اثر الهوى يخلي الرجال ينسى امه وابيه ... سالم بن جخير

عزاه ليت الصبر يشرى والله اني لاشتريه
ويا طي حـالـي من غرابيل الزمان وطيته

اثر الهوى يخلي الرجال ينسى امه وابيه
إلا بـــري حــالـــه وعـزيلــه وممـحق نيـته

يصد عن بعض الوجيه ويشكي لبعض الوجيه
لا هل دمعه عند خلق الله وربي بيته

ليتهم يدرون باللي في فؤادي كلبيه
كان اعذروني واتركوا قلبي على سجيته

مجنون خلقة وابتلاني واحدٍ حسبي عليه
جنيتي من يوم شفته عانقت جنيته

شرع بقلبي من يسار وقام يسحب ما يليه
لارتحت من شلفاه شفت الموت من جنبيته

الله مصبرني كذا والقلب في راحت يديه
قلبي معه بشهود ومعرف على ملكيته

ما غير اراقب طلعته واقول يالله تهديه
عساه ياقع في محابيل الغرام وخيته

امشي معه كني سفيه وارجع معه كني سفيه
الله معنيني معه من بيته لكليته

لا شفت زوله من بعيد وكل شبحي لد فيه
كنه يقول اني بموت ولا اعبر محميته

انا اشهد انه بالحلا والملح ما مثله شبيه
كن الحلا في معصمه والملح في كفيته

ابيه من قلبي ابيه وكل ما فيني يبيه
لاخطيت من حسناه راضي لو تجيني سيته

لو المطالب بالتمني دون كيف ودون ليه
كم واحد ٍ لمن طلب تحققت امنيته

ياليت له اخ ٍ صغير وتعذربه واجيه
لا قال وش عندك عنك هنا طلعت له عيديته

والله لعزه وان تعثر قلت بسم الله عليه
ماهو لجل عين الصبي لجل عيون اخيته

يا بخت نفسي من غلاه والله يرحم والديه
واللي ذبح نفسه بنفسه كيف تدفع ديته

سوااالم..

والحين ابي رايكم