بنات اشلون ترتبون ادراجكم وكبتات ملابسكم

السلام عليكم هلا حبيباتي بغيت كل وحدة تقول لي اشلون ترتب ادراجها وكبتاتها لاني بصراحة بنقل شقة وعندي حوسة فحبيت استفيد منكم واخذ افكار علشان ارتب شقتي وخصوصا الكبت واذا قدرتو تحطون صور بكون لكم شاكرة

وينكم بنات ولا وحدة ردت علي زعلتوني

والله انا بعد مثلج ابي اللي تسلعدنييي لان عندي واييد ملابس

نصيحتي لكم يمكن تستفيدون منها : اول شي قسمي اغراضج وحطي كل غرض فمكان وحاولي تستخدمين مثلا الصناديق اللي حجمها وسط او صغير لبعض الملابس بحيث يكون شكلها مرتب فالكبت واطلعينها بسهوله وغير جي ممكن تستخدمين علاقات الملابس وتعلقين علاقات صغيره على باب الكبت من داخل اذا ماكان عندج مكان وانشالله قدرت افيدكم

نصيحه روحو ايكيا في تقسيمات روعه للدروج تحسين جنج بفندق
واحنا نحب نجمع شغلات مالها معنا امسكي الزباله وقطي راح تشوفين في شغلات وايد مالها معنى

حبيبتي حاولي ترتبين مثلا :

ملابس الشتاء حطيهم بكبت ثاني غير اللي تستخدمينه او اذا ما عندج رتبيهم بجنطه

نيي حق الملابس الصيفية اللي تحتاج تعليق قسميهم ملابس السهرة جهة وجهة ملابس اللي مو دايما تلبسينهم وجهة الملابس اللي دايما تستخدمينهم

نيي حق الملابس الدخليه في صناديق مقسمة تلقينهم ايكيا تروفاليو .....الخ

الجناط انا شريت مثل صندوق شكله حلو من هوم سنتر اختاري شي يمشي مع الوان غرفتج ورتبيهم داخلة وبعد بوكس صغير حق البوك

بالتوفيييق وشنو تبين حاضرين :wink_smile:

انا عندي فكرة حلوة البوكسات الكشخة الي في المكتبة اشتري مجموعة بس حجم كبير وصففي ملابسش فيها لا انفتح الكبت لين شكلة مرتب وملابسش مو باينة وادعيلي

زين الوصايف جزاك الله خيرا على الرد واسال الله ان يعطيكي ماتتمنين ويرضى عنك

فعلا افضل شي للملابس تكون كلها معلقه

لانو الملابس بعد التطبيق يلزمها كوي مره ثانيه وغير كذا اذا في مستعجله بتحوسين الدنيا

لاكن لما تكون مرتبه ومعلقه مراح يحتاس شي وبالنسبه للبكل والاكسسوارت خذي لهم صانديق فخمه وحطيها فيها وبس يالغاليه

وسكن مبروك عليكم ان شاءالله

يا بنات يعطيكم العافية

بس حد يعرفني من وين البوكسات وشكلهم ايه ؟

لو في صور يكون خير

وشاكرة لكم

والله انا بعد مثلج ابي اللي تسلعدنييي لان عندي واييد ملابس

اللي تعرف وين يبيعون هذه المقسمات للادراج والدولايب في الكويت تخبرنا حبيباتي

خينا نقضي على الفوضى في الدولايب والادراج

وشكرا

بناات اللي تعرف وين يبوعون شغلات حق الترتيب تقول لنا
جزااكم الله خيرر

ودي كمان تجنن

ياليت حد يعرفنا وين تنباع وله جزيل الشكر

ودي كمان روعة

اي انا كبتي الي في بيت اهلي كلا علاليق مافي الا جم واحد رف للاندرويهات وصج ارتحت ومابسي دوم مو معفسه ، بس مشكلتي بالجناط وين حطهم وابيهم بارزين اشوفهم وسهل اني اخذهم وما ابيهم ياخذون حيز بالغرفه ساعدوني على هالمشكله



وبالنسبه لملابس الشتويه لهم كبت بروح والجاكيتات بروح والتي شرتات بروح والبدي بروح وهكذا انا ندي بيت طابقين اقصد ف غرفة النوم الرئيسيه الكبيره لغيتها وخليتها كبت للملابس اخذ راحتي فيها وغرله يمها صغيره للنوم لاني مااقعد فيا وايد بس اذا بغيت انام نصيحهههه هذي ترا رتبت شغلي وااااايد حتى قطع الخام الي اشتريها والوصلات حاطه لهم ركن حتى ريلي له كبت بروحهه ومرتب ودوم مو معفسه لا طقاق اوتي ولا هم يحزنون لا المشكله كلمن ناقد علي بس ثنتين الي ايدوني طبعا مالي شغل فيهم اهم شي الي انا اشوفه صح مع ريلي بس صج ارتحنا وسلامتكم بس ابي الجناط تكفون ابيلهم حل

لا انا ابي الجناط وين احطهم ولا على قولتج شغلي مرتب بالكبتات الجناط منظرهم كرهتهم