أبي تشغلون مخكم معاي لاني محتاره وما احب أكسر فخاطر زوجي شسوي قولولي ؟؟

om-3li 2009/08/05 · #1

بنات تكفون قولولي شسوي عيد ميلاد زواجنا قرب والصراحه الميزانيه ما تساعد لان مرينا بشوية ظروف هالشهر وبنفس الوقت حابه احتفل وافاجأ زوجي بهالمناسبه فشسوي عطوني افكار حلوه بسيطة من عندكم تناسب وضعي الحالي بليييييييييييييززززززززز بنااااااات :confused::confused:

أم

أم عبدالله 2009/08/05 · #2

هلا اختي عقبال الـ100 وانتوا مع بعض

مو لازم هدية كيكة بسيطة وجو هادئ

وقولي له انا هديتك شرايك . . .

غل

غلا المحيربي 2009/08/05 · #3

الله ابسط الهدايا انج اتسوين باناملج الحلوووووه كيكه وطبخه بسيطه وجو رومانسي فيه البيت او كورنر تجهزينه وتحطين عليييييه منديل وغطييييه وفاجيءه فيها واول مايدخل من البيت اتلقيله وقوليله انته معزوم معايه بعشوه بسييييطه وخلاص والي يصير بعدين ايصير انتي واسلوبج:wink_smile:

q8-3soola 2009/08/05 · #4

الهديه مو شي اساسي اهم شي انج ذكرتيه

وراح تكونين انتي احلى هديه

ودقي على عالم المانجو واطلبي منه طبق فراري وكيكة شاكو ماكو << ترى صغيره مو كبيره بس حلووه و2 عصير على ذوقج

ماتكلفج تقريبا 3 دنانير او اربعه

وسوي لج كيكه او اطلبي كيكه حلوه

وجهزي لج ركن يا بالصاله او غرفة النوم ودلعيه والله يهينكم ياااااااارب

وسلامتج وتعيشين

وواتمنى اني فدتج

شو

شوشوه 2009/08/05 · #5

حبوبه تقدرين تسوين عشا خفيف وكيكه اشتريها على قلب الحب احمر من عند الخباز يمكن ب5 او 4 دنانير والهديه مو ضروري اهم شي احتفلتي وتذكرتي اليوم واهوه اكيد راح يستانس وبقدر

وتقدرين تشبين شموع اذا موجودين عندج واشتري تفافيخ من بو 100 ونثريهم بالمكان الي بتقعدون فيه

وشاكرتلج تقبلي مرووري

اتمنى اكون فدتج :wink_smile::wink_smile:

شق

شقردية واحب الخير 2009/08/05 · #6

:wink_smile:ابلي اخذ راي البنات وانت سبقتيني لانا عيد زواجنا الاحد

om-3li 2009/08/06 · #7

مشكوررررررررين حبابيبي (( أم عبدالله )) (( غلا المحيربي )) (( عسوله )) (( شوشوه )) (( أم كانا )) على الأفكار الحلوه والبسيطه وانشالله راح أطبق اللي قلتوه وبجرب ادق على مانجو :)

أبي تشغلون مخكم معاي لاني محتاره وما احب أكسر فخاطر زوجي شسوي قولولي ؟؟

مواضيع من نفس القسم