبهم مابي اظلم احد بس موضوعج هذا هزني وذكرني باللذي مضى والله نفس حالتي وعلى فكره انا نفسج انصدمت وبجيت حيل ورحت واجهته بس كان يختلق الاعذار والحين اشوف واطنش صار عادي بس اقص عليج اذا قلت ما احتر صدقيني اموت من القهر واحتر بس صبرت لين الله فرجها وصرت دايم اذكره بالله وصرت دايم اقوله قصص عن البنات اللي يسحرون الرجال ويخلون الرجال ينسى اهله ويصير نفس الحمار يلحقها وصار يخاف من سالفه السحر والله يا بنات اعرف واحد من جماعتنا يحب وحده وهذه الخايسه اللي يحبها سحرته حسبي الله عليها ونسته امه وزوجته ونته عمرها سنه وصار بس جسد عندهم بدون روح كل حياته وتفكيره وياها هذى الخايسه والمسكين مايعرف اهله الله يشافيه انشالله والله وكيلكم انا دايم اقوله السالفه واذكره فيها وهذا ردي وتعليقي على موضوعج نرجو الافاده على فكره ليش الاسم المستعار المعاناه يقطع القلب اختاري شي يونسج ياعمري

يعطيج العافيه اختي الكلام العذب فعلا اغلب الرجال يسون كذا والله يشفي مريضكم ويفكه من السحر ( والله اني دايما اقوله قصص وسوالف هالبنات اللي مايستحون بس ماكو فايده وااللي قاهرني زياده حاط صورته هو وياخشته :mad: ليش حاطها مادري ) بالنسبه لاسم المستعار المعاناه لاني اعاني كثير والله بحالي

مسك وورد كتبت:ياقلبي انسي اللي شفتيه ولاتواجهينه بالعكس خليج طبيعيه وذكريه بالله كل وقت مع نغزات خفيفه راح يفهم صدقيني وإذا تبين نصيحتي ريحي راسج ولاتفتشين وتنبشين وراه بتتعبين له الله يحاسبه

اختي مسك وورد مشكوره على الرد انا ماراح اواجهه بسكت وبصبر وودي اريح راسي بس اعرف نفسي مادام اني عارفه الرقم والايميل ماراح ارتاح ( فيه موقف صارلي قديم كنت افتش بتلفونه النقال وشفت بلاوي وواجهته اول مره قام يتحجج ويعتذر المهم انا من النوع اللي يفتش على طووووووووول الله لايوريكم قام حط حمايه وتعبثت بالجهاز وخرب كان نايم وكنت احاتي لما يقوم وش بصير اكيد بصير حرب المهم قام الرجال وشاف الجهاز خرب قالي كلمه وحده هددني بالطلاق ان تعبثت مره ثانيه واالله من الخوف مو علشانه علشان عيالي 4 عيال الله يخليهم اتطلق علشان كلبات حشاكم وكلاب المهم من يوم حط حمايه وانا مرتاحه لاتعبث ولاشي والله العظيم اني كنت مرتاحه بس الحين طلعلي اللابتوب :mskket:

هلا اختي
لاتواجهينه لكن خليه فترة وشوفي اخرتها وياااه
وحاولي بهالوقت انج تشغلينه بأمور اهم دينه وصلاته خصوصا إن رمضان الله يبلغنا اياه قرب حلوله يعني ادخلي له من مدخل الدين وانه قاعد يضيق وقت ثمين في هالانترنت من غير فايدة
وربي يصلحه ويهديه لج ولاتنسين قيام الليل والاستغفاااااااااااااااااااااار

أم عبدالله كتبت:هلا اختي
لاتواجهينه لكن خليه فترة وشوفي اخرتها وياااه
وحاولي بهالوقت انج تشغلينه بأمور اهم دينه وصلاته خصوصا إن رمضان الله يبلغنا اياه قرب حلوله يعني ادخلي له من مدخل الدين وانه قاعد يضيق وقت ثمين في هالانترنت من غير فايدة
وربي يصلحه ويهديه لج ولاتنسين قيام الليل والاستغفاااااااااااااااااااااار

يعطيج العافيه اختي ام عبدالله وتسلمين على الدعوه الحلوه

شوفو حبيبتى انتى سكتى ولاتقولين ..بس اخذى ايميلها وحاولى باى طريقه تعرفينها من تكون وين تشتغل

يعنى كل شى وبعدين طرشى عليها ناس او انتى تروحين لها وتفهمينها قيمتها الوسخه ...وذا ماوخرت عنه

راح تفضحينها عند اهلها او زوجها الى يكون .............
بس قبل كل شى لايعرف زوجج عن اى شى إلا بالنهايه لما تكمل كل خيوط الجريمه وساعتها تقدرين تواجهينه



وعقبها انتى كيفج .............

والله بصراحه انا اشوف انه تقريبا الكل متفق على انج تسكتين عن السالفه

بس انا عن نفسي لو صارلي جذي لا والله ما أسكت اقلبها على راسه لاني عارفه نفسي و عارفه قدري و انا الي بخسر بدونه لا و الله اهوا الخسران من بعدي مادري ليش هالتبعيه اللي فينا ليش لازم دايما احنا الي نطاطي و نوطي و نقول ميخالف لا لازم يحس بغلطته و يعرف انه الله حق !!


عموما هذا رايي و ادري انه بيكون في عواقب لكني انا مستعده اتحملها ولا اني اعيش حياتي كلها معاه بهواش ونجره العمر واحد .. يعني لو سكتله اليوم باجر مراح استحمل وبنفجر وعلى قولت الخوات انه لو قلتيله بيتمادي يعني بالنهاية بيتمادي عيل ليش انطر هالشي .. مادري انتي شوفي نفسج شنو الي تقدرين تسوينه وشنو الي انتي تبينه و فكري بعواقب اي شغله بتسوينها قبل لا تسوينها

انا اقولج حقريه ولا تردين عليه وكان شي ما صار وكثر ما تقدرين حقريه وشوفي اذا ما جالج انا جذي مسويه بحبيبي ونفس الجلب وراي