ابي زوجي يحس فيني

السلام يالغالين
بدش بالموضوع على طول
انا متزوجة صارلي سنة و نص و ساكنة مع اهل زوجي بنفس البيت يعني احوس معاهم ما عندي شقة بروحي الحمدلله علاقتي وايد زينة معاهم بس المشكلة انا ابي يكون لي خصوصية شوي مع زوجي ابي اقعد معاه بروحي بدارنا ولا بصالتنا و اهو اطفارتا اني اقعدا بالدار ما يرضى
كله يبي ينزل يروح يقعد معه اهلة انا مليت من هالوضع كل ما انزل و انا كاشخة يجي حماي و يدرعم مرات يقول يالله و مرات لأ ( يعني حفظني من غير حجاب )و اذا رحت الدار اقعد لي باجر عادي ما يسأل عني زوجي و لا يقول خل اروح اقعد معاها شوي
لا تقولون طلعي شقة لأني طلعت بعدين انا قلت خالنرجع احسن فماكو امل الحين اطلع شقة مرا ثانية
شنووووووووووووووو اسوي

اختي اذا انتي مضايقه انه ما يسأل عنج.. كلميه بسلوب حلوو وهادئ<< أهم شي
فهميه انج تتضايقين من هالشي وانج تشتاقين له ولسوالفه

اشكثر كلمته و قلتله بس ماكو فايدة ماكو احساس

حبيبتي حاولي تسوين شي بغرفتج يشدة سوي ليلة رومانسية غيري استايلج لا تخلينه يطلع ويرد يشوفج بنفس اللبس واذا خالتج حليوه وتتفهم الامور حاولي تبين لها ان تكلم ولدها بطريقة غير مباشرة ان تقوله روح حق مرتك او اي شي راح يسمع كلام امه بس لازم يشوفج انسانة ثانية حتى بتعاملج اذا دخل غرفتج قوليله اخيرا رجع النور صار لي فترة قاعدة بالظلام ويبي تب وغسلي ريله وسويله مساج ومن هالسوالف خلية يشتاق لج
بالتوفيييق

ام فطمومة كتبت:اشكثر كلمته و قلتله بس ماكو فايدة ماكو احساس

حاولي تكلمينه بسلوب حلو وهادئ اكثررررررررررر وقولي له كلام حلو وقتهااا
((حاولي ماتحنين عليه))
قولي هالشي مضايقني حيييل

سويله اشياء تشده لج مثل ما قالت اختي
غيري لبسج وشعرج سويله شي غير حتى بالغرفه غيري
اذا ع الوضع تحسين روتين كل يوم نازله وما تاخذين راحتج وحتى شعرج بيلزق براسج اذا طول اليوم لابسته صح !
مادري شقولج ساحليه شوفي جيسي النبض انج تطلعين بشقه جربي يمكن يرضا
الله وياج حبيبتي

الله يهديه ويوفقكم

حبيبتي انا نفس مشكلتج المشكله عندي شقه بس انا بدار وهو بدار يحب يقعد بروحه
ولا يحب ينزل تحت مليت من هالوضع سويت كل شي بس لا حياة لمن تنادي
الله يهديه ويحنن قلبه علي

الله يعينك اختي ام فطموطه انا نفس مشكلتك بس اهل زوجي مو ذاك الزود وانا عند اهلي صارلي فتره واكتشفت ان الوحده ما تاخذ راحتها الا واهي بيت بروحها وحاولي مع زوجك الله يهدي لك يارب ويفرجها علي وعليك

مشكورين وااااااااااايد على هالتفاعل ما قصرتوا
امس كلمته و قلتله بأسلوب هادئ بس بثقل شوي انه انته كله قاعد تحت و انا مو قصدي انه ما ابيك تكون مع اهلك لا بالعكس يس ابي يكون بينه خصوصية شو تقولي شنو سويت و انا سولفلك عن يومي مو بس ما تدخل الدار الا للنوم, كانه حس شوي بس الله يستر عسى مو بس حزاتها بعدين ينسى يعني يسمع من هني و يخره من هني